Ore i mexü̃ ga Luca ümatüxü̃ 7:6 - Tupanaarü Ore

⁶ Rü yexguma ga Ngechuchu rü nawe narüxũ. Natürü yexguma marü capitáü̃pataxü̃ yangaicagu, rü nüma ga capitáü̃ rü Ngechuchuca̱x yéma nanamu ga ñuxre ga namücügü nax namaxã nüxü̃ yanaxugüxü̃ca̱x ga norü ore ga ñaxü̃: —Pa Corix, tama cuxü̃ chachixewechaü̃ nax chopatawa cunguxü̃ erü choma rü taxuwama chame nax chopatagu cuxücuxü̃.

Ore i mexü̃ ga Luca ümatüxü̃ 7:6 Referans Kwoze

Popera ga Chantiágu ümatüxü̃ 4:6

Natürü Tupana rü tüxü̃ narüngü̃xẽxẽ nax tama nagu iyixü̃ca̱x i ngẽma ngúchaü̃gü i chixexü̃gü i ñoma i naanewa ngẽxmagüxü̃. Rü ngẽmaca̱x norü orewa rü ñanagürü: “Tupana rü tümamaxã nanu ya yíxema tügü icua̱xüü̃güxe, natürü tüxü̃ narüngü̃xẽxẽ ya yíxema tügüna daugüxe nax tama tügü ticua̱xüü̃güxü̃ca̱x”, ñanagürü.

Ore i mexü̃ ga Márcu ümatüxü̃ 5:24

Rü yexguma ga Ngechuchu rü nawe narüxũ. Rü muxü̃ma ga duü̃xü̃gü ínayaxümücügü. Rü yéma nayaxũxtügü.

Ore i mexü̃ ga Luca ümatüxü̃ 8:49

Rü yexguma íyadexayane ga Ngechuchu, rü yéma nangu ga wüxi ga duü̃xü̃ ga yema ngutaque̱xepataü̃arü ãẽ̱xgacümaxã nüxü̃ yarüxuxü̃, rü ñanagürü: —Cuxacü rü marü iyu. ¡Rü taxṹ i cuyachixewechigüxü̃ ya Ngúexẽẽruxü̃! —ñanagürü.

Popera ga Chantiágu ümatüxü̃ 4:10

Rü name nixĩ i Cori ya Tupanape̱xegu pegü íperüxíragü. Rü nüma rü tá pexü̃ nicua̱xüxü̃ rü pexü̃ nataxẽxẽ.

Ngechuchuarü ngúexü̃gü ga yamugüxü̃arü puracüchiga 10:38

Rü pema nüxü̃ pecua̱x nax Tupana naporaxẽẽxü̃ ga Ngechuchu ya Nacharétucüã̱x rü nüxna namuaxü̃ ga Naãxẽ ya Üünecü. Rü nüma ga Ngechuchu rü mexü̃ naxü ga yema íyaxũgüxü̃wa, rü nanameexẽxẽ ga guxü̃ma ga yema ngo̱xome̱xẽwa yexmagüxü̃, yerü Tupana nüxü̃ narüngü̃xẽxẽ.

Ore i mexü̃ ga Luca ümatüxü̃ 5:8

Rü yexguma yemaxü̃ nada̱u̱xgu ga Chimóü̃ ga Pedru, rü Ngechuchupe̱xegu nayacaxã́pü̱xü, rü ñanagürü nüxü̃: —¡Choxna ixũgachi! Pa Corix. Erü choma rü wüxi i duü̃xü̃ i pecaduã́xü̃ chixĩ —ñanagürü.

Ore i mexü̃ ga Matéu ümatüxü̃ 20:28

Yerü Tupana Nane ya duü̃xü̃xü̃ ixĩcü rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Ore i mexü̃ ga Matéu ümatüxü̃ 3:11

Choma rü dexáwamare pexü̃ íchabaiü̃xẽxẽ nax nüxü̃ perüxoexü̃ i pecüma i chixexü̃. Natürü yimá choweama ne ũcü rü choxü̃ narüporamaexü̃chi. Rü choma rü nape̱xewa rü taxuwama chame rü bai i norü chapatuarü ngewa chamexü̃. Rü nüma rü üxüemaãcü tá petanüwa nanamu i Tupanaãxẽ ya Üünecü.

Ucu̱xẽgüchiga 29:23

Ngẽma nügü icua̱xüxü̃xü̃ rü tá tanaxãnexẽxẽ. Natürü yíxema tama tügü icua̱xüxü̃xẽ, rü duü̃xü̃gü rü tá tümamaxã nataãẽgü.

Ore i mexü̃ ga Luca ümatüxü̃ 7:4

Rü Ngechuchuxü̃tawa naxĩ, rü poraãcü nüxü̃ naca̱a̱xü̃gü, rü ñanagürügü: —Name nixĩ i nüxü̃ curüngü̃xẽxẽ ya torü capitáü̃.

Naanearü ügüchiga 32:10

Choma rü taxuwama chame nax ngẽmaãcü chomaxã cumecümaxü̃ rü aixcüma mea choxü̃ curüngü̃xẽẽxü̃. Rü yexguma noxri chaunatüna íchaxũxũ̱xgux rü ñaatama Yudáü̃ i natüwa chixüegu rü taxuxü̃ma choxü̃́ nayexma rü chorü naixmena̱xãxicatama. Natürü i ñu̱xma nax chataeguxü̃ rü choxü̃́ nangẽxma i muxü̃ma i duü̃xü̃gü i taxretücumü ixĩxü̃.

Ore i mexü̃ ga Luca ümatüxü̃ 7:5

Erü nüma ya torü capitáü̃ rü guxü̃ i Yudíugüxü̃ nangechaü̃. Rü nümatama nanaxütanü nax naxügüã̱xü̃ca̱x ga tórü ngutaque̱xepataxü̃ —ñanagürügü.

Ore i mexü̃ ga Luca ümatüxü̃ 7:7

Rü ngẽmaca̱x nixĩ i tama chomatama cuxca̱x chayaca̱xaxü̃. Rü chanaxwa̱xe i curü orewaxicatama nüxü̃ quixu nax naxca̱x yataanexü̃ i chorü duü̃xü̃.