Ore i mexü̃ ga Luca ümatüxü̃ 7:46 - Tupanaarü Ore

⁴⁶ Cuma rü tama pumaramaxã choxü̃ cuchaeru, natürü ngĩma i ñaa ngecü rü chaucutügu inaba i pumara.

Ore i mexü̃ ga Luca ümatüxü̃ 7:46 Referans Kwoze

Wiyaegü 23:5

Rü mexü̃ i õna cha̱u̱xca̱x cumexẽxẽ nape̱xewa i chorü uanügü, rü pumaramaxã choxü̃ cubaeru. Rü ngẽma chorü taãxẽ i choxna cuxãxü̃ rü ñoma copa i ããcuxüchixü̃rüxü̃ nixĩ.

Ngu̱xẽẽtaeruü̃arü ore 9:8

¡Rü guxü̃guma cómüxü̃ i naxchirugu icu̱x rü guxü̃guma pumaramaxã cugü nachaeru!

Ore i mexü̃ ga Matéu ümatüxü̃ 6:17

Natürü ngẽxguma cuma rü tama cuchibüãcüma cuyumüxẽgu rü name i mea cugü cuyauxchiwe rü mea cugü curüxĩxẽeru.

Danié 10:3

Rü tama chanangõ̱x ga maixcuraxü̃, rü tama chanangõ̱x ga namachi, rü tama chayaxaxü ga bínu, rü tama chaugü chamexẽxẽ ñu̱xmata yema tomaepü̱x ga yüxü ngupetügu.

Wiyaegü 104:15

Rü ngẽmaãcü duü̃xü̃güna cunaxã i norü poraxẽẽruxü̃ i paũ rü norü taãẽxẽẽruxü̃ i bínu rü norü mexẽẽruxü̃ i chíxü̃.

Rux 3:3

Rü ñu̱xma rü chanaxwa̱xe i cunaxü i ngẽma tá cumaxã nüxü̃ chixuxü̃. ¡Rü naxaiya rü cugü napumaraxü̃ne rü nagu icu̱x i ngẽma cuxchiru i rümemaexü̃, rü ngéma naanewa naxũ! ¡Natürü taxũtáma cugü nüxü̃ cucua̱xẽxẽ nax texé quixĩxü̃ naxü̃pa nax yanguxü̃ nax nachibüxü̃ rü naxaxexü̃ i nüma i Boó!

Miquéa 6:15

Rü tá petoe, natürü taxũtáma penabuxu i norü o. Rü tá penawaxi i ngẽma oribugü, natürü taxũtáma pexca̱x nixĩ i norü chíxü̃. Rü tá penama̱i̱xtüxü̃ i ngẽma úbagü, natürü taxũtáma peyaxaxgü i norü bínu.

Amúx 6:6

Rü taxü̃ i pexpáxü̃wa peyaxaxgü ya bínu. Rü pumara i yixichixü̃maxã pegü peyixemagü. Natürü tama nagu perüxĩnüe i ngẽma pechixü̃ane nax chixexü̃gu nanguxü̃.

2 Chamué 12:20

Rü yexguma ga Dabí rü inachi ga ñaxtüanewa, rü naxaiya rü nügü napumara rü ínacuxuchi, rü to ga naxchirugu nicu̱x. Rü Tupanapatawa naxũ rü yexma naxücu rü Cori ya Tupanaxü̃ nicua̱xüxü̃. Rü yemawena rü nachiü̃ca̱x nataegu rü õnaca̱x ínaca rü nachibü.

Ore i mexü̃ ga Luca ümatüxü̃ 7:47

Rü ngẽmaca̱x woo namu i ngĩrü pecadugü, natürü Tupana ngĩxü̃́ nüxü̃ narüngüma i guxü̃ma, erü ngĩma rü aixcüma choxü̃ ingechaü̃. Rü ngẽxguma wüxi i íxraxü̃ i guxchaxü̃ texéaxü̃́ nüxü̃ rüngü̃magu rü naxíra i tümaarü ngechaü̃ —ñanagürü.