Ore i mexü̃ ga Luca ümatüxü̃ 6:48 - Tupanaarü Ore48 Rü tüma rü wüxi ga yatü ga üpatacü rü yama̱xmaü̃cü ga norü caxta ñu̱xmata nutawa nangucürüxü̃ tixĩ. Rü yexguma nama̱xgu ga taxtü rü yabaixü̃gu ga napata, rü woo nax naporaü̃chíüxü̃, rü tama niwa̱xtaü̃, yerü meama inapugüarü caxtaã̱x ga guma ĩ. Gade chapit la |
Rü yimá nüxicatama Tupana ixĩcü ya tórü Maxẽxẽẽruxü̃ ixĩcü, rü nüxü̃́ nangẽxma i pora nax pexna nadauxü̃ nax tama pecadugu peyixü̃ca̱x. Rü nüxü̃́ nangẽxma i pora nax iyanaxoxẽẽãxü̃ca̱x i perü chixexü̃gü nax ngẽmaãcü ngearü pecaduãcüma rü taãẽãcüma nape̱xewa pengugüxü̃ca̱x i ngextá nüma ínaxüünexü̃wa ãẽ̱xgacü íyixĩxü̃wa. Rü tanaxwa̱xe i tórü Cori ya Ngechuchu ya Cristuégagu Tupanaxü̃ ticua̱xüü̃gü, erü nüma rü naxüüne, rü guxü̃étüwa nangẽxma, rü guxü̃arü yexera napora, rü guxü̃maxã inacua̱x. Rü yemaacü nixĩ ga nũxcüma, rü ngẽmaãcü nixĩ i ñu̱xmax, rü guxü̃gutáma ngẽmaãcü nixĩ. Rü ngẽmaãcü yixĩ.
Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.
Iraétanüxü̃güarü Tupana ya norü poxü̃ruxü̃ ixĩcü rü chomaxã nidexa rü ñanagürü: “Yimá ãẽ̱xgacü ya mea norü duü̃xü̃gümaxã icuácü rü mea Tupanaga ĩnücü, rü ñoma ngunexü̃arü dexemaxü̃ irügoxü̃rüxü̃ nixĩ. Rü ñoma üa̱xcü i pa̱xmama ngearü caixanexü̃wa ibáxichixü̃ rü pucüwena maxẽ naxügüxẽẽxü̃rüxü̃ nixĩ”, ñanagürü.
Rü ñanagürü: —Cumax, Pa Corix, rü chorü poxü̃ruxü̃ quixĩ, rü chorü cu̱xchicaxü̃ quixĩ, rü chorü nguxuchixẽẽruxü̃ quixĩ, rü chorü Tupana quixĩ, rü nuta ya chorü poxü̃ruxü̃ quixĩ, rü chorü tüpe̱xeruxü̃ quixĩ, rü chorü maxẽẽruxü̃ quixĩ, rü ma̱xpǘnetape̱xewa ngẽxmaxü̃ i chorü cu̱xchicaxü̃ i nagu changaxixü̃ quixĩ. Rü ngẽmaãcü chorü maxẽẽruxü̃ quixĩ. Rü cuma nixĩ i chorü uanügüme̱xẽwa choxü̃ ícunguxuchixẽẽxü̃ nax tama choxü̃ yama̱xgüxü̃ca̱x.