Ore i mexü̃ ga Luca ümatüxü̃ 7:21 - Tupanaarü Ore21 Rü yexgumatama Ngechuchuxü̃tawa nangugügu ga Cuáü̃arü ngúexü̃gü, rü Ngechuchu nanameexẽxẽ ga muxü̃ma ga duü̃xü̃gü ga naguxü̃raü̃xü̃ ga da̱xawemaxã ida̱xaweexü̃ rü yema ingo̱xoã́xü̃. Rü nayadauuchigüxẽxẽ ga muxü̃ma ga ingexetüxü̃. Gade chapit la |
Rü guxü̃ ga Gariréaanegu nixũgüchigü ga Ngechuchu. Rü wüxichigü ga ĩanewa, rü duü̃xü̃güarü ngutaque̱xepataü̃wa ningu̱xẽẽtaechigü. Rü duü̃xü̃gümaxã nüxü̃ nixuchigü ga ore ga mexü̃ nax ãẽ̱xgacü yixĩxü̃ ya Tupana. Rü yema duü̃xü̃gü ga ida̱xaweexü̃ rü nanameexẽxẽ nawa ga guxü̃ma ga norü da̱xawegü rü norü ngu̱xunegü.
Rü ngẽxguma ñaa nachixü̃anewa nangemagu i taiya, rüe̱xna ínanguxgu i nanetüarü da̱xaweane, rüe̱xna naianexü̃maxã nayuegu i nanetügü, rüe̱xna ínangugügu i munügü, rüe̱xna õxmigü, rüe̱xna naweanegü, rü ngẽxguma torü uanügü nüxü̃ íchomaeguãchigu i torü ĩanegü nax toxü̃ nada̱i̱xü̃ca̱x, rüe̱xna ta̱xacürü to i guxchaxü̃, rüe̱xna da̱xaweanegü toxca̱x ínguxgu, natürü ega curü duü̃xü̃gü i Iraétanüxü̃ nüxü̃ naxoegu i norü chixexü̃gü rü daa cupata ya taxü̃newa yayumüxẽgügu, ¡rü daxũguxü̃ i naanewa nüxü̃́ nüxü̃ naxĩnü rü nüxü̃́ nüxü̃ irüngüma i norü chixexü̃gü! ¡Rü nüxü̃́ naxütanü i wüxichigü i duü̃xü̃ ngẽxgumarüxü̃ nax ñuxãcü cupe̱xewa namaxü̃xü̃! Erü cuxicatama nixĩ i nüxü̃ cucuáxü̃ i wüxichigüarü maxü̃.
Rü duü̃xü̃gü rü Ngechuchuchigaxü̃ nixugügü ga guxü̃ma ga Chíriaanewa. Rü naxü̃tawa nanagagü ga naguxü̃raü̃xü̃ ga da̱xaweanemaxã idaaweexü̃. Rü nayexma ga duü̃xü̃gü ga ngúanemaxã idaaweexü̃, rü duü̃xü̃gü ga poraãcü naxü̃newa nangúexü̃, rü duü̃xü̃gü ga ngo̱xo nawa yexmaxü̃, rü duü̃xü̃gü ga óxwaa̱xgüxü̃, rü duü̃xü̃gü ga nawãĩxãchigüxü̃. Rü Ngechuchu nanameexẽxẽ ga guxü̃ma ga yema.