Ore i mexü̃ ga Luca ümatüxü̃ 6:19 - Tupanaarü Ore

¹⁹ Rü guxü̃ma ga duü̃xü̃gü rü Ngechuchuxü̃ ningõgügüchaü̃, yerü nawa ixũxü̃xü̃ ga poramaxã nanameexẽxẽ.

Ore i mexü̃ ga Luca ümatüxü̃ 6:19 Referans Kwoze

Ore i mexü̃ ga Matéu ümatüxü̃ 14:36

Rü Ngechuchuxü̃ naca̱a̱xü̃gü nax naxchirupechinügumare yangógügüxü̃ca̱x. Rü guxü̃ma ga yema naxchirupechinügu ingógügüxü̃ rü narümexe.

Ore i mexü̃ ga Márcu ümatüxü̃ 3:10

Yerü nüma rü nanameexẽxẽ ga muxü̃ma, rü yemaca̱x guxü̃ma ga yema ida̱xaweexü̃ rü naxca̱x naxĩ nax Ngechuchuxü̃ yangógügüxü̃ca̱x.

Ore i mexü̃ ga Márcu ümatüxü̃ 6:56

Rü guxü̃wama ga ngextá íyanguchigüxü̃wa ga Ngechuchu, ga ĩanexacügüwa rü ĩanegüwa, rü naanegüwa, rü yexma namacüwagu naxca̱x nayamugü ga ida̱xaweexü̃. Rü nüxü̃ naca̱a̱xü̃gü nax tama nüxna nachúxãxü̃ca̱x nax naxchirupechinügumare yangõgügüxü̃ca̱x. Rü guxü̃ma ga yema nüxü̃ ingõgüexü̃, rü naxca̱x nitaanegü.

Ore i mexü̃ ga Márcu ümatüxü̃ 5:30

Natürü ga Ngechuchu rü nüxü̃ nicua̱xãchi nax nawa ínaxũxũxü̃ ga pora. Rü naxca̱x nadauegu ga yema muxü̃ma ga duü̃xü̃gü, rü nüxna naca, rü ñanagürü: —¿Texé tixĩ ya chauxchirugu ingõgüxe? —ñanagürü.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Ore i mexü̃ ga Márcu ümatüxü̃ 8:22

Rü yemawena rü Bechaídaarü ĩanewa nangugü. Rü yéma Ngechuchuxü̃tawa nanagagü ga wüxi ga ngexetücü. Rü nüxü̃ naca̱a̱xü̃gü nax nüxü̃ yangõgüxü̃ca̱x.

Ngechuchuarü ngúexü̃gü ga yamugüxü̃arü puracüchiga 19:12

Rü a̱i̱xrücü ga norü dechugü ga Pauru rü naxchirugü rü duü̃xü̃gü rü yema ida̱xaweexü̃xü̃tawa nanangegü. Rü yexguma yema ida̱xaweexü̃ nüxü̃ ingógügügu ga yema naxchiru rü ẽ̱xna dechu, rü naxca̱x nitaanegü. Rü yema duü̃xü̃gü ga ngo̱xoã̱xgüxü̃ rü ta naxca̱x nitaanegü.

Ore i mexü̃ ga Luca ümatüxü̃ 5:17

Rü wüxi ga ngunexü̃ Ngechuchu íngu̱xẽẽtaeyane, rü yéma narütogü ga ñuxre ga Parichéugü rü ñuxre ga ngúexẽẽruü̃gü ga Moichéarü mugümaxã ngu̱xẽẽtaegüxü̃ ga guxü̃ ga Gariréaanearü ĩanexacügüwa ne ĩxü̃, rü Yudéaanewa ne ĩxü̃, rü Yerucharéü̃wa ne ĩxü̃. Rü Tupana rü poraãcü Ngechuchuwa inanawe̱x ga norü pora rü muxü̃ma ga ida̱xaweexü̃ narümeexẽxẽ.

Ore i mexü̃ ga Luca ümatüxü̃ 6:18

Rü yema duü̃xü̃gü ga chixexü̃ ga naãxẽ nawa yexmagüxü̃ rü ta naxca̱x nitaanegü.