Ore i mexü̃ ga Luca ümatüxü̃ 7:32 - Tupanaarü Ore

³² Rü ñaa duü̃xü̃gü rü taxuxü̃maama nataãẽgü ngẽxgumarüxü̃ i ngẽma buxü̃gü i plazawa rütogüxü̃, rü íxĩnüca̱xwa̱xegüxü̃, rü tagaãcü namücügüxü̃ ñagüxü̃: “Marü wowerumaxã pexca̱x tapaxetagü natürü tama ípixü̃ãchitanüxü̃. Rü marü ngechaü̃xü̃ i wiyaegu pexca̱x tawiyaegü natürü tama pexauxe”, ñagüxü̃. Rü ngẽma buxü̃gürüxü̃ taxuxü̃maama nataãẽgü i ñomaü̃cüü i duü̃xü̃gü.

Ore i mexü̃ ga Luca ümatüxü̃ 7:32 Referans Kwoze

Ucu̱xẽgüchiga 17:16

Ngẽma duü̃xü̃ i tama naãẽxü̃ cuáxü̃, ¿rü ta̱xacüwa nüxü̃́ namexü̃ nax nadiẽruã́xü̃ nax ngẽmamaxã naxca̱x nataxexü̃ca̱x i cua̱x? Erü ngẽma cua̱x rü taxuwama nüxü̃́ name i wüxi i duü̃xü̃ i tama naãẽxü̃ cuáxü̃.

Chacaría 8:5

Rü ngẽxgumarüxü̃ ta i buxü̃gü i yatüxü̃gü rü ngexü̃gü, rü tá nanapaxẽxẽ i Yerucharéü̃arü plazagü rü ngéma tá naxĩnüca̱xwa̱xegü.

Ore i mexü̃ ga Matéu ümatüxü̃ 20:3

Rü yixcama ga 9 arü oragu rü wenaxarü plazawa ínayadau. Rü yexma nüxü̃ nayangau ga ñuxre ga yatügü ga ngearü puracüxã́xü̃.

Ore i mexü̃ ga Luca ümatüxü̃ 7:31

Rü nüma ga Cori ya Ngechuchu rü ñanagürü: —¿Ta̱xacügu tá chanangu i ñomaü̃cüü maxẽxü̃ i duü̃xü̃gü? ¿Rü ta̱xacürüxü̃ nixĩgü?

Ore i mexü̃ ga Luca ümatüxü̃ 7:33

Yerü ga Cuáü̃ ga baiü̃ẽxẽruxü̃ rü núma naxũ, rü tama paũ nangõ̱x rü tama bínu nayaxaxü. Rü yexguma ga pema rü: “Nango̱xoã̱x”, ñaperügügü nüxü̃.