Ore i mexü̃ ga Luca ümatüxü̃ 7:17 - Tupanaarü Ore

¹⁷ Rü guxü̃ma ga Yudéaanewa rü norü ngaicamana, rü duü̃xü̃gü nüxü̃ nacuáchigagü ga yema Ngechuchu üxü̃.

Ore i mexü̃ ga Luca ümatüxü̃ 7:17 Referans Kwoze

Ore i mexü̃ ga Luca ümatüxü̃ 7:14

Rü yexguma ga Ngechuchu rü yuetaca̱x nixũ, rü nüxü̃ ningõgü ga tümachiü̃. Rü yema tüxü̃ ingetaü̃güxü̃ rü tümamaxã inayachiãchitanü. Rü ñanagürü ga Ngechuchu tüxü̃ ga guxema yueta: —Pa Ngextü̱xücüx, ¡írüda! —ñanagürü.

Ore i mexü̃ ga Márcu ümatüxü̃ 6:14

Rü Ngechuchuchigaxü̃ naxĩnü ga ãẽ̱xgacü ga Eróde, yerü guxü̃wama duü̃xü̃gü poraãcü nachiga nidexagü. Rü yexguma ga Eróde rü ñanagürü: —Rü ngẽma Ngechuchu nixĩ i Cuáü̃ i báiü̃xẽẽruxü̃ ixĩxü̃ rü wena namaxü̃, rü ngẽmaca̱x nixĩ i nüxü̃́ nangẽxmaxü̃ i pora nax naxüaxü̃ca̱x i ngẽma taxü̃ i mexü̃gü i Tupanaarü poramaxã naxüxü̃ —ñanagürü.

Ore i mexü̃ ga Márcu ümatüxü̃ 1:28

Rü yemaacü paxa guxü̃ma ga Gariréaanewa nangu ga Ngechuchuchiga.

Ore i mexü̃ ga Matéu ümatüxü̃ 9:31

Natürü yema taxre rü yexguma yéma ínachoxü̃gu rü guxü̃wama ga yema naanewa rü nüxü̃ nixugüeama ga yema Ngechuchu üxü̃.

Ore i mexü̃ ga Matéu ümatüxü̃ 9:26

Rü guxü̃wama ga yema naanewa, rü duü̃xü̃gü nüxü̃ nixuchigagü ga yema Ngechuchu üxü̃.

Ore i mexü̃ ga Matéu ümatüxü̃ 4:24

Rü duü̃xü̃gü rü Ngechuchuchigaxü̃ nixugügü ga guxü̃ma ga Chíriaanewa. Rü naxü̃tawa nanagagü ga naguxü̃raü̃xü̃ ga da̱xaweanemaxã idaaweexü̃. Rü nayexma ga duü̃xü̃gü ga ngúanemaxã idaaweexü̃, rü duü̃xü̃gü ga poraãcü naxü̃newa nangúexü̃, rü duü̃xü̃gü ga ngo̱xo nawa yexmaxü̃, rü duü̃xü̃gü ga óxwaa̱xgüxü̃, rü duü̃xü̃gü ga nawãĩxãchigüxü̃. Rü Ngechuchu nanameexẽxẽ ga guxü̃ma ga yema.

Ore i mexü̃ ga Matéu ümatüxü̃ 2:1

Rü Ngechuchu rü Yudéaanewa yexmane ga ĩane ga Beréü̃gu nabu ga yexguma Eróde ãẽ̱xgacü ixĩxgu ga yema nachixü̃anewa. Rü yexguma nixĩ ga ĩane ga Yerucharéü̃wa nangugüxü̃ ga ñuxre ga yatügü ga nüxü̃ cua̱xüchigüxü̃ ga woramacuriwa ngúexü̃ ga éstewa ne ĩxü̃.

Ore i mexü̃ ga Luca ümatüxü̃ 4:14

Rü Ngechuchu rü Gariréaaneca̱x nataegu. Rü Tupanaãxẽ i Üünexü̃arü pora rü nawa nayexma. Rü ga duü̃xü̃gü rü nachiga nidexagü ga guxü̃ ga yema naanewa.