Ore i mexü̃ ga Luca ümatüxü̃ 7:25 - Tupanaarü Ore

²⁵ Rü yexguma tama gumá ípeyadaugügu, ¿rü ta̱xacü nixĩ ga ípeyadaugüxü̃? ¿Ẽ̱xna wüxi ga yatü ga nügü nga̱xãẽcü ípeyadaugü? Pema nüxü̃ pecua̱x i ngẽma nügü nga̱xãẽgüxü̃ rü nachixü̃anegüarü ãẽ̱xgacügüpatawa nangẽxmagü, rü taxuca̱xma chianexü̃wa nangẽxmagü.

Ore i mexü̃ ga Luca ümatüxü̃ 7:25 Referans Kwoze

Ore i mexü̃ ga Matéu ümatüxü̃ 6:29

Natürü pemaxã nüxü̃ chixu rü woo gumá ãẽ̱xgacü ga Charomóü̃ ga tatanüxü̃ ga naxchirumaxã ãxchirucü rü taguma wüxi ga putürachacurüxü̃ nixĩ ga naxchiru.

Ore i mexü̃ ga Matéu ümatüxü̃ 3:4

Rü naxchiru ga Cuáü̃ rü caméyuta̱xanaxca̱x nixĩ, rü norü goyexü̃ rü naxcha̱xmünaxca̱x nixĩ. Rü munümaxã rü beruremaxã naxãwemü.

Ichaía 59:17

Wüxi i churara rü nicuxcuchi i norü churarachiru rü nananucu i norü poxü̃ruxü̃ nax inawéãxü̃ca̱x i norü pora. Rü nüma ya Tupana rü ngẽxgumarüxü̃ ta inanawe̱x i norü pora. Rü inanawe̱x i nacüma i aixcüma we̱xguxü̃, rü norü pora i namaxã ínanguxü̃xẽẽãxü̃ i norü duü̃xü̃gü. Rü inanawe̱x i norü pora i namaxã napoxcueãxü̃ i ngẽma norü duü̃xü̃güarü uanügü, erü poraãcü nüxü̃́ nachu̱xu i norü duü̃xü̃gü.

Ester 8:15

Rü yema ngunexü̃ ga nagu naxunagüxü̃ ga yema mu, rü nüma ga Maduquéu rü nagu nicu̱x ga ãẽ̱xgacüchiru ga cómüxü̃ rü yáuxü̃. Rü nügü natüãtü namaxã ga wüxi ga tüãtüruxü̃ ga línuchinaxca̱x ga dauxracharaxü̃. Rü nügüeruwa nayanga̱xcuchi ga wüxi ga nga̱xcueruxü̃ ga úirunaxca̱x. Rü yemaacü ínaxũxü̃ ga ãẽ̱xgacüpatawa. Rü guxü̃ma ga duü̃xü̃gü ga Chúchacüã̱x rü tagaãcü nüxü̃ nicua̱xüü̃gü.

Ester 5:1

Rü tomaepü̱x ga ngunexü̃guwena rü ngĩma ga Ité rü nagu iyacu̱x ga ngĩrü ãẽ̱xgacüma̱xchiru rü ñu̱xũchi ãẽ̱xgacüpatagu ixücu. Rü yema ucapu ga ãẽ̱xgacü nawa rütoxü̃arü ĩã̱xarü we̱xgu iyachi ga ãẽ̱xgacü mea ngĩxü̃ ídauxü̃wa.

Ester 4:2

Rü yemaacü inixũ rü ñu̱xmata ãẽ̱xgacüpataa̱xwa nangu rü yéma nayachaxãchi, yerü nachu̱xu ga ngechaü̃chirugu icúxe ãẽ̱xgacüpatagu nax ücuxü̃.

Ester 1:3

Rü yexguma marü tomaepü̱x ga taunecü ãẽ̱xgacü yixĩxgu ga Achuéru rü nanaxü ga wüxi ga taxü̃ma ga peta. Rü nüxna naxu ga guxü̃ma ga norü ngü̃xẽẽruü̃gü ga ãẽ̱xgacügü rü churaragüerugü ga Médiaanecüã̱x rü Pérchiaanecüã̱x, rü yema ãẽ̱xgacügü ga wüxichigü ga norü naanearü üyewa yexmagüxü̃.

Norü taxre ga popera ga ãẽ̱xgacügüchiga 1:8

Rü nümagü nanangãxü̃gü rü ñanagürügü: —Wüxi i yatü i ngu̱xuxpümüxü̃maxã ãxchiruxü̃ nixĩ, rü ñu̱xũchi wüxi i goyexü̃ i naxcha̱xmünaxca̱xmaxã nigoye —ñanagürügü. Rü nüma ga ãẽ̱xgacü rü ñanagürü: —Ngẽma rü Ería i Tibécüã̱x nixĩ —ñanagürü.

2 Chamué 19:35

Erü ñu̱xma rü marü choxü̃́ nangẽxma i 80 ya taunecü rü marü tama nüxü̃ chacua̱x nax nañuxãcaxü̃ i õna ega chachibügu rü chaxaxegu. Rü marü tama mea nüxü̃ chaxĩnü i naga i ngẽma wiyaetanüxü̃ i yatüxü̃ rü ngexü̃gü. Rü ngẽmaca̱x tama chanaxwa̱xe nax wüxi i curü guxcharuxü̃ chixĩxü̃.

Ore i mexü̃ ga Matéu ümatüxü̃ 11:8

Rü yexguma tama gumá ípeyadaugügu, ¿rü ta̱xacü nixĩ ga ípeyadaugüxü̃? ¿Ẽ̱xna wüxi ga yatü ga mea nügü nga̱xãẽxü̃ nixĩ ga ípeyadaugüxü̃? Pema nüxü̃ pecua̱x i ngẽma mea nügü nga̱xãẽgüxü̃ rü ãẽ̱xgacügüpatagüwa nangẽxmagü.

Ore i mexü̃ ga Luca ümatüxü̃ 7:24

Rü yexguma nawoegu̱xgu ga yema duü̃xü̃gü ga Cuáü̃ yéma mugüxü̃, rü Ngechuchu inanaxügü ga gumá Cuáü̃chiga nax yadexaxü̃. Rü duü̃xü̃gümaxã nüxü̃ nixu, rü ñanagürü: —¿Ta̱xacü nixĩ ga pema ípeyadaugüxü̃ ga chianexü̃wa ga taxúema íxãpataxü̃wa? ¿Ẽ̱xna wüxi ga dexne ga buanecü yaxĩã̱xtanücüüxẽxẽcürüxü̃ nixĩ ga ípeyadaugüxü̃?

Ore i mexü̃ ga Luca ümatüxü̃ 7:26

¿Ta̱xacü ẽ̱xna nixĩ ga ípeyadaugüxü̃? ¿Ẽ̱xna wüxi ga Tupanaarü orearü uruxü̃? Ngẽmáacü aixcüma yema nixĩ ga ípeyadaugüxü̃. Rü pemaxã nüxü̃ chixu rü Cuáü̃ ya báiü̃xẽẽruxü̃ rü wüxi i Tupanaarü orearü uruxü̃arü yexera nixĩ.

Ore i mexü̃ ga Luca ümatüxü̃ 16:19

Nayexma ga wüxi ga yatü ga diẽruã̱xü̃chixü̃ ga guxü̃guma mexẽchixü̃ ga naxchirugu icúxü̃. Rü guxü̃ ga ngunexü̃gu rü taxü̃ma ga õna naxü rü napetaexü̃.