Ore i mexü̃ ga Luca ümatüxü̃ 7:2 - Tupanaarü Ore

² Rü yéma nayexma ga wüxi ga churaragüarü capitáü̃ ga Rómacüã̱x. Rü gumá capitáü̃ rü nüxü̃́ nayexma ga wüxi ga norü duü̃xü̃ ga poraãcü nüxü̃ nangechaü̃xü̃. Rü yema norü duü̃xü̃ rü nida̱xawe, rü naturaxüchi.

Ore i mexü̃ ga Luca ümatüxü̃ 7:2 Referans Kwoze

Naanearü ügüchiga 24:27

Rü ñanagürü: —Cumecümaxü̃chi, Pa Cori ya Chorü Cori ya Abraáü̃arü Tupanax, erü aixcüma cuyanguxẽxẽ i ngẽma chorü cori ya Abraáü̃maxã nüxü̃ quixuxü̃. Erü namaxã cumecüma rü poraãcü nüxü̃ curüngü̃xẽxẽ, rü ngẽmaãcü natanüxü̃tanüwa choxü̃ cunguxẽxẽ —ñanagürü.

Colosenses 3:22

Pa Duü̃xü̃güx i Coriã̱xgüxü̃x, rü name nixĩ i guxü̃wama naga pexĩnüe i perü corigü i ñoma i naanewa pemaxã icua̱xgüxü̃. Rü tama name i pexü̃ nadaugüguxicatama mea pepuracüe nax ngẽmaãcü penataãẽxẽẽxü̃ca̱x. Natürü name nixĩ i mexü̃ i perü ngúchaü̃maxã mea pepuracüe erü tórü Cori ya Tupanaxü̃ pemuü̃e.

Ore i mexü̃ ga Luca ümatüxü̃ 23:47

Rü yexguma yema churaragüarü ãẽ̱xgacü ga Rómacüã̱x nüxü̃ da̱u̱xgu ga yema ngupetüxü̃, rü Tupanaxü̃ nicua̱xüxü̃, rü ñanagürü: —Aixcüma ñaa yatü rü taxuxü̃ma i chixexü̃ naxü —ñanagürü.

Ore i mexü̃ ga Luca ümatüxü̃ 8:42

Yerü nüxü̃́ iyexma ga wüxitama ga naxacü, rü iyada̱xawe, rü ituraxüchi. Rü ngĩma rü 12 ga taunecü ngĩxü̃́ nayexma. Rü yexguma Yáirupatawa naxũxgu ga Ngechuchu, rü muxũchixü̃ ga duü̃xü̃gü nawe narüxĩ, rü ínayaxũxtügü.

Ore i mexü̃ ga Matéu ümatüxü̃ 27:54

Rü yema churaragüarü ãẽ̱xgacü rü norü churaragü ga Ngechuchuna ídaugüxü̃, rü yexguma nüxü̃ nadaugügu nax naxĩã̱xãchianexü̃ rü guxü̃ma ga yema ngupetüxü̃ rü poraãcü namuü̃e, rü ñanagürügü: —Aixcüma nixĩ ya daa yatü ya Tupana Nane nax yixĩxü̃ —ñanagürügü.

Ucu̱xẽgüchiga 29:21

Texé nabuxgutama nangexrüxe i wüxi i tümaarü mugüruxü̃, rü yixcüra rü tá poraãcü tüxü̃́ nangu̱x.

Yox 31:5

Rü aixcüma nüxü̃ chixu rü taguma chixexü̃gu charüxĩnüãcüma ta̱xacü chaxü, rü bai nagu charüxĩnü ga texéxü̃ nax chawomüxẽẽxü̃.

Naanearü ügüchiga 35:8

Rü yema nachicagu ta nixĩ ga nayuxü̃ ga Débora ga Rebécaarü dauruxü̃, rü nai ga taxü̃ ga Betéarü ngaicamawa yexmaxü̃tüü̃gu ngĩxü̃ nata̱xgü. Rü yemaca̱x ga Acóbu rü yema nachica rü Nai i Taxü̃gu nanaxüéga.

Ngechuchuarü ngúexü̃gü ga yamugüxü̃arü puracüchiga 27:43

Natürü yema norü capitáü̃ ga churaragü, rü Pauruxü̃ namaxẽẽchaü̃, rü yemaca̱x tama nanaxwa̱xe nax nadaiaxü̃ ga yema poxcuexü̃. Natürü nanamu nax yema ixãnüxü̃ rü nüxíra ínayuxgüxü̃ nax naxãnacüwa nawẽxgüxü̃ca̱x, rü yema togü rü mürapewagügu rüe̱xna yema wapurutüchigügu mea nax ínachoü̃xü̃ca̱x. Rü yemaacü guxãma meama naxãnacüwa tangugü.

Ngechuchuarü ngúexü̃gü ga yamugüxü̃arü puracüchiga 27:3

Rü moxü̃ãcü rü Chidóü̃arü türewa tangugü. Rü Paurumaxã namecüma ga capitáü̃ ga Yúriu rü ínanaxüexẽxẽ ga Pauru nax yémacüã̱x ga namücügüxü̃tagu naxũãneaxü̃ca̱x rü nüxü̃ nangü̃xẽẽgüxü̃ca̱x.

Ngechuchuarü ngúexü̃gü ga yamugüxü̃arü puracüchiga 27:1

Rü yema ãẽ̱xgacügü rü düxwa nagu narüxĩnüe nax Itáriaanewa toxü̃ namugüxü̃. Rü norü churaragüarü capitáü̃na nanamu ga Pauru namaxã ga ñuxre ga togü ga poxcuexü̃. Rü gumá capitáü̃ rü Yúriu nixĩ ga naéga, rü norü churaragütücumü rü “Ãẽ̱xgacü ya Chécharuarü Dauruü̃gü”, nixĩ ga naéga.

Ngechuchuarü ngúexü̃gü ga yamugüxü̃arü puracüchiga 23:17

Rü Pauru naxca̱x naca ga wüxi ga capitáü̃, rü ñanagürü nüxü̃: —¡Curü ãẽ̱xgacüxü̃tawa naga i ñaa ngextü̱xüxü̃, erü nüxü̃́ nangẽxma i ore i namaxã nüxü̃ yaxuxchaü̃xü̃! —ñanagürü.

Ngechuchuarü ngúexü̃gü ga yamugüxü̃arü puracüchiga 22:26

Rü yexguma yemaxü̃ naxĩnügu ga capitáü̃, rü gumá churaragüarü ãẽ̱xgacüxü̃tawa naxũ, rü namaxã nüxü̃ nixu, rü ñanagürü: —¿Ta̱xacü tá cuxü? Erü ñaa yatü rü Rómacüã̱x nixĩ —ñanagürü.

Ngechuchuarü ngúexü̃gü ga yamugüxü̃arü puracüchiga 10:7

Rü yexguma nüxna iyanataxuxgu ga yema orearü ngeruxü̃ ga namaxã yéma idexaxü̃, rü Cornériu rü naxca̱x naca ga taxre ga norü puracütanüxü̃ rü wüxi ga churara ga mea naga ĩnüxü̃ rü aixcüma Tupanaaxü̃́ yaxõxü̃.

Ngechuchuarü ngúexü̃gü ga yamugüxü̃arü puracüchiga 10:1

Ĩane ga Checharéawa nayexma ga wüxi ga yatü ga Cornériugu ãégacü. Rü nüma rü norü capitáü̃ nixĩ ga 100 ga churaragü ga Itáriaanetücumügu ãégaxü̃.

Ore i mexü̃ ga Luca ümatüxü̃ 7:1

Rü yexguma nüxü̃ nachauxgu ga duü̃xü̃gümaxã nax yadexaxü̃ ga Ngechuchu, rü Capernáü̃wa naxũ.

Ore i mexü̃ ga Luca ümatüxü̃ 7:3

Rü yexguma Ngechuchuxü̃ naxĩnüchigagu ga gumá capitáü̃, rü Ngechuchuxü̃tawa nanamugü ga ñuxre ga Yudíugüarü ãẽ̱xgacügü. Rü ñanagürü nüxü̃: —¡Ngéma Ngechuchuxü̃tawa pexĩ nax nüxü̃ peca̱a̱xü̃güxü̃ca̱x nax núma chopatawa naxũxü̃ca̱x nax chorü duü̃xü̃ca̱x yanataanexẽẽãxü̃ca̱x! —ñanagürü.