Ore i mexü̃ ga Luca ümatüxü̃ 6:37 - Tupanaarü Ore

³⁷ ¡Rü taxṹ i togüxü̃ pixuxü̃! Rü ngẽxguma ya Tupana rü taxũtáma pexü̃ nixu. ¡Rü taxṹ i Tupanaarü poxcu namaxã pexueguxü̃ i togü! Rü ngẽxguma ya Tupana rü taxũtáma poxcu pemaxã naxuegu. ¡Rü nüxü̃́ nüxü̃ perüngümae i norü chixexü̃ i togü! Rü ngẽxguma ya Tupana rü tá pexü̃́ nüxü̃ narüngüma i perü chixexü̃.

Ore i mexü̃ ga Luca ümatüxü̃ 6:37 Referans Kwoze

Efesios 4:32

Rü name nixĩ i pegü perüngü̃xẽẽgü rü pegümaxã pemecümagü, rü pegüxü̃́ pengechaü̃tümüxü̃gü i wüxichigü. Rü ngẽxguma petanüwa texé ta̱xacürü chixexü̃ pexca̱x ü̱xgu, rü name i tüxü̃́ nüxü̃ perüngü̃ma ya wüxíechigü, yema Cristugagu Tupana pexü̃́ nüxü̃ rüngü̃maxü̃rüxü̃ ga perü pecadugü.

Popera ga Chantiágu ümatüxü̃ 5:9

Pa Chauenexẽgüx, name nixĩ i nüxü̃ perüxoe nax pegü pixuechaü̃ nax tama ngẽmaca̱x pexna naca̱xaxü̃ca̱x ya Tupana. Erü marü ningaica nax ínanguxü̃ nax duü̃xü̃güxü̃ yacagüxü̃ca̱x i norü maxü̃chiga.

Ore i mexü̃ ga Márcu ümatüxü̃ 11:25

Rü ngẽxguma peyumüxẽgügu, natürü nangẽxmagu i ta̱xacürü guxchaxü̃ i toguemaxã pexü̃́ ngẽxmaxü̃, rü name i tüxü̃́ nüxü̃ perüngü̃ma i ngẽma nax Penatü ya daxũgucü rü ta pexü̃́ nüxü̃ iyanangümaxü̃ca̱x i perü pecadugü.

Colosenses 3:13

Rü name nixĩ i wüxichigü i pema pegümaxã yáxna pexĩnüe. Rü ngẽxguma chi pegümaxã penuegu, rü name nixĩ i pegüxü̃́ nüxü̃ perüngü̃ma. Rü yexgumarüxü̃ ga tórü Cori pexü̃́ nüxü̃ iyanangümaxü̃ i perü chixexü̃gü, rü ngẽxgumarüxü̃ ta i pema rü name nixĩ i tüxü̃́ nüxü̃ iperüngüma i tümaarü guxchaxü̃gü.

Ore i mexü̃ ga Matéu ümatüxü̃ 5:7

Tataãẽgü ya yíxema togü tüxü̃́ ngechaxü̃tümüxü̃güxe, erü tümagü rü tá ta Tupanaaxü̃́ tangechaxü̃tümüxü̃gü.

Ichaía 65:5

Rü ngẽma duü̃xü̃gü rü ñanagürügü: “Taxṹ i toxna cungaicamaxü̃ erü duü̃xü̃gü i üünexü̃ tixĩgü”, ñanagürügü. Natürü ngẽma duü̃xü̃gü rü ñoma üxü i guxü̃ i ngunexü̃ iyaa̱u̱xraxü̃rüxü̃ nixĩgü. Rü choxü̃ nachixewe ñoma üxüema i taxmaraü̃gu cáixcuemaxü̃rüxü̃.

Ore i mexü̃ ga Matéu ümatüxü̃ 18:30

Natürü ga nüma ga yema yatü rü tama nüxü̃ nacuáxchaü̃ ga yema ore. Rü poxcupataü̃gu tüxü̃ napoxcuama ñu̱xmata nüxü̃́ tanaxütanü ga yema nüxü̃́ tangetanüxü̃.

Ore i mexü̃ ga Luca ümatüxü̃ 6:36

Rü name nixĩ i pexü̃́ nangechaü̃tümüxü̃gü i ngẽma togü, ngẽma Penatü ya Tupanaaxü̃́ pengechaxü̃tümüxü̃güxü̃rüxü̃.

Ore i mexü̃ ga Luca ümatüxü̃ 23:16

Rü ngẽmaca̱x chorü churaragüxü̃ tá chamu nax nacua̱i̱xgüãxü̃ca̱x, rü ñu̱xũchi tá chayange̱x —ñanagürü.

Ngechuchuarü ngúexü̃gü ga yamugüxü̃arü puracüchiga 3:13

Tórü o̱xigü ga Abraáü̃ rü Ichaá rü Acóbu rü togü ga tórü o̱xigü rü nüxü̃́ nayaxõgü ga Tupana. Rü yimátama Tupana nixĩ ya ñu̱xma Ngechuchuxü̃ tachigaxẽẽcü, nax guxü̃arü yexera yixĩxü̃ca̱x. Rü gumátama Ngechuchu ya Tupanaarü ngü̃xẽẽruxü̃ ixĩcü nixĩ ga pema ãẽ̱xgacü ga Pirátuxü̃tawa penagagücü. Rü yexguma nüxü̃ yangéxchaü̃gu ga Pirátu, rü pema rü tama penaxwa̱xegü nax yange̱xãxü̃.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.