Ore i mexü̃ ga Luca ümatüxü̃ 6:13 - Tupanaarü Ore

¹³ Rü yexguma yangóonegu, rü Ngechuchu norü ngúexü̃güca̱x naca. Rü natanüwa nayadexechi ga 12. Rü orearü ngeruü̃gügu nanaxüéga.

Ore i mexü̃ ga Luca ümatüxü̃ 6:13 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 21:14

Rü guma ĩanearü poxeguxü̃ rü 12 ga nuta ga taxüchicüétüwa inaxügü. Rü wüxichigü ga gumá 12 ga nutagüwa nango̱xéga ga yema 12 ga norü ngúexü̃gü ga gumá Carnéruxacü.

Efesios 4:11

Rü nümatama nixĩ ga guxema norü duü̃xẽgüna naxããxü̃ ga tümaarü cua̱x rü tümaarü puracü. Rü tüxü̃ naxuneta ga ñuxre nax tóxnamana norü orexü̃ tayarüxugüxü̃ca̱x. Rü toguegü rü tüxna nanaxã ga cua̱x nax duü̃xü̃gümaxã nüxü̃ tixuxü̃ca̱x i ngẽma norü ore. Rü toguegü rü tüxna nanaxã ga cua̱x nax duü̃xü̃güaxü̃́ tanangúchaü̃xẽẽxü̃ i Tupanaarü ore nax yaxõgüãxü̃ca̱x. Rü toguegü rü tüxna nanaxã ga cua̱x nax ngẽma yaxõgüxü̃arü dauruü̃gü tixĩgüxü̃ca̱x. Rü toguegü rü tüxna nanaxã ga cua̱x nax norü oremaxã tangúexẽẽtaegüxü̃ca̱x.

Ore i mexü̃ ga Márcu ümatüxü̃ 6:30

Rü yemawena rü yema norü ngúexü̃gü ga yamugüxü̃ rü Ngechuchumaxã nangutaque̱xegü. Rü namaxã nüxü̃ nixugüe ga guxü̃ma ga yema naxügüxü̃ rü yema nangu̱xẽẽtaegüxü̃.

Ore i mexü̃ ga Márcu ümatüxü̃ 6:7

Rü namaxã nangutaque̱xe ga yema 12 ga norü ngúexü̃gü, rü inanaxügü nax taxrechigü inamuãchitanüãxü̃. Rü nüxna nanaxã ga pora nax ínawoxü̃ãxü̃ca̱x ga ngo̱xogü.

Ore i mexü̃ ga Matéu ümatüxü̃ 9:36

Rü yexguma Ngechuchu nüxü̃ da̱u̱xgu ga yema muxü̃ma ga duü̃xü̃gü ga naxü̃tawa ngugüxü̃, rü nüxü̃́ nangechaü̃tümüü̃gü. Yerü carnérugü ga ngearü dauruü̃ã́xü̃rüxü̃ nanaxĩ̱xãchiãẽgü, rü tama nataãẽgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:20

Natürü ñu̱xma nax napoxcuxü̃ ya yima ĩane, rü name nixĩ i cutaãxẽ Pa Daxũguxü̃ i Naane. Rü ngẽxgumarüxü̃ ta rü name nixĩ i petaãẽgü i pema i Tupana norü oremaxã pexü̃ namugüxe, rü pema i Tupanaarü orexü̃ ixugüe, rü guxãma i pema i Tupanaarü duü̃xü̃gü ixĩgüxe. Erü ñu̱xma nax napoxcuxü̃ ya yima ĩane, rü ngẽmaãcü Tupana pexü̃ naxütanü naxca̱x ga yema chixexü̃ ga pemaxã naxügüxü̃ ga gumá ĩanecüã̱x”, ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:1

Rü ñu̱xũchi daxũwa nango̱x ga wüxi ga cua̱xruxü̃ ga taxü̃. Rü iyexma ga wüxi ga nge ga üa̱xcümaxã ãxchirucü. Rü tauemacüétügu ichi. Rü 12 ga woramacurigü nixĩ ga ngĩrü nga̱xcueruxü̃ ga ngĩeruwa yexmaxü̃.

Norü taxre ga popera ga Pedru ümatüxü̃ 3:2

Rü chanaxwa̱xe i nüxna pecua̱xãchie i ngẽma ore ga nũxcümaü̃güxü̃ ga Tupanaarü orearü uruü̃gü ga ixüünexü̃ nüxü̃ ixugügüxü̃. Rü ngẽxgumarüxü̃ ta chanaxwa̱xe i nüxna pecua̱xãchie i ngẽma tórü Cori ya Ngechuchu ya tórü Maxẽxẽẽruü̃arü mugü ga pexü̃ nangúexẽẽxü̃ ga norü orearü uruü̃gü ga nüma pexü̃tawa namugüxü̃.

Popera ga Yudíugü ga yaxõgüxü̃ca̱x ümatüxü̃ 3:1

Rü ñu̱xma Pa Chauenexẽgü ya Tupanape̱xewa Üünegüxe, rü pexü̃ nixĩ ya Tupana i nadexü̃ nax norü duü̃xü̃gü pixĩgüxü̃ca̱x. Rü ngẽmaca̱x name nixĩ i mea nagu perüxĩnüe ya Ngechuchu ya Cristu ya Tupana núma namucü. Rü nüma ya Ngechuchu nixĩ i tórü chogüruxü̃ i Tupanape̱xewa tüxü̃ ixüünexẽẽcü. Rü yimáaxü̃́ nixĩ i yaxõgüxü̃.

Efesios 2:20

Pema rü ñoma wüxi ya ĩpata ya mexü̃nerüxü̃ pixĩgü. Rü yima ĩpata namaxã ixügüne nixĩ i norü ngu̱xẽẽtae ga yema ngúexü̃gü ga Tupana imugüxü̃ rü yema norü orearü uruü̃gü. Rü nüma ya Cristu nixĩ ya yimá nüxíraü̃cü ya nuta ga naétüwa inaxügücü ya yimá ĩpata.

Ngechuchuarü ngúexü̃gü ga yamugüxü̃arü puracüchiga 1:13

Rü yexguma Yerucharéü̃arü ĩanewa nangugügu, rü nagu nachocu ga gumá ĩ ga nagu napegüne. Rü dauxna naxĩgü naxca̱x ga yema ucapu ga taxü̃ ga nagu napegüxü̃. Rü nümagü nixĩ ga Pedru, rü Cuáü̃, rü Chantiágu, rü André, rü Ferípe, rü Tumáchi, rü Barturumé, rü Matéu, rü Chantiágu ga Arupéu nane, rü Chimóü̃ ga Iporaãẽcüücü, rü Yúda ga Chantiágu naenexẽ.

Ore i mexü̃ ga Luca ümatüxü̃ 22:30

Rü ngẽmaãcü ãẽ̱xgacü íchixĩxü̃wa rü chomaxã tá pechibüe rü tá pexaxegü. Rü ãẽ̱xgacügüca̱x ixĩxü̃ i toruü̃wa tá perütogü nax nüxna pecagüxü̃ca̱x i ngẽma 12 i Iraétücumügü —ñanagürü.

Ore i mexü̃ ga Luca ümatüxü̃ 11:49

Rü yemaca̱x nixĩ ga Tupana ga ñaxü̃: “Ngẽma duü̃xü̃gütanüwa tá chanamugü i chorü orearü uruü̃gü rü chorü orearü ngeruü̃gü. Natürü ngẽma duü̃xü̃gü rü tá nanadai i nümaxü̃ i chorü orearü uruü̃gü rü chorü orearü ngeruü̃gü, rü togü rü tá nawe ningẽxü̃tanü”, —ñanagürü ga Tupana.

Ore i mexü̃ ga Matéu ümatüxü̃ 19:28

Rü Ngechuchu nanangãxü̃ rü ñanagürü nüxü̃: —Aixcüma pemaxã nüxü̃ chixu rü ngẽma ngunexü̃ ya Tupana nagu nangexwaca̱xü̃xẽẽxü̃ i guxü̃ma, rü Tupana Nane ya duü̃xü̃xü̃ ixĩcü rü norü tochica i mexẽchixü̃wa tá narüto. Rü pema i 12 i chorü ngúexü̃gü nax chowe perüxĩxü̃, rü pema rü tá ta pexü̃́ nangẽxma i perü tochicaxü̃ i chauxü̃tawa. Rü ngéma tá perütogü nax namaxã ipecuáxü̃ca̱x i ngẽma 12 i Iraétücumügü.

Ore i mexü̃ ga Matéu ümatüxü̃ 10:2

Rü ñaa nixĩ ga naégagü ga yema 12 ga Ngechuchuarü ngúexü̃gü ga imugüxü̃. Rü yema nüxíra naxca̱x naca̱xaxü̃ nixĩ ga Chimóü̃ ga Pedrugu ãégaxü̃. Rü to nixĩ ga Pedruenexẽ ga André. Rü to nixĩ ga Chantiágu, rü to nixĩ ga Chantiáguenexẽ ga Cuáü̃. Rü yema taxre rü Chebedéu nanegü nixĩgü.

Ore i mexü̃ ga Luca ümatüxü̃ 6:14

Rü yema yatügü ga nadexü̃ rü Chimóü̃ ga Pedrugu nanaxüéga nixĩ ga wüxi. Rü to nixĩ ga André ga Chimóü̃ naenexẽ, rü Chantiágu rü Cuáü̃, rü Ferípe, rü Barturumé,

Ore i mexü̃ ga Cuáü̃ ümatüxü̃ 4:33

Rü yexguma ga norü ngúexü̃gü rü nügüna nacagüe, rü ñanarügügü: —Bexmana marü texé nua tanange i nawemü —ñanarügügü.