Ore i mexü̃ ga Luca ümatüxü̃ 7:50 - Tupanaarü Ore

⁵⁰ Natürü ga Ngechuchu rü ñanagürü ngĩxü̃ ga yema ngecü: —Curü õgagu rü marü nüxna ícunguxuchi i curü pecadugü. ¡Rü taãẽãcüma nataegu! —ñanagürü.

Ore i mexü̃ ga Luca ümatüxü̃ 7:50 Referans Kwoze

Ore i mexü̃ ga Márcu ümatüxü̃ 5:34

Rü nüma ga Ngechuchu rü ñanagürü ngĩxü̃: —Pa Chauxacüx, curüme erü cuyaxõ. ¡Rü taãẽãcü íixũ, erü marü curü da̱xawewa cuxca̱x nitaane! —ñanagürü.

Ore i mexü̃ ga Luca ümatüxü̃ 8:48

Rü yexguma ga Ngechuchu rü ñanagürü ngĩxü̃: —Pa Chauxacüx, cuxca̱x nitaane, erü cuyaxõ. ¡Rü taãẽãcü íixũ! —ñanagürü.

Ore i mexü̃ ga Luca ümatüxü̃ 18:42

Rü Ngechuchu ñanagürü nüxü̃ —¡Idauuchi! Rü marü cuxca̱x nitaane erü cuyaxõ —ñanagürü.

Ore i mexü̃ ga Matéu ümatüxü̃ 9:22

Natürü nüma ga Ngechuchu rü nügü ínidau, rü ngĩxü̃ nadau ga yema nge. Rü ñanagürü ngĩxü̃: —¡Nataãxẽ, Pa Chauxacüx! Marü cuxca̱x nitaane, erü cuyaxõ —ñanagürü. Rü yexgumatama ngĩxca̱x nitaane.

Ore i mexü̃ ga Márcu ümatüxü̃ 10:52

Rü yexguma ga Ngechuchu, rü ñanagürü nüxü̃: —¡Ẽcü, nataegu! Rü marü cuxca̱x nitaane erü cuyaxõ —ñanagürü. Rü yexgumatama ga gumá ngexetücü rü nidauuchi, rü Ngechuchuwe narüxũ ga namawa.

Abacú 2:4

¡Rü naxümatü i ñaa ore! “Ngẽma duü̃xü̃gü i chixexü̃ ügüxü̃ rü nügü nicua̱xüü̃gü. Natürü yíxema chope̱xewa imexe rü tá tamaxẽ erü chomaxã tixaixcümagü” —ñanagürü.

Ore i mexü̃ ga Luca ümatüxü̃ 8:42

Yerü nüxü̃́ iyexma ga wüxitama ga naxacü, rü iyada̱xawe, rü ituraxüchi. Rü ngĩma rü 12 ga taunecü ngĩxü̃́ nayexma. Rü yexguma Yáirupatawa naxũxgu ga Ngechuchu, rü muxũchixü̃ ga duü̃xü̃gü nawe narüxĩ, rü ínayaxũxtügü.

Ore i mexü̃ ga Luca ümatüxü̃ 8:18

¡Mea iperüxĩnüe i ñu̱xmax! Erü texé ya nüxü̃ cuáxe rü naga ĩnüxe i ngẽma ore i mexü̃, rü Tupana rü tá yexeraxü̃ i cua̱x tüxna naxã. Natürü yíxema tama naga ĩnüxe i ngẽma ore, rü woo ngẽma cua̱x i nagu tarüxĩnüxü̃ nax tüxü̃́ nangẽxmaxü̃ rü tá tüxna nanayaxu —ñanagürü.

Ngu̱xẽẽtaeruü̃arü ore 9:7

Rü ngẽmaca̱x, ¡taãẽãcüma nangõ̱x i paũ rü yaxaxü ya bínu! Erü Cori ya Tupana rü namaxã nataãxẽ i guxü̃ma i ngẽma mexü̃ i ñoma i naanewa cuxüxü̃.

1 Chamué 1:17

Rü yexguma ga Erí rü ngĩxü̃ nangãxü̃ rü ñanagürü: —¡Ẽcü taãẽãcü nataegu! ¡Rü nüma ya Iraéanecüã̱xgüarü Tupana rü cuxna naxã i ngẽma nüxna naxca̱x cucaxü̃! —ñanagürü.

Ore i mexü̃ ga Luca ümatüxü̃ 7:9

Rü nüma ga Ngechuchu rü yexguma nüxü̃ naxĩnügu ga yema capitáü̃arü ore rü naba̱i̱xãchiãxẽ. Rü yema duü̃xü̃gü ga nawe rüxĩxü̃xü̃ nadawenü, rü ñanagürü: —Aixcüma pemaxã nüxü̃ chixu rü taxuxü̃ma i Iraétanüxü̃gütanüwa nüxü̃ ichayangau i wüxi i duü̃xü̃ i ngẽma yatürüxü̃ aixcüma yaxõxü̃ —ñanagürü.

Ore i mexü̃ ga Luca ümatüxü̃ 17:19

Rü ñu̱xũchi gumá yatüxü̃ ñanagürü: —¡Inachi rü íixũ! Cuxca̱x nitaane, erü cuyaxõ —ñanagürü.