Ore i mexü̃ ga Luca ümatüxü̃ 7:39 - Tupanaarü Ore

³⁹ Rü yexguma yemaxü̃ nada̱u̱xgu ga yema Parichéu ga Ngechuchuna uxü̃, rü naãxẽwa nagu narüxĩnü rü nügümaxãtama ñanagürü: —Ngẽxguma chi ñaa Ngechuchu rü aixcüma wüxi i Tupanaarü orearü uruxü̃ yixĩxgu, rü chi nüxü̃ nacua̱x nax ta̱xacü yixĩxü̃ i ñaa ngexü̃ i nüxü̃ ingõgüxü̃ rü chi nüxü̃ nacua̱x nax wüxi i ngexü̃ i chixexü̃gu maxü̃xü̃ yixĩxü̃ —ñanagürü ga naãxẽwa.

Ore i mexü̃ ga Luca ümatüxü̃ 7:39 Referans Kwoze

Ore i mexü̃ ga Luca ümatüxü̃ 7:16

Rü yexguma yemaxü̃ nadaugügu ga duü̃xü̃gü, rü guxü̃ma namuü̃e. Rü inanaxügüe ga Tupanaxü̃ nax yacua̱xüü̃güxü̃. Rü ñanagürügü: —Wüxi i Tupanaarü orearü uruxü̃ i poraxü̃ tatanüwa nango̱x —ñanagürügü. Rü ñanagürügü ta: —Tupana nua naxũ nax norü duü̃xü̃güxü̃ yanangü̃xẽẽxü̃ca̱x —ñanagürügü.

Ore i mexü̃ ga Luca ümatüxü̃ 15:2

Rü yemaca̱x ga Parichéugü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Ngechuchuxü̃ nixugüe, rü ñanagürügü: —Ñaa yatü rü norü me nixĩ i pecaduã̱xgüxü̃maxã naxãmücüxü̃, rü namaxã nachibüxü̃ —ñanagürügü.

Ore i mexü̃ ga Márcu ümatüxü̃ 7:21

Erü norü aixepewa i naãxẽwa ne naxĩ i muxü̃ma i chixexü̃gü ngẽxgumarüxü̃ nax chixexü̃gu naxĩnüxü̃, rü naxü̃nearü ngúchaü̃gu nax namaxü̃xü̃, rü nangĩ́xü̃, rü namáetaxü̃, rü nai i ngexü̃maxã namaxü̃xü̃, rü togüarü ngẽmaxü̃ nüxü̃́ ngúchaü̃xü̃, rü chixexü̃gu namaxü̃xü̃, rü nawomüxẽẽwa̱xexü̃, rü chixexü̃ i nacümagü, rü naxauxãchiwa̱xexü̃, rü naxoregüta̱xáxü̃, rü nügü yacua̱xüxü̃xü̃, rü tama mea naãxẽxü̃ nacuáxü̃.

Ichaía 65:5

Rü ngẽma duü̃xü̃gü rü ñanagürügü: “Taxṹ i toxna cungaicamaxü̃ erü duü̃xü̃gü i üünexü̃ tixĩgü”, ñanagürügü. Natürü ngẽma duü̃xü̃gü rü ñoma üxü i guxü̃ i ngunexü̃ iyaa̱u̱xraxü̃rüxü̃ nixĩgü. Rü choxü̃ nachixewe ñoma üxüema i taxmaraü̃gu cáixcuemaxü̃rüxü̃.

Ore i mexü̃ ga Cuáü̃ ümatüxü̃ 9:24

Rü yexguma ga yema Yudíugü rü wenaxarü naxca̱x nacagü ga gumá ngexetüchire̱xcü. Rü ñanagürügü nüxü̃: —Rü ñu̱xma tanaxwa̱xe i Tupanape̱xewa rü aixcüma tomaxã nüxü̃ quixu nax texé cuxü̃ rümexẽẽxü̃. Erü toma rü meama nüxü̃ tacua̱x i ngẽma Ngechuchu rü wüxi i pecaduã́xü̃ nax yixĩxü̃ —ñanagürügü.

Ore i mexü̃ ga Cuáü̃ ümatüxü̃ 7:12

Rü yema duü̃xü̃gü ga yéma yexmagüxü̃, rü nügütanüwa poraãcü Ngechuchuchiga nidexagü. Rü ñuxre ga yema duü̃xü̃gü rü ñanagürügü: —Yimá rü wüxi ya yatü ya mecü nixĩ —ñanagürügü. Natürü ga togü rü ñanagürügü: —Ngẽma yatü rü tama name erü duü̃xü̃güxü̃ nawomüxẽxẽ —ñanagürügü.

Ore i mexü̃ ga Cuáü̃ ümatüxü̃ 4:19

Rü yexguma yemaxü̃ naxĩnügu ga yema ngecü, rü ngĩgürügü: —Pa Corix, nüxü̃ chicua̱xãchi rü cuma rü wüxi i Tupanaarü orearü uruxü̃ quixĩ.

Ore i mexü̃ ga Luca ümatüxü̃ 18:4

Rü muẽ̱xpü̱xcüna yéma ixũũxü̃, natürü yema ãẽ̱xgacü rü tama ngĩxü̃ narüngü̃xẽẽchaü̃. Natürü düxwa nagu narüxĩnü ga yema ãẽ̱xgacü rü naãxẽwa ñanagürü: “Choma rü tama Tupanaxü̃ changechaü̃, rü taxúexü̃ma changechaü̃.

Ore i mexü̃ ga Luca ümatüxü̃ 16:3

Rü yexguma ga yema coriarü duü̃xü̃ rü nagu narüxĩnü, rü nügüãẽwa ñanagürü: “¿Ta̱xacü tá chaxü i ñu̱xmax, erü chorü cori rü marü choxü̃ ínata̱xüchi i ngẽma chorü puracüwa? Tama chapora nax naanewa chapuracüxü̃ca̱x, rü chaxãne nax diẽruca̱x íchaca̱xaxü̃ nüxna i togü.

Ore i mexü̃ ga Luca ümatüxü̃ 7:37

Rü wüxi ga ngecü ga chixexü̃gu maxü̃cü ga gumá ĩanecüã̱x, rü yexguma nüxü̃ nacuáchigagu nax Parichéupatawa tá nax nachibüxü̃ ga Ngechuchu, rü yéma ixũ. Rü yéma inange ga wüxi ga pumara ga yixixü̃ ga wüxi ga butiya ga nutanaxca̱xmaxã ãxchiü̃xü̃.

Ore i mexü̃ ga Luca ümatüxü̃ 3:8

¡Rü mea pemaxẽ nax ngẽmaãcü guxü̃ma i duü̃xü̃gü nüxü̃ daugüxü̃ca̱x nax aixcüma marü nüxü̃ perüxoexü̃ i pecüma i chixexü̃! Rü tama name i ñaperügügü: “Taxũtáma Tupana toxü̃ napoxcue, erü Abraáü̃tanüxü̃ tixĩgü”, ñaperügügü. Erü tama ngẽmaca̱x nixĩ ya Tupana i duü̃xü̃güxü̃ namaxẽẽxü̃. Rü pemaxã nüxü̃ chixu rü ngẽxguma Tupana naxwa̱xegu rü tama nüxü̃́ naguxcha nax daa nutawa Abraáü̃tanüxü̃ nanguxü̃xẽẽxü̃.

Norü taxre ga popera ga ãẽ̱xgacügüchiga 5:20

Rü yexguma marü yáxü̃waxü̃ra nanguxgu, rü gumá Erichéuarü ngü̃xẽẽruxü̃ ga Guexáchi rü ñaxü̃gu narüxĩnü: —Yimá chorü cori rü taxuxü̃ma Naamáü̃ ya Chíriacüã̱xna nayaxu i ngẽma ngẽmaxü̃gü i nua naxca̱x nanaxü̃. Rü ngẽmaca̱x i ñu̱xma rü tá nawe change nax nüxna chayaca̱xaxü̃ca̱x —ñaxü̃gu narüxĩnü.

Ore i mexü̃ ga Luca ümatüxü̃ 12:17

Rü gumá yatü rü nagu narüxĩnü rü naãxẽwa ñanagürü: “¿Ta̱xacü tá chaxüxü̃ i ñu̱xmax? Erü nataxuma i chorü nachica i ngextá namaxã nax changuxü̃xü̃ i chaunetügüarü o”, ñanagürü.

Ore i mexü̃ ga Matéu ümatüxü̃ 20:16

Rü yíxema ñu̱xma duü̃xü̃gü wixweama tüxü̃ ügüxexẽ́xẽ, rü daxũguxü̃ i naanewa rü Tupana tá wixpe̱xewa tüxü̃ naxǘgüxẽxẽ. Rü yíxema ñu̱xma duü̃xü̃gü wixpe̱xewa tüxü̃ ügüxexẽ́xẽ rü daxũguxü̃ i naanewa rü Tupana tá wixweama tüxü̃ naxǘgüxẽxẽ. Erü Tupana rü muxũchiena naxu, natürü noxretama tixĩ ya yíxema tüxü̃ nadexe —ñanagürü ga Ngechuchu.

Ore i mexü̃ ga Matéu ümatüxü̃ 21:11

Rü yema Ngechuchuwe rüxĩxü̃ ga duü̃xü̃gü rü nanangãxü̃gü rü ñanagürügü: —Daa nixĩ ya Tupanaarü orearü uruxü̃ ya Ngechuchu ya Gariréaanewa ngẽxmane ya ĩane ya Nacharétucüã̱x ixĩcü —ñanagürügü.

Ore i mexü̃ ga Luca ümatüxü̃ 7:38

Rü naxauxãcüma Ngechuchucutüxü̃tawa iyarütoxõchi. Rü ngĩxgüxü̃xetümaxã iyawaicutüxẽxẽ. Rü ngĩyaemaxã ínapicutü, rü inachúxcutü. Rü ñu̱xũchi yema pumaramaxã inachacutü.

Ore i mexü̃ ga Luca ümatüxü̃ 7:40

Rü yexguma ga Ngechuchu rü Parichéuxü̃ ñanagürü: —Pa Chimóü̃, choxü̃́ nangẽxma i wüxi i ore i cumaxã nüxü̃ chixuxchaü̃xü̃ —ñanagürü. Rü nüma ga Parichéu rü Ngechuchuxü̃ nangãxü̃, rü ñanagürü: —¡Ẽcü, chomaxã nüxü̃ ixu, Pa Ngúexẽxẽruxü̃! —ñanagürü.