Ore i mexü̃ ga Luca ümatüxü̃ 7:34 - Tupanaarü Ore

³⁴ Rü ñu̱xũchi núma naxũ ya Tupana Nane nax duü̃xü̃xü̃ ixĩcü, rü õna nangõ̱x rü bínu nayaxaxü. Rü ngẽxguma i pema rü ñaperügügü nüxü̃: “Nataanüxü̃chi rü nangãxwa̱xe, rü pecaduã̱xgüxü̃ i duü̃xü̃gümaxã naxãmücü, rü yatügü i Rómaarü ãẽ̱xgacüca̱x diẽru ngĩxü̃ ideetanüxü̃maxã naxãmücü”, ñaperügügü nüxü̃.

Ore i mexü̃ ga Luca ümatüxü̃ 7:34 Referans Kwoze

Ore i mexü̃ ga Luca ümatüxü̃ 15:2

Rü yemaca̱x ga Parichéugü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Ngechuchuxü̃ nixugüe, rü ñanagürügü: —Ñaa yatü rü norü me nixĩ i pecaduã̱xgüxü̃maxã naxãmücüxü̃, rü namaxã nachibüxü̃ —ñanagürügü.

Ore i mexü̃ ga Cuáü̃ ümatüxü̃ 12:2

Rü yéma Lácharopatawa Ngechuchuca̱x nanaxügü ga wüxi ga õna. Rü natanüwa ga yema mechawa yexmagüxü̃ rü Lácharo nixĩ ga Ngechuchuxü̃tawaama chibücü. Rü Márta iyixĩ ga inaxǘcü ga õna.

Ore i mexü̃ ga Luca ümatüxü̃ 19:7

Rü yexguma yemaxü̃ nadaugügu ga duü̃xü̃gü, rü guxü̃ma inanaxügüe ga chixri Ngechuchuchiga nax yadexagüxü̃. Rü ñanagürügü: —¿Ñuxãcü i nüma rü wüxi i duü̃xü̃ i pecaduã́xü̃patawa nangu? —ñanagürügü.

Ore i mexü̃ ga Luca ümatüxü̃ 14:1

Rü wüxi ga ngü̃xchigaarü ngunexü̃gu rü Ngechuchu rü wüxi ga Parichéugüarü ãẽ̱xgacüpatawa nayachibü. Rü yéma nayexmagü ga togü ga Parichéugü ga yéma bexma Ngechuchuxü̃ ngugüexü̃.

Ore i mexü̃ ga Luca ümatüxü̃ 7:36

Rü wüxi ga Parichéu rü Ngechuchuna naxu nax napatawa nachibüxü̃ca̱x. Rü yéma naxũ ga Ngechuchu rü yema Parichéuarü mechawa nayarüto.

Ore i mexü̃ ga Luca ümatüxü̃ 5:29

Rü yixcama ga Lebí rü napatawa Ngechuchuca̱x nanaxü ga wüxi ga taxü̃ ga õna. Rü muxü̃ma ga yatügü ga Lebírüxü̃ diẽruarü degüwa puracüexü̃, rü muxü̃ma ga togü ga duü̃xü̃gü rü ta yéma mechawa narütogü.

Ore i mexü̃ ga Matéu ümatüxü̃ 9:11

Natürü yexguma yemaxü̃ nadaugügu ga Parichéugü, rü Ngechuchuarü ngúexü̃güna nacagü, rü ñanagürügü: —¿Ñuxãcü i perü ngúexẽẽruxü̃ rü namaxã nachibü i ngẽma duü̃xü̃gü i Rómaarü ãẽ̱xgacüca̱x diẽru ngĩxü̃ yauxgüxü̃ rü ngẽma duü̃xü̃gü i pecaduã̱xgüxü̃? —ñanagürügü.

Ore i mexü̃ ga Cuáü̃ ümatüxü̃ 2:2

Rü Ngechuchuna naxugüe namaxã ga norü ngúexü̃gü nax yéma naxĩxü̃ca̱x.

Ore i mexü̃ ga Luca ümatüxü̃ 11:37

Rü yexguma nüxü̃ nachauxgu ga nax yadexaxü̃ ga Ngechuchu rü wüxi ga Parichéu nüxna naxu nax napatawa yachibüxü̃ca̱x. Rü yema Parichéupatawa naxũ, rü mechawa nayarüto.

Ore i mexü̃ ga Matéu ümatüxü̃ 5:46

Rü ngẽxguma chi ngẽma duü̃xü̃gü i pexü̃ ngechaü̃güxü̃xicatama pengechaü̃gügu, ¿rü ta̱xacürü ãmare tá Tupanaxü̃tawa peyauxgü? ¿Tama ẽ̱xna ngẽmatama naxügüxü̃ i ngẽma yatügü i ãẽ̱xgacüca̱x diẽru ngĩxü̃ ideetanüxü̃?

Ore i mexü̃ ga Matéu ümatüxü̃ 11:19

Rü ñu̱xũchi núma naxũ ya Tupana Nane ya duü̃xü̃xü̃ ixĩcü rü õna nangõ̱x rü bínu nayaxaxü. Rü ngẽxguma i nüma i duü̃xü̃gü rü taanüxü̃chixü̃ rü ngãxwa̱xexü̃ nüxü̃ nawogüe. Rü nüxü̃ nixugüe rü pecaduã̱xgüxü̃maxã naxãmücü, rü namaxã naxãmücü i ngẽma duü̃xü̃gü i Rómaarü ãẽ̱xgacüca̱x diẽru ngĩxü̃ ideetanüxü̃. Natürü Tupanaarü cua̱x rü tümawa nango̱x ya yíxema aixcüma mexü̃ üxe”, ñanagürü ga Ngechuchu.

Ore i mexü̃ ga Luca ümatüxü̃ 7:33

Yerü ga Cuáü̃ ga baiü̃ẽxẽruxü̃ rü núma naxũ, rü tama paũ nangõ̱x rü tama bínu nayaxaxü. Rü yexguma ga pema rü: “Nango̱xoã̱x”, ñaperügügü nüxü̃.

Ore i mexü̃ ga Luca ümatüxü̃ 7:35

Natürü Tupanaarü cua̱x rü meama nango̱x tümawa ya yíxema aixcüma nawe rüxĩxe —ñanagürü ga Ngechuchu.