Ore i mexü̃ ga Luca ümatüxü̃ 6:1 - Tupanaarü Ore

¹ Rü wüxi ga ngü̃xchigaarü ngunexü̃gu rü Ngechuchu rü norü ngúexü̃gümaxã trigunecüwa nachopetü. Rü norü ngúexü̃gü rü inaxĩãcüma yoxocüne trigu nicãũtanü. Rü naxme̱xmaxã nanadaxi ga trigu rü nayangṍẽtanü.

Ore i mexü̃ ga Luca ümatüxü̃ 6:1 Referans Kwoze

Wenaxarü naxümatü ga Tupanaarü mugü 23:25

Rü ngẽxguma cumücüarü trigunecüwa cuxũxgu rü name nixĩ i cuxme̱xmaxã cuyacawe i ñuxre i ngẽma tríguarü o. Natürü tama name nax cüxchimaxã cuyawíxü̃ i ngẽma trigu.

Lebítanüxü̃arü puracüchiga 23:7

Rü ngẽma nüxíraxü̃xü̃ i ngunexü̃gu rü tá cha̱u̱xca̱x pengutaque̱xegü. ¡Rü taxuxü̃táma i puracü pexüe!

Ínachoxü̃xü̃chiga 12:15

Rü ngẽma Üpetüchiga rü 7 i ngunexü̃ tá penaxüchiga. Rü guxü̃ma i ngẽma 7 i ngunexü̃gu rü paũ i ngearü pu̱xẽẽruü̃ã́xü̃xicatama tá pengõ̱xgü. Rü ngẽmaca̱x i guxü̃ma i ngẽma 7 i ngunexü̃gu rü tama penaxwa̱xe nax pepatawa pexü̃́ nangẽxmaxü̃ i ngẽma paũarü pu̱xẽẽruxü̃. Rü yíxema paũ i pu̱xẽẽruü̃ã́xü̃ ngṍxe i ngẽma 7 i ngunexü̃gu rü yíxema rü tá Iraétanüwa tüxü̃ ípeta̱xüchi.

Wenaxarü naxümatü ga Tupanaarü mugü 16:9

Rü ngẽma ngunexü̃ nax nagu naxügüxü̃ i nanetüarü buxu, rü ngẽmawena rü 7 i yüxü tá ingupetü nax Cori ya perü Tupanaca̱x penaxüchigaxü̃ca̱x i Nanetüarü Buxchiga. Rü ngẽma petawa rü tá perü ngúchaü̃maxã Cori ya perü Tupanana penaxã i perü ãmaregü ngẽma nüma ya Tupana pexna naxãxü̃rüxü̃. Rü ngẽxguma Tupana pexna naxãxgu i muxü̃ma i nanetügü rü name i pema rü ta muxü̃ma i ãmaregü nüxna pexã.

Lebítanüxü̃arü puracüchiga 23:15

Rü ngẽma ngunexü̃ i nagu chacherdótexü̃tawa penanaxü̃ i perü ãmare i nüxíra pebuxuxü̃ i trigu, rü ngü̃chigaarü moxü̃ãcü tá ipenaxügü nax peyaxugüxü̃ i ngunexü̃gü ñu̱xmata 50 i ngunexü̃wa nangu. Rü ngẽxguma tá nixĩ i choxna penaxãxü̃ i perü ãmare i trigu i ngexwaca pebuxuxü̃wa üxü̃.

Ore i mexü̃ ga Luca ümatüxü̃ 5:39

Rü yíxema tümamaxã yaxǘxe nax taunecüã́cü ya bínu tayaxaxüxü̃ rü tama tüxü̃́ nangúchaü̃ ya yimá bínu ya ngexwacaxü̃cü ya maixcuracü. Erü ñanagürü: “yimá bínu ya taunecüã́cü nixĩ i yexera rüchi̱xmaecü” —ñanagürü.

Ore i mexü̃ ga Luca ümatüxü̃ 6:6

Rü to ga ngü̃xchigaarü ngunexü̃gu rü Ngechuchu rü ngutaque̱xepataü̃gu naxücu. Rü inanaxügü nax nangu̱xẽẽtaexü̃. Rü yéma nayexma ga wüxi ga yatü ga norü tügünewa yumécü.