Biblia Todo Logo
Bib sou entènèt

- Piblisite -




Ore i mexü̃ ga Luca ümatüxü̃ 6:45 - Tupanaarü Ore

45 Rü wüxi ya mecü ya yatü rü mexü̃ i orexü̃ nixu, erü naãxẽwa rü aixcüma mexü̃gu narüxĩnü. Natürü wüxi i yatü i chixecümaxü̃ rü chixexü̃ i orexü̃ nixu, erü chixexü̃gu narüxĩnü. Rü ngẽma naãxẽwa ngẽxmaxü̃ i chixexü̃ nixĩ i nüxü̃ yaxuxü̃.

Gade chapit la Kopi




Ore i mexü̃ ga Luca ümatüxü̃ 6:45
31 Referans Kwoze  

¡Ñoma i naanewa rü guxü̃arü yexera nüxna nadau i curü ĩnü, erü ngẽma curü ĩnü nixĩ i maxü̃wa cuxü̃ gaxü̃!


Rü tama name i chixexü̃ i oremaxã pidexagü. Rü name i ore i mexü̃maxãxicatama pidexagü nax ngẽma duü̃xü̃gü i pexü̃ ĩnüexü̃ yexeraãcü Tupanaga naxĩnüexü̃ca̱x rü nataãẽgüxü̃ca̱x.


Rü texé ya choxü̃́ yaxṍxe rü ñoma natürüxü̃ tümawa tá ínayaxüchi i dexá i maxẽẽruxü̃, ngẽma Tupanaarü ore i ümatüxü̃ nüxü̃ ixuxü̃rüxü̃ —ñanagürü.


Rü name nixĩ i guxü̃guma peãẽwa nangẽxma i Cristuarü ore i taãxẽ pexna ãxü̃. Rü name nixĩ i nüxü̃ pecuáãcüma ngẽma oremaxã pegü pengúexẽxẽ rü pegü pixucu̱xẽgü. Rü name nixĩ i Tupanana moxẽ pexãgüãcüma nagu pewiyaegü i naguxü̃raü̃xü̃ i norü wiyaegü.


Rü ngẽma duü̃xü̃gü i chixexü̃gu maxẽxü̃ rü norü ore i chixexü̃gagu, rü naberaarü dexagügagu, rü ngẽma nügü nax yacua̱xüü̃gügagu ¡rü napoxcue! ¡Rü norü ore i chixexü̃gagu rü norü doragügagu napoxcue!


Rü ngẽxguma togü i duü̃xü̃gümaxã pidexagügu, rü name nixĩ i penataãẽxẽxẽ namaxã i ngẽma dexa i namaxã nüxü̃ pixuxü̃. ¡Rü ngẽmaãcü mea penangãxü̃ i ngẽma pexna ca̱xü̃ nachiga i perü õ!


Nangexma i duü̃xü̃gü i norü dexamaxã ngúxü̃ tüxü̃ ingexẽẽxü̃, natürü ngẽma duü̃xü̃ i aixcüma nüxü̃ cuáxü̃, rü norü dexamaxã tüxü̃ nataãẽxẽxẽ.


Natürü ngẽma ngunexü̃güwena rü wena tá ngẽma Iraétanüxü̃maxã ichaxuneta. Rü ñaãcü tá nixĩ i namaxã ichaxunetaxü̃: ‘Choma rü tá meama ngẽma duü̃xü̃güxü̃ nüxü̃ chacua̱xẽxẽ i chorü mugü nax aixcüma naãxẽwa rü norü maxü̃wa nangẽxmagüxü̃ca̱x. Rü choma rü tá norü Tupana chixĩ, rü nümagü rü tá chorü duü̃xü̃gü nixĩgü’.


Rü name nixĩ i Tupanaarü orechigagu rü norü wiyaegügu pegümaxã pidexagü rü pegümaxã nüxü̃ pixu. Rü name nixĩ i naguxü̃raü̃xü̃ i norü wiyaegügu pewiyaegü, nax ngẽmaãcü guxü̃ne ya perü maxü̃nemaxã tórü Corixü̃ picua̱xüü̃güxü̃ca̱x.


Wüxi i mexü̃ nixĩ nax mexü̃ i oremaxã tüxü̃ cungãxü̃xü̃ ega texé cuxna caxgux. Natürü narümemae nixĩ nax ngẽma ora i nagu natauxchaxü̃gu cuyoxniexü̃ nax tüxü̃ cungãxü̃xü̃.


Rü ngẽma duü̃xü̃gü i nügü icua̱xüü̃güxü̃ rü chopexegu nanaxǘgü i wüxi i norü yauxruxü̃. Rü choxü̃ niwaiyemaxü̃gü namaxã i ngẽma norü yauxruxü̃ rü norü bocupararuxü̃.


Rü chixexü̃ i dexamaxã nanacaetanüane rü naguxchigagü rü ñanagürügü: —Nüetama ega texé tüxü̃ ĩnügu —ñanagürügü.


Rü yexguma ga Pedru rü ñanagürü nüxü̃: —Pa Ananíax, ¿tü̱xcüü̃ ngo̱xo i Chatanága cuxĩnü rü Tupanaãxẽ i Üünecümaxã quidora, rü cugüxü̃́ ngĩxne cuyaxu i ñuxre i ngẽma curü naanetanü?


Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.


Swiv nou:

Piblisite


Piblisite