Ore i mexü̃ ga Luca ümatüxü̃ 7:12 - Tupanaarü Ore

¹² Rü yexguma guma ĩanearü ngaicamana nanguxgu, rü tüxü̃ nadau ga wüxi ga yueta ga ta̱xgüwa tüxü̃ nangegüxe. Rü guxema yuetaarü mama rü tayute rü gumá yucü rü guxicatama nixĩ ga tümane ixĩcü. Rü muxü̃ma ga duü̃xü̃gü ga gumá ĩanecüã̱x rü tüxü̃ ínixümücügü.

Ore i mexü̃ ga Luca ümatüxü̃ 7:12 Referans Kwoze

Ore i mexü̃ ga Luca ümatüxü̃ 8:42

Yerü nüxü̃́ iyexma ga wüxitama ga naxacü, rü iyada̱xawe, rü ituraxüchi. Rü ngĩma rü 12 ga taunecü ngĩxü̃́ nayexma. Rü yexguma Yáirupatawa naxũxgu ga Ngechuchu, rü muxũchixü̃ ga duü̃xü̃gü nawe narüxĩ, rü ínayaxũxtügü.

Popera ga Chantiágu ümatüxü̃ 1:27

Natürü tümaarü õ i Tanatü ya Tupanape̱xewa aixcüma mexü̃, rü ngẽma nixĩ nax nüxü̃ tarüngü̃xẽẽxü̃ i taxcutagü rü yutegüxü̃ rü tügüna tadauxü̃ nax tama ñoma i naanearü chixexü̃gu tanguxü̃.

Ngechuchuarü ngúexü̃gü ga yamugüxü̃arü puracüchiga 9:41

Rü yexguma ngĩxme̱xgu nayayauxãchi, rü ngĩxü̃ inachixẽxẽ. Rü ñu̱xũchi naxca̱x naca ga yema yaxõgüxü̃ rü yema yutegüxü̃, rü maxü̃cü nüxü̃ ngĩxü̃ nawe̱x.

Ngechuchuarü ngúexü̃gü ga yamugüxü̃arü puracüchiga 9:39

Rü nüma ga Pedru rü nawe narüxũ. Rü yexguma Yópewa nanguxgu, rü yema ucapu ga yema yueta nawa yexmaxü̃wa nanagagü. Rü guxü̃ma ga yutegüxü̃ rü Pedruxü̃ ínachomaeguãchi, rü naxauxe, rü nüxü̃ nayawégü ga yema naxchirugü ga Tabitá nüxü̃́ íxüxü̃xü̃ ga yexguma namaxü̃gu.

Ore i mexü̃ ga Cuáü̃ ümatüxü̃ 11:19

Rü muxü̃ma ga Yudíugü rü Lácharoeya̱x ga Márta rü Maríaxü̃tawa naxĩ nax ngĩxü̃ yataãẽxẽẽgüaxü̃ca̱x, yerü nayu ga ngĩenexẽ.

Ore i mexü̃ ga Luca ümatüxü̃ 8:52

Rü guxü̃ma ga duü̃xü̃gü ga yéma yexmagüxü̃ rü naxauxe rü ngĩxca̱x nangechaü̃gü. Natürü Ngechuchu rü ñanagürü nüxü̃: —¡Taxṹ i pexauxexü̃! Erü ngẽma bucü rü tama nixĩ i nayuxü̃. Rü ipemare —ñanagürü.

Chacaría 12:10

Rü ngẽma Dabítaagütanüwa rü Yerucharéü̃cüã̱xgütanüwa tá chanamu i Chauãxẽ i Üünexü̃ nax yamecümaxü̃ca̱x rü nayumüxẽgüwa̱xegüxü̃ca̱x i ngẽma Dabítanüxü̃ rü ngẽma Yerucharéü̃cüã̱xgü. Rü ngẽxguma tá nüxü̃ nadaugügu ya yima nacanapacütüxü̃güãcü rü tá nangechaü̃gü. Rü naxca̱x tá naxauxe ñoma wüxi i nane i nügümaxã wüxicacüca̱x naxauxexü̃rüxü̃. Rü ñoma nüxíraü̃cü ya nane yu̱xguca̱x naxauxegurüxü̃ tá naxca̱x naxauxe.

Yox 29:13

Rü guxema yutegüe rü duü̃xẽgü ga ingearü diẽruã̱xgüe, rü tüxü̃ charüngü̃xẽẽxü̃. Rü yema ngü̃xẽxẽ ga tümaca̱x chaxüxü̃ rü namaxã tataãẽgü.

Norü taxre ga popera ga ãẽ̱xgacügüchiga 4:20

Rü nüma ga yema tümaarü duü̃xü̃ rü naéxü̃tawa nanaga. Rü ngĩma rü inaganagüe rü ngĩgüperemawa inatoxẽxẽ ñu̱xmata tocuchiwa nangu. Rü yexgumatama nayu ga guma bucü.

Norü taxre ga popera ga ãẽ̱xgacügüchiga 4:16

Rü yexguma nüma ga Erichéu rü ñanagürü ngĩxü̃: —Yimá nai ya taunecüarü ñúxgumaãcü rü tá marü cunaga ya wüxi ya cune —ñanagürü. Rü ngĩma rü inangãxü̃ rü ngĩgürügü: —Pa Tupanaarü Duü̃xü̃x, tama name i ngẽmaãcü choxü̃ cuwomüxẽxẽ —ngĩgürügü.

Nüxíraxü̃xü̃ ga popera ga ãẽ̱xgacügüchiga 17:23

Rü yexgumatama ga Ería rü tüxü̃ naganagü ga guxema buxe rü yema ínapexü̃wa tümamaxã ínarüxĩ rü ĩpatachiü̃ ga ñaxtüguxü̃wa tüxü̃ naga. Rü tümaéna tüxü̃ nayamu, rü ngĩxü̃ ñanagürü: —¡Dücax, nüxü̃ nadau ya cune rü namaxü̃! —ñanagürü.

Nüxíraxü̃xü̃ ga popera ga ãẽ̱xgacügüchiga 17:18

Rü yexguma ga ngĩma ga yema yutecü rü Eríaxü̃ ngĩgürügü: —¿Ta̱xacü chomaxã cuxü, Pa Tupanaarü Orearü Ngeruxü̃x? ¿Rü nua cuxũ nax choxna nüxü̃ cucua̱xãchixẽẽxü̃ i chorü chixexü̃gü rü ngẽmagagu cunayuxẽẽxü̃ ya chaunex? —ngĩgürügü.

Nüxíraxü̃xü̃ ga popera ga ãẽ̱xgacügüchiga 17:12

Natürü ga ngĩma rü inangãxü̃ rü ngĩgürügü: —Cori ya Tupanaégagu cumaxã nüxü̃ chixu rü choxü̃́ nataxuma i paũ. Rü wüxime̱xẽãcu i trigute̱xexicatama choxü̃́ nangẽxma ya wüxi ya tü̃xü̃wa, rü íxraxü̃ i chíxü̃ i nachiü̃wa. Rü ngẽmaca̱x nixĩ i üxüta chayayaxuxü̃ nax íxraxü̃ i paũ chaxüxü̃ca̱x nüxü̃́ ya chaune rü chaugüca̱x rü ngẽmawena rü taiyamaxã tá tayue —ngĩgürügü.

Nüxíraxü̃xü̃ ga popera ga ãẽ̱xgacügüchiga 17:9

—¡Ĩane ya Charéta ya Chidóü̃anewa ngẽxmanewa naxũ, rü ngẽxma yarüxã̱ũ̱x rü ngẽxma nape! Rü marü ngĩxü̃ chamu i wüxi i yutecü i ngẽxma ãchiü̃cü nax cuxü̃ nachibüxẽẽxü̃ca̱x —ñanagürü.

2 Chamué 14:7

Rü ngẽmaca̱x i ñu̱xma i guxü̃ma i chautanüxü̃ rü chauxchi naxaixe rü nanaxwa̱xegü nax nüxna chanamuxü̃ ya yimá naenexẽxü̃ imácü, nax ngẽmaãcü yama̱xgüãxü̃ca̱x rü yangutanüxü̃ca̱x ga gumá naenexẽ ga yamáãcü. Rü ngẽmaãcü nayama̱xgüchaü̃ ya yimá chaune ya nügümaxã wüxicacü ya nüxna naxücü i guxü̃ma i chorü ngẽmaxü̃gü. Rü ngẽmaãcü inayanaxoxẽẽgüchaü̃ ya yimá chaune ya nüxicatama choxü̃́ íyaxücü. Rü ngẽxguma ya chaute rü tá nangetaxa rü tá inayarüxo i nape̱xexéga i ñoma i naanewa —ngĩgürügü nüxü̃.

Naanearü ügüchiga 22:12

Rü yexguma ga yema daxũcüã̱x i orearü ngeruxü̃ rü ñanagürü nüxü̃: —¡Taxṹ i cuyamáxü̃ ya yimá bucü! Erü marü nüxü̃ chacua̱x nax aixcüma Tupanaga cuxĩnüxü̃ rü tama choxna cunachu̱xu ya yimá cune ya nügümaxã wüxicacü —ñanagürü.

Naanearü ügüchiga 22:2

Rü Tupana rü ñanagürü nüxü̃: —¡Íyaga ya cune ya Ichaá ya nügümaxã wüxicacü rü poraãcü nüxü̃ cungechaü̃cü! ¡Rü yéa Moríaanewa namaxã naxũ! Rü ngẽxguma ngéma cunguxgu rü chanaxwa̱xe i ngẽxma cha̱u̱xca̱x cuyama̱x rü cuyagu nagu ya yima ma̱xpǘne ya choma tá cumaxã nüxü̃ chaxunetane —ñanagürü.

Ore i mexü̃ ga Luca ümatüxü̃ 7:11

Rü yemawena ga Ngechuchu rü wüxi ga ĩane ga Naíü̃gu ãéganewa naxũ. Rü nawe narüxĩ ga norü ngúexü̃gü, rü muxü̃ma ga togü ga duü̃xü̃gü.

Ore i mexü̃ ga Luca ümatüxü̃ 7:13

Rü yexguma Cori ga Ngechuchu gumá yucüarü mamaxü̃ da̱u̱xgu, rü nüxü̃́ ingechaü̃tümüxü̃. Rü ñanagürü ngĩxü̃: —¡Taxṹ i cuxaxuxü̃! —ñanagürü.