Ore i mexü̃ ga Luca ümatüxü̃ 6:17 - Tupanaarü Ore

¹⁷ Rü Ngechuchu rü yema yatügü ga nadexü̃maxã ínarüxĩgü nawa ga guma ma̱xpǘne. Rü wüxi ga nachica ga ínametachinüanexü̃wa nayachaxãchitanü. Rü yéma nayexmagü ga muxü̃ma ga duü̃xü̃gü ga guxü̃ ga Yudéaanewa ne ĩxü̃, rü Yerucharéü̃wa ne ĩxü̃, rü Márcutüwa ga Chidóü̃wa rü Tíruwa ne ĩxü̃. Rü yéma naxĩ yerü Ngechuchuxü̃ naxĩnüechaü̃, rü nanaxwa̱xegü nax nameexẽẽãxü̃ ga norü da̱xawegüwa.

Ore i mexü̃ ga Luca ümatüxü̃ 6:17 Referans Kwoze

Ore i mexü̃ ga Matéu ümatüxü̃ 11:21

Rü ñanagürü ga Ngechuchu: “Wüxi i ngechaü̃ nixĩ i pexca̱x, Pa Corachíü̃cüã̱x rü Pa Bechaídacüã̱x. Yerü yexguma chi Tíruarü ĩanewa rü Chidóü̃arü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü woo ga nax poraãcü yachixexü̃ ga yema duü̃xü̃gü, rü nũxcümama chitama nüxü̃ narüxoe ga yema nacüma ga chixexü̃, rü poraãcüxüchi chi nügümaxã nangechaü̃gü rü naxauxe, yerü chi nügü nicua̱xãchitanü nax yapecaduã̱xgüxü̃.

Ore i mexü̃ ga Luca ümatüxü̃ 6:12

Rü yexguma ga Ngechuchu rü wüxi ga ma̱xpǘnewa naxũ nax yéma yayumüxẽxü̃ca̱x. Rü guxü̃ ga yema chütaxü̃gu rü norü yumüxẽwa Tupanamaxã nidexa.

Ore i mexü̃ ga Luca ümatüxü̃ 5:15

Natürü ga Ngechuchuchiga rü guxü̃wama ninguchigüama. Rü muxü̃ma ga duü̃xü̃gü rü naxca̱x naxĩtaque̱xegü nax norü orexü̃ naxĩnüexü̃ca̱x, rü naxca̱x nax yataanexẽẽãxü̃ca̱x ga norü da̱xawegüwa.

Ore i mexü̃ ga Matéu ümatüxü̃ 15:21

Rü yexguma yéma inaxũãchigu ga Ngechuchu, rü Tíruane rü Chidóü̃anewa naxũ.

Ore i mexü̃ ga Matéu ümatüxü̃ 14:14

Rü yexguma nguewa ínaxüegu ga Ngechuchu rü nüxü̃ nadau ga yema muxü̃ma ga duü̃xü̃gü. Rü nüxü̃́ nangechaü̃tümüü̃gü. Rü nanameexẽxẽ ga yema duü̃xü̃gü ga ida̱xaweexü̃ ga naxca̱x yéma nagagüxü̃.

Ore i mexü̃ ga Matéu ümatüxü̃ 12:15

Rü yexguma Ngechuchu nüxü̃ cuáchigagu nax Parichéugü yama̱xgüchaxü̃xü̃, rü ínaxũxũ ga guma ĩanewa. Rü muxü̃ma ga duü̃xü̃gü nawe narüxĩ. Rü nüma ga Ngechuchu rü nanameexẽxẽ ga guxü̃ma ga yema duü̃xü̃gü ga ida̱xaweexü̃.

Wiyaegü 103:3

Rü nüma rü choxü̃́ nüxü̃ inayarüngüma i guxü̃ma i chixexü̃ i chaxüxü̃ rü cha̱u̱xca̱x nayataanexẽxẽ nawa i chorü da̱xawegü.

Ore i mexü̃ ga Matéu ümatüxü̃ 5:1

Rü yexguma Ngechuchu nüxü̃ da̱u̱xgu ga yema muxü̃ma ga duü̃xü̃gü, rü wüxi ga ma̱xpǘnegu naxĩnagü namaxã ga norü ngúexü̃gü. Rü yéma narüto, rü norü ngúexü̃gü nüxü̃ ínachomaeguãchi.

Ore i mexü̃ ga Luca ümatüxü̃ 6:16

rü Yúda ga Chantiágu nane, rü Yúda ga Icharióte ga yixcama Ngechuchuxü̃ íxuaxü̃xü̃.

Ore i mexü̃ ga Luca ümatüxü̃ 6:18

Rü yema duü̃xü̃gü ga chixexü̃ ga naãxẽ nawa yexmagüxü̃ rü ta naxca̱x nitaanegü.