Ore i mexü̃ ga Luca ümatüxü̃ 6:2 - Tupanaarü Ore

² Rü ñuxre ga Parichéugü rü yema ngúexü̃güna nacagü, rü ñanagürügü: —¿Tü̱xcüü̃ ngü̃xchigaarü ngunexü̃gu penabuxu i trigu? Erü ngü̃xchigaarü ngunexü̃gu rü nachu̱xu nax texé puracüxü̃ —ñanagürügü.

Ore i mexü̃ ga Luca ümatüxü̃ 6:2 Referans Kwoze

Ore i mexü̃ ga Matéu ümatüxü̃ 12:2

Rü yexguma yemaxü̃ nadaugügu ga Parichéugü rü ñanagürügü Ngechuchuxü̃: —Dücax i curü ngúexü̃gü rü chixexü̃ naxügü. Erü ngü̃xchigaarü ngunexü̃gu nanaxügü i ngẽma ngü̃chigaarü ngunexü̃gu chu̱xuxü̃ —ñanagürügü.

Ore i mexü̃ ga Cuáü̃ ümatüxü̃ 5:16

Rü yemaca̱x ga yema ãẽ̱xgacügü rü Ngechuchuca̱x nadaugü nax yama̱xgüãxü̃ca̱x, yerü ngü̃xchigaarü ngunexü̃gu napuracü.

Ore i mexü̃ ga Márcu ümatüxü̃ 2:24

Rü yema Parichéugü rü Ngechuchuna nacagü rü ñanagürügü: —Dücax ¿tü̱xcüü̃ i curü ngúexü̃gü rü nanaxügü i ngẽma ngü̃xchigaarü ngunexü̃gu chu̱xuxü̃ nax naxüxü̃? —ñanagürügü.

Ore i mexü̃ ga Luca ümatüxü̃ 5:33

Rü nümaxü̃ ga duü̃xü̃gü rü Ngechuchuna nacagüe, rü ñanagürügü: —Cuáü̃ ya baiü̃xẽẽruü̃arü ngúexü̃gü rü Parichéugüarü ngúexü̃gü rü muẽ̱xpü̱xcüna Tupanaca̱x naxauree rü nayumüxẽgü. Natürü i curü ngúexü̃gü, rü tama naxauree. Rü nachibüe rü naxaxegümare —ñanagürügü.

Ichaía 58:13

Rü tama name i pepuracüe rü petaxegü i ngü̃xchigaarü ngunexü̃gu. Rü ngẽma chanaxwa̱xexü̃ nixĩ nax pexca̱x rü wüxi i ngunexü̃ i üünexü̃ nax yixĩxü̃ rü wüxi i ngunexü̃ i nagu petaãẽxü̃ nax yixĩxü̃. Rü ngẽma ngunexü̃ rü cha̱u̱xca̱xica tá ípenaxüxüchi. Rü ngẽxguma ngẽmaãcü penaxü̱xgu, rü tama ngẽma ngunexü̃gu pepuracüegu rü tama petaxegügu rü tama dexagü i taxuwama mexü̃maxã pidexagügu, rü ngẽxguma i choma i perü Tupana rü tá pexü̃ chataãẽxẽxẽ. Rü tá pexna chanaxã i ñaa naane ga perü o̱xi ga Acóbumaxã nüxü̃ chixuxü̃ rü tá pexü̃ charüngü̃xẽẽxü̃ nax ñaa nachixü̃anemaxã ipecu̱axgüxü̃ —ñanagürü ga Tupana. Rü Cori ya Tupanatama nixĩ i ngẽma ñaxü̃.

Ínachoxü̃xü̃chiga 31:15

Rü marü name i 6 i ngunexü̃ pepuracüe, natürü ngẽma norü 7 i ngunexü̃ rü cha̱u̱xca̱x tá ípenaxüxüchi rü nagu tá perüngü̃gü. Rü texé ngẽma ngunexü̃gu puracüxe rü tá tayu.

Ínachoxü̃xü̃chiga 22:10

Rü ngẽxguma texé to i duü̃xü̃xü̃tagu tanamu̱xgu i tümaarü woca, rüe̱xna tümaarü búru, rüe̱xna tümaarü carnéru, rüe̱xna ta̱xacürü to i naxü̃na nax ngéma nüxna nadaugüxü̃ca̱x, rü ngẽxguma nayu̱xgu rüe̱xna napi̱xgu rüe̱xna taxúema nüxü̃ dauyane naxca̱x nangĩ̱xgügu, rü tama ngẽma duü̃xü̃ i naxü̃tagu tanamuxü̃arü guxcha nixĩ.

Ore i mexü̃ ga Matéu ümatüxü̃ 15:2

—¿Tü̱xcüü̃ i curü ngúexü̃gü rü tama nagu naxĩ i nũxcümaü̃güxü̃ i tórü o̱xigücüma? ¿Rü tü̱xcüü̃ tama nayanguxẽẽgü i ngẽma nacüma nax Tupanaca̱x naya̱u̱xme̱xgüxü̃ naxü̃pa nax nachibüexü̃? —ñanagürügü.