Ore i mexü̃ ga Luca ümatüxü̃ 7:14 - Tupanaarü Ore

¹⁴ Rü yexguma ga Ngechuchu rü yuetaca̱x nixũ, rü nüxü̃ ningõgü ga tümachiü̃. Rü yema tüxü̃ ingetaü̃güxü̃ rü tümamaxã inayachiãchitanü. Rü ñanagürü ga Ngechuchu tüxü̃ ga guxema yueta: —Pa Ngextü̱xücüx, ¡írüda! —ñanagürü.

Ore i mexü̃ ga Luca ümatüxü̃ 7:14 Referans Kwoze

Ore i mexü̃ ga Cuáü̃ ümatüxü̃ 5:25

Rü aixcüma pemaxã nüxü̃ chixu rü nawa tá nangu i ora rü ñu̱xmatama nixĩ nax Tupana Nanega tá naxĩnüexü̃ i ngẽma duü̃xü̃gü i yuexü̃. Rü yíxema Tupana Nanega ĩnüexe rü tá tamaxẽ.

Ore i mexü̃ ga Cuáü̃ ümatüxü̃ 11:25

Rü yexguma ga Ngechuchu rü ñanagürü: —Choma nixĩ i íchanadagüxẽẽxü̃ i yuexü̃gü, rü wena chanamaxẽxẽẽxü̃. Rü yíxema choxü̃́ yaxṍxe rü woo tayu̱xgu rü tá wenaxarü tamaxü̃.

Nüxíraxü̃xü̃ ga popera ga ãẽ̱xgacügüchiga 17:21

Rü yexgumatama ga Ería rü tomaepü̱xcüna guxema buxeétü nayarüñuãchi rü tagaãcü Cori ya Tupanana naca rü ñanagürü: —Pa Corix, Pa Chorü Tupanax, rü cuxü̃ chaca̱a̱xü̃ nax wena cunamaxẽẽxü̃ca̱x i ñaa buxü̃ —ñanagürü.

Romanos 4:17

Rü Tupanaarü ore i ümatüxü̃wa rü Abraáü̃chigaxü̃ nixu rü ñanagürü: “Muxü̃ma i duü̃xü̃günatü tá cuxü̃ chixĩxẽxẽ”, ñanagürü. Rü Abraáü̃ rü Tupanaaxü̃́ nayaxõ, rü yemaca̱x Tupana nayanguxẽxẽ ga norü uneta ga namaxã nüxü̃ yaxuxü̃. Rü yimá Tupana nixĩ ya wena namaxẽxẽẽcü i yuexü̃. Rü yimátama nixĩ ya naxücü i ngẽma woo ñu̱xma taxuxü̃.

Ore i mexü̃ ga Cuáü̃ ümatüxü̃ 5:21

Rü Nanatü rü ínanadagüxẽxẽ i yuexü̃ rü wena nanamaxẽxẽxẽ. Rü ngẽxgumarüxü̃ ta i Nane rü tüxna nanaxã i maxü̃ ya yíxema natümawa̱xéxe nax tüxna naxãxü̃.

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

Wiyaegü 33:9

Yerü nüma rü norü dexamaxã guxü̃ma naxü. Rü nanamu rü guxü̃ma mea inanu.

Yox 14:14

Rü ngẽxguma nayu̱xgu i wüxi i yatü ¿rü ñuxãcü tá wena namaxü̃xü̃? Choma rü guxü̃ i ngunexü̃gu íchayanguxẽxẽ nax chorü puracüwa icharüngü̃xü̃ rü nawa íchanguxuchixü̃ i ngẽma ngúxü̃ i chingexü̃.

Efesios 5:12

Erü ngẽma chixexü̃ i cúãcüma naxügüxü̃ i ngẽma yatügü rü ngexü̃gü, rü woo nachiga idexagümaregu rü wüxi i ãnexüchi nixĩ.

Nüxíraxü̃xü̃ ga popera ga ãẽ̱xgacügüchiga 17:22

Rü nüma ga Cori ya Tupana rü nüxü̃ naxĩnü ga Ería nüxü̃ naca̱a̱xü̃xü̃. Rü wenaxarü tüxü̃ namaxẽxẽ ga guxema buxe.

Ore i mexü̃ ga Márcu ümatüxü̃ 5:41

Rü ngĩxme̱xgu nayayauxãchi, rü ñanagürü ngĩxü̃: —Tarita cumi —ñanagürü. Rü ngẽma ore rü ñaxü̃chiga nixĩ: “¡Írüda, Pa Bucü, ñacharügü cuxü̃!” ñaxü̃chiga nixĩ.

Ore i mexü̃ ga Luca ümatüxü̃ 7:13

Rü yexguma Cori ga Ngechuchu gumá yucüarü mamaxü̃ da̱u̱xgu, rü nüxü̃́ ingechaü̃tümüxü̃. Rü ñanagürü ngĩxü̃: —¡Taxṹ i cuxaxuxü̃! —ñanagürü.

Ore i mexü̃ ga Luca ümatüxü̃ 7:15

Rü yexguma ga gumá yuchire̱xcü rü ínarüto, rü inanaxügü nax yadexaxü̃. Rü Ngechuchu rü naéxü̃tawa nanamu.

Ore i mexü̃ ga Luca ümatüxü̃ 7:17

Rü guxü̃ma ga Yudéaanewa rü norü ngaicamana, rü duü̃xü̃gü nüxü̃ nacuáchigagü ga yema Ngechuchu üxü̃.