Ore i mexü̃ ga Luca ümatüxü̃ 6:21 - Tupanaarü Ore

²¹ ¡Rü petaãxẽgü i pemax i ñu̱xma taiyaexe! Erü yixcama rü tá meama pingãxcharaü̃gü. ¡Rü petaãxẽgü i pemax i ñu̱xma ngechaü̃güxe! Erü yixcama rü tá taãẽãcüma pecugüe.

Ore i mexü̃ ga Luca ümatüxü̃ 6:21 Referans Kwoze

Ore i mexü̃ ga Cuáü̃ ümatüxü̃ 6:35

Rü Ngechuchu ñanagürü nüxü̃: —Choma nixĩ i ngẽma paũ i maxẽxẽẽruxü̃ chixĩxü̃. Rü yíxema texé ya chowe rüxũxẽ rü tagutáma tataiya. Rü texé ya choxü̃́ yaxṍxe rü tagutáma tita̱xawa.

Ore i mexü̃ ga Matéu ümatüxü̃ 5:6

Tataãẽgü ya yíxema poraãcü tüxü̃́ nangúchaü̃güxe nax Tupanape̱xewa mexü̃ taxügüxü̃, erü Tupana tá tüxna nanaxã i ngẽma mexü̃ i tüxü̃́ ngúchaü̃güxü̃.

Popera ga Chantiágu ümatüxü̃ 1:12

Rü tataãxẽ ya yíxema yáxna namaxã ĩnüxe i ngẽxguma ta̱xacü tüxna ĩnügu. Erü ngẽxguma yáxna namaxã taxĩnügu, rü Tupana tá tümamaxã nataãxẽ rü tá tüxna nanaxã i norü ãmare i maxü̃ i taguma gúxü̃. Rü ngẽma nixĩ i ãmare ya Tupana tümamaxã ixunetaxü̃ ya yíxema nüxü̃ ngechaü̃güxe.

Ore i mexü̃ ga Luca ümatüxü̃ 1:53

Rü guxema taiyaexe, rü muxü̃ma ga mexü̃gü tüxna naxã. Natürü guxema muarü diẽruã̱xgüxe rü ngẽãcume̱xẽãcüma tüxü̃ ínimugü.

Ore i mexü̃ ga Matéu ümatüxü̃ 5:4

Tataãẽgü ya yíxema ngúxü̃ ngegüxe, erü Tupana tá tüxü̃ nataãẽgüxẽxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:16

Rü marü tagutáma tataiyae, rü tagutáma tita̱xawae. Rü marü tagutáma üa̱xcü tüxü̃ nigu, rü tagutáma üa̱xcüarü naianexü̃ tüxü̃́ nangu̱x.

Ore i mexü̃ ga Luca ümatüxü̃ 6:25

Rü wüxi i ngechaü̃ tá nixĩ i pexca̱x i pemax i ñu̱xmax mea chibüexe erü tá petaiyae. Rü wüxi i ngechaü̃ tá nixĩ i pexca̱x i pemax i ñu̱xmax marü cugüexe, erü yixcama rü perü ngechaü̃maxã tá pexauxe.

1 Corintios 4:11

Rü ñu̱xma rü ta tama inayacua̱x nax ngúxü̃ tingegüxü̃, rü taiya toxü̃́ nangu̱x, rü tita̱xawae, rü tangexchiru. Rü duü̃xü̃gü rü chixri tomaxã nachopetü, rü tangepata.

Ore i mexü̃ ga Cuáü̃ ümatüxü̃ 4:10

Rü Ngechuchu ngĩxü̃ nangãxü̃, rü ñanagürü: —Ngẽxguma chi nüxü̃ cucua̱xgu i ngẽma Tupana cuxna ãxchaü̃xü̃, rü chi nüxü̃ cucua̱xgu nax texé yixĩxü̃ ya yimá dexáca̱x cuxna cacü, rü cuma rü chi nüxna cuca i dexá, rü nüma rü chi cuxna nanaxã i dexá i maxü̃ nawa ngẽxmaxü̃ —ñanagürü.

Yeremía 31:9

Rü nümagü rü tá inaxĩãchi, rü tá niyumü̃xẽtanü rü nixauxetanü. Rü ngẽmaãcü tá ínangugü. Rü choma rü natügü íngexmaxü̃gu tá chayagagü nagu i wüxi i nama i mexü̃ i ngexta nataxuma i ãũcümaxü̃. Erü choma rü nanatü chixĩ i ngẽma Iraétanüxü̃. Rü Efraíü̃tanüxü̃ rü chaune ya yacüxü̃ nixĩ.

Ichaía 30:19

Pa Duü̃xü̃gü i Chióü̃cüã̱x i Yerucharéü̃wa Maxẽxü̃x, rü taxũtáma pexauxe. Erü nüma ya Cori ya Tupana rü ngẽxguma nüxü̃ naxĩnügu i pega nax ngü̃xẽẽca̱x nüxna pecaxü̃ rü tá nüxü̃́ pengechaü̃tümüxü̃gü. Rü ngẽxguma pexü̃ naxĩnügu rü paxa tá pexü̃ nangãxü̃ga.

Wiyaegü 107:9

Erü nüma rü tüxü̃ naxaxexẽxẽ ya yíxema ita̱xawaxe rü taxü̃ i õna tüxna naxã ya yíxema taiyaxe.

Wiyaegü 17:15

Natürü i chomax rü ngẽma namaxã chataãẽxü̃ nixĩ nax cuxü̃ tá chadauxü̃ rü cuxü̃tawa tá changexmaxü̃ i ngẽxguma tá ícharüdaxgux.

Naanearü ügüchiga 21:6

Rü yexguma ga Chára rü ngĩãẽwa ngĩgürügü: “Tupana choxü̃ nataãẽxẽxẽ. Rü guxãma ya nüxü̃ cua̱xgüxe nax chaxãxacüxü̃ rü tá wüxigu chomaxã tataãẽgü.

Naanearü ügüchiga 17:17

Rü yexguma ga Abraáü̃ rü waixü̃müanegu nanangücuchi. Natürü nüxü̃ nacugüãcüma nügüãẽwa ñanagürü: —¿Ẽ̱xna wüxi ya yatü ya 100 ya taunecü nüxü̃́ ngẽxmacü rü tá naxãxacüxü̃ nax papa yixĩxü̃ca̱x? ¿Rü Chára rü tá naxãxacüxü̃ nax marü 90 ya taunecü ngĩxü̃́ ngẽxmaxü̃? —ñaxü̃gu narüxĩnü ga naãẽwa.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:3

Rü nüxü̃ chaxĩnü ga wüxi ga naga ga yema tochicaxü̃wa inaxũxü̃ ga tagaãcü ñaxü̃: “Ñaa nixĩ i nachica ya Tupana nawa maxü̃xü̃ natanüwa i duü̃xü̃gü. Rü nüma rü natanüwa tá nangẽxma, rü nümagü rü norü duü̃xü̃gü tá nixĩgü. Rü nüma tátama natanüwa namaxü̃ nax guxü̃guma norü Tupana yixĩxü̃ca̱x.

2 Corintios 12:10

Rü ngẽma nax Cristuxü̃ nax changechaü̃xü̃gagu nixĩ i yáxna namaxã chaxĩnüxü̃ ega woo chaturagu rü woo ta̱xacü chomaxã yaxugüegu i duü̃xü̃gü. Rü woo choxü̃́ nataxuxgu i chorü ngẽmaxü̃gü, rü woo duü̃xü̃gü rü chowe yangexü̃tanügu, rü woo guxchaxü̃gü choxü̃́ ngẽxmagu rü Cristuca̱x rü yáxna namaxã chaxĩnü i guxü̃ma i ngẽma. Erü ngẽxguma chaturagu, rü ngẽxguma nixĩ i yexeraãcü Cristu choxü̃ poraxẽẽxü̃.

2 Corintios 11:27

Rü poraãcü chataarü puracüã̱x, rü muxũchixü̃ ga guxchaxü̃gü choxü̃ nangupetü. Rü mue̱xpü̱xcüna rü tama chape, rü chataiya, rü chita̱xawa. Rü mue̱xpü̱xcüna rü tama chachibü, rü choxü̃ nanadeyu, rü choxü̃́ nataxu ga chauxchiru.

2 Corintios 6:10

Rü woo tangechaü̃gügu, natürü guxü̃guma tataãẽgü. Rü woo ñoma i naanewa tama tamuarü ngẽmaxü̃ã̱xgügu, natürü togagu muxü̃ma i duü̃xü̃gü nanayauxgü i maxü̃ i taguma gúxü̃. Rü woo taxuxü̃ma toxü̃́ nangẽxma i ñoma i naanewa, natürü aixcüma toxü̃́ nangẽxma i guxü̃ma.

Ore i mexü̃ ga Cuáü̃ ümatüxü̃ 11:35

Rü naxaxu ga Ngechuchu.

Echequié 9:4

Rü ñanagürü nüxü̃: —¡Ẽcü, nagu ixũãgüchigü ya daa ĩane ya Yerucharéü̃ rü yaxüégacatü i guxü̃ma i ngẽma duü̃xü̃gü i ñaa ĩanearü chixexü̃gagu ngechaü̃güxü̃ rü ngúxü̃ ingegüxü̃! —ñanagürü.

Echequié 7:16

Rü woo togü rü máxpüxanexü̃wa nabuxmügu ñoma muxtucugü i baixãchiexü̃rüxü̃, natürü guxãtáma tümaarü pecadugagu tayueama.

Yeremía 31:25

Rü choma ya Cori ya Tupana rü mea tá chanachibüexẽxẽ rü chayaxaxegüxẽxẽ i guxü̃ma i ngẽma ipaexü̃ rü turaexü̃ —ñanagürü.

Yeremía 13:17

Rü ngẽxguma taxũtáma ipexĩnüegu i ngẽma pemaxã nüxü̃ chixuxü̃, rü choma rü chaxica tátama chaxaxu nagagu nax pegü picua̱xüü̃güxü̃. Rü chauxetüwa tá inarüyaegü i ngẽma chauxgüxü̃etü, erü perü uanügü rü tá pexü̃ ínayauxü̃ rü tá pexü̃ nigagü i pemax nax Cori ya Tupanaarü duü̃xü̃gü pixĩgüxü̃ —ñanagürü ga Yeremía.

Yeremía 9:1

Choma rü ngunecü rü chütacü naxca̱x chaxauxecha i ngẽma chorü duü̃xü̃gü i yuexü̃. Rü chierü ñoma wüxi i dexá i íchuxchuechaxü̃rüxü̃ yixĩxgu i chauxgüxü̃etü.

Ichaía 66:10

Rü Tupana rü ñanagürü: —Pema nax Yerucharéü̃xü̃ pengechaü̃güxü̃ rü naxca̱x nax pexauxexü̃, rü ñu̱xma rü name nax wüxigu guxãma Yerucharéü̃maxã petaãẽgüxü̃.

Ichaía 25:6

Rü nüma ya Cori ya Tupana rü ma̱xpǘne ya Chióü̃wa tá guxü̃ma i duü̃xü̃gü i ñoma i naanewa maxẽxü̃ca̱x nanaxü i wüxi i õna i taxü̃. Rü ngẽma õna rü maixcuraxü̃ i chi̱xichixü̃ rü bínu ya marü ñuxgumama ixügücü rü namachi i chíxü̃ rü bínu ya rümemaegücümaxã naxca̱x nanamexẽxẽ.

Wiyaegü 143:6

Rü ngẽma nax chacuxwa̱xexüchixü̃ ñoma waixü̃mü i paxü̃ i dexá naxwa̱xexüchixü̃rüxü̃, rü cuxca̱x chaxunagüme̱xẽ chayumüxẽ.

Wiyaegü 119:136

Rü poraãcü chaxaxu erü ngẽma togü rü tama naga naxĩnüe i curü mugü. -18-

Wiyaegü 65:4

Rü nataãxẽ i ngẽma duü̃xü̃ i cuma cuyaxuxü̃ nax yima cupata ya Chióü̃wa ngẽxmanewa cumaxẽẽxü̃ca̱x. Rü wüxi i taãxẽ tá nixĩ nax natanüwa tangexmagüxü̃ i ngẽma mexü̃gü i cupata ya üünenewa ngẽxmagüxü̃.

Wiyaegü 28:7

Rü nüma ya Cori ya Tupana rü chorü poxü̃ruxü̃ ya poraxüchicü nixĩ. Rü nüxü̃́ nixĩ ga chayaxõxü̃, rü nüma nixĩ ga choxü̃ nangü̃xẽẽxü̃. Rü poraãcü chataãxẽ i ñu̱xmax. Rü Cori ya Tupanaca̱x tá chawiyae rü tá moxẽ nüxna chaxã.

Ore i mexü̃ ga Luca ümatüxü̃ 6:20

Rü yexguma Ngechuchu rü norü ngúexü̃güxü̃ nadawenü, rü ñanagürü nüxü̃: —¡Petaãxẽgü i pemax ya ingearü diẽruã̱xgüxe! Erü Tupana ãẽ̱xgacü ixĩxü̃wa rü pexü̃́ nangẽxma i pechica.

Ore i mexü̃ ga Luca ümatüxü̃ 6:22

¡Rü petaãxẽgü i pemax i ngẽxguma duü̃xü̃gü pexchi aiegu, rü pexü̃ ínawoxü̃gu, rü chixexü̃ pemaxã yaxugüegu, rü Tupana Nane ya duü̃xü̃xü̃ ixĩcügagu chixri pechiga yadexagügu!