Ore i mexü̃ ga Luca ümatüxü̃ 6:39 - Tupanaarü Ore

³⁹ Rü Ngechuchu rü norü ngúexü̃gümaxã nüxü̃ nixu ga ñaa cua̱xruxü̃, rü ñanagürü: —¿Ñuxãcü i wüxi i ngexetüxü̃ rü to i ngexetüxü̃maxã inacua̱x? Erü ngẽma taxre i ngexetüxü̃ rü wüxi i ãxmaxü̃gu tá nügümaxã nayayicu.

Ore i mexü̃ ga Luca ümatüxü̃ 6:39 Referans Kwoze

Ore i mexü̃ ga Matéu ümatüxü̃ 15:14

Rü nüetama i ngẽma Parichéugü, erü nümagü rü namaarü cua̱xruü̃gü i ngexetüxü̃ nixĩgü. Rü ngẽxguma wüxi i ngexetüxü̃ rü naxrüxü̃ ngexetüxü̃maxã inacua̱xgu rü ngürüãchi ngẽma taxre rü wüxi i ãxmaxü̃gu tá nügümaxã nayayicu —ñanagürü.

Norü taxre ga popera ga Timutéuca̱x naxümatüxü̃ ga Pauru 3:13

Natürü ngẽma yatügü i chixexü̃gu maxẽxü̃ rü ngẽma idorata̱a̱xgüxü̃ rü yexeraxü̃ i chixexü̃ tá naxügü. Erü nümagü rü tá togüxü̃ nawomüxẽẽgü, rü ngẽxgumarüxü̃ ta i ngẽma togü rü tá nayawomüxẽxẽgü.

Ichaía 56:10

Rü pemax, Pa Chorü Duü̃xü̃güna Daugüxü̃x, rü ñoma pingexetüxü̃rüxü̃ pixĩgü, rü tama pexuãẽgü. Pema rü ñoma airugü i ngeã́xü̃rüü̃mare pixĩgü rü pipeechamare rü pixãnegügüechamare. Rü perü me nixĩ nax pepeexü̃.

Ichaía 9:16

Rü ngẽma norü ãẽ̱xgacügü rü chixexü̃gu nanayixẽxẽ ga Iraétanüxü̃. Rü ngẽma duü̃xü̃gü i nawe rüxĩxü̃ rü düxwa inayarütauxe.

Ore i mexü̃ ga Matéu ümatüxü̃ 23:33

Pa Ãxtapearü Duü̃xü̃güx, pema rü poraãcü pichixe. ¿Ñuxãcü tá naxcha̱xwa pibuxmü ya yimá üxü ya taguma ixoxü̃ne?

Yeremía 8:12

Rü name chi nax naxcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i nüxü̃ chixuxü̃ i ngẽma” —ñanagürü.

Yeremía 6:15

Rü name chi nax na̱xcha̱xwa naxãneexü̃ i ngẽma naxügüxü̃ i chixexü̃gü i marü tama yáxna namaxã chaxĩnüxü̃. Natürü tama naxãnee, rü marü tama nüxü̃ nacua̱xgü nax ta̱xacü yixĩxü̃ nax naxãneexü̃. Rü ngẽmaca̱x ngẽxguma chanapoxcuegu i duü̃xü̃gü, rü ngẽma orearü uruü̃gü rü chacherdótegü rü tá ta nayue. Rü chomatama ya Cori ya Tupana nixĩ i cumaxã nüxü̃ chixuxü̃ i ngẽma —ñanagürü.

Romanos 2:19

Rü pema rü ñaperügügü: “Toma rü meama nüxü̃ tacua̱x nax tanaxucu̱xẽxü̃ i ngẽma togü i duü̃xü̃gü i tama Tupanaxü̃ cua̱xgüxü̃. Rü meama nüxü̃ tacua̱x nax itayanawe̱xãchixẽẽxü̃ i ngẽma togü i chixexü̃wa ngẽxmagüxü̃”, ñaperügügü.

Ore i mexü̃ ga Matéu ümatüxü̃ 13:3

Rü yexguma ga Ngechuchu rü muxü̃ma ga ore ga cua̱xruü̃wa nanangúexẽxẽ ga duü̃xü̃gü. Rü norü ngu̱xẽẽtaewa rü ñanagürü: —Wüxi ga yatü ga toecü rü triguchiremaxã nanagüane.