Ore i mexü̃ ga Luca ümatüxü̃ 6:42 - Tupanaarü Ore

⁴² Rü ngẽxguma tama nagu curüxĩnügu i ngẽma naixpüta i cuxetüwa ngẽxmaxü̃ ¿rü ñuxũcürüwa i cuenexẽxü̃ cuchixewexü̃, rü ñacuxü̃ nüxü̃: “Pa Chauenexẽx, cuxü̃ chanayauxchaü̃ i ngẽma curü üxaxetüxü̃”, ñacuxü̃? Pa Duü̃xü̃ i Mea Maxnetaxü̃x, name nixĩ i cunayauxíra i ngẽma naixpüta i cuxetüwatama ngẽxmaxü̃, rü ngẽmaãcü tá mea nüxü̃ cudau nax cunayaxuxü̃ca̱x i ngẽma cuenexẽarü üxaetüxü̃.

Ore i mexü̃ ga Luca ümatüxü̃ 6:42 Referans Kwoze

Norü taxre ga popera ga Pedru ümatüxü̃ 1:9

Natürü yíxema tama nagu ixũxe i ngẽma pemaxã nüxü̃ chixuxü̃, rü ñoma tangexetüxü̃rüxü̃ tixĩ. Rü ñoma wüxi i duü̃xü̃ i tama yáxü̃gu dauxerüxü̃ tixĩ, erü nüxü̃ itayarüngüma nax ñuxãcü Tupana tüxü̃́ nüxü̃ rüngü̃maxü̃ ga tümaarü pecadugü ga noxri.

Norü taxre ga popera ga Timutéuca̱x naxümatüxü̃ ga Pauru 2:21

Rü ngẽxguma wüxi i yaxõxü̃ nügüna dauxgu i norü maxü̃wa rü nataxuxguma i norü chixexü̃, rü ñoma wüxi i ngẽmaxü̃ i mexẽchixü̃rüxü̃ nixĩ. Rü Tupanape̱xewa tá naxüüne rü tá nüxü̃́ name nax naxüaxü̃ca̱x i naguxü̃raü̃xü̃ i puracü i mexü̃.

2 Corintios 5:18

Rü guxü̃ma i ngẽma rü Tupana nixĩ ya naxücü rü Cristugagu nixĩ ga nügümaxã tüxü̃ iyanangüxmüexẽẽxü̃. Rü ñu̱xma rü toxü̃ namu nax duü̃xü̃gümaxã nüxü̃ tixuxü̃ nax nümagü rü ta Tupanamaxã inangüxmüẽxü̃ca̱x.

Romanos 2:1

Rü ngẽmaca̱x, Pa Duü̃xü̃x, rü woo texé quixĩxgu rü taxuacüma Tupanape̱xewa cugüétüwa cuchogü ega togüxü̃ quixuxgu. Erü ngẽxguma togüxü̃ quixuxgu nax nachixexü̃ rü cugütama chixexü̃gu cungu̱xẽxẽ, erü cuma nax cumücüxü̃ quixuxü̃ rü cuma rü ta cunaxü i ngẽma chixexü̃ i cumücüxü̃ naxca̱x quixuxü̃.

Ngechuchuarü ngúexü̃gü ga yamugüxü̃arü puracüchiga 8:21

Cumax rü taxucürüwama cunayaxu i ngẽma pora, erü curü maxü̃ rü tama name i Tupanape̱xewa.

Ngechuchuarü ngúexü̃gü ga yamugüxü̃arü puracüchiga 2:38

Rü Pedru nanangãxü̃, rü ñanagürü: —¡Nüxü̃ perüxoe i pecüma i chixexü̃ rü Tupanaca̱x pedaugüe rü Ngechuchuégagu ípebaiü̃ nax pexü̃́ nüxü̃ nangü̃maxü̃ca̱x i perü pecadugü ya Tupana! Rü Tupana tá pexna nanamu i Naãxẽ ya Üünecü.

Ore i mexü̃ ga Luca ümatüxü̃ 22:32

Natürü choma rü Chaunatüxü̃ cuxca̱x chaca̱a̱xü̃ nax tama nüxü̃ curüxoxü̃ca̱x nax cuyaxõxü̃. Rü ngẽmaca̱x i cumax, Pa Pedru, rü ngẽxguma cha̱u̱xca̱x cutaegu̱xgu, rü chanaxwa̱xe i nüxü̃ curüngü̃xẽxẽ i cumücügü nax tama nüxü̃ naxoexü̃ca̱x nax yaxõgüãxü̃ —ñanagürü.

Ore i mexü̃ ga Luca ümatüxü̃ 13:15

Rü yexguma ga Cori ga Ngechuchu rü nanangãxü̃, rü ñanagürü: —Pa Duü̃xü̃güx i Mea Maxẽnetaxü̃x, ¿Tama ẽ̱xna guxã i pema rü ngü̃xchigaarü ngunexü̃gu peyawẽxü̃ i perü woca rü ẽ̱xna perü búru nax peyaxaxexẽxẽxü̃ca̱x?

Ore i mexü̃ ga Matéu ümatüxü̃ 26:75

Rü nüma ga Pedru rü yexguma nüxna nacua̱xãchi ga yema ore ga Ngechuchu namaxã nüxü̃ ixuxü̃ ga ñaxü̃: “Rü naxü̃pa nax ota ica̱xaxü̃, rü cuma rü tomaepü̱xcüna tá cugü quixã nax chorü duü̃xü̃ quixĩxü̃”, ñaxü̃. Rü ínaxũxũ ga Pedru rü poraãcüxüchima naxaxu.

Ucu̱xẽgüchiga 18:17

Ngẽma duü̃xü̃ i nüxíra ãẽ̱xgacüpe̱xewa nügüétüwa idexaxü̃, rü nanaxaixcümaraxü̃ i ngẽma nüxü̃ yaxuxü̃. Natürü ngẽxguma ngéma nanguxgu i ngẽma ínaxuexü̃, rü nayaxãneãchixẽxẽ nax dora yixĩxü̃ i norü ore i ngẽma nüxíra nügüétüwa idexaxü̃.

Ore i mexü̃ ga Matéu ümatüxü̃ 7:3

¿Rü tü̱xcüü̃ i nüxü̃ cudawenüxü̃ i ngẽma íxraxü̃ i norü üxaxetü ya cuenexẽ rü tama nagu curüxĩnügu i ngẽma naixpüta i cuxetüwa ngẽxmaxü̃?

Ore i mexü̃ ga Matéu ümatüxü̃ 7:4

Rü ngẽxguma cuxetüwatama nangẽxmagu i wüxi i naixpüta ¿rü ñuxãcü i cuenexẽxü̃ cuchixewexü̃, rü ñacuxü̃ nüxü̃: ‘Pa Chauenexẽx, cuxü̃ chanayauxchaü̃ i ngẽma curü üxaxetüxü̃’, ñacuxü̃?

Ore i mexü̃ ga Luca ümatüxü̃ 6:41

¿Rü tü̱xcüü̃ i nüxü̃ cudawenüxü̃ i ngẽma íxraxü̃ i norü üxaxetü ya cuenexẽ, rü tama nagu curüxĩnügu i ngẽma naixpüta i cuxetüwa ngẽxmaxü̃?

Ore i mexü̃ ga Luca ümatüxü̃ 6:43

Nataxuma i nanetü i mexü̃ i chixearü oóxü̃. Rü nataxuma i nanetü i chixexü̃ i mearü oóxü̃.