Ore i mexü̃ ga Luca ümatüxü̃ 5:8 - Tupanaarü Ore

⁸ Rü yexguma yemaxü̃ nada̱u̱xgu ga Chimóü̃ ga Pedru, rü Ngechuchupe̱xegu nayacaxã́pü̱xü, rü ñanagürü nüxü̃: —¡Choxna ixũgachi! Pa Corix. Erü choma rü wüxi i duü̃xü̃ i pecaduã́xü̃ chixĩ —ñanagürü.

Ore i mexü̃ ga Luca ümatüxü̃ 5:8 Referans Kwoze

Ichaía 6:5

Rü yexguma ga chomax rü ñaxü̃gu charüxĩnü: —Ñu̱xmawaxix rü chaugümaxã changechaü̃ erü tá chayu. Erü choma nax duü̃xü̃ chixĩxü̃ rü chauxetümaxã nüxü̃ chadau ya yimá ãẽ̱xgacü ya Cori ya Guxãétüwa Ngẽxmacü. Rü chaua̱x rü naxãũãchi rü duü̃xü̃gü i ãũãchiarü dexaã̱xgǘxü̃tanüwa chamaxü̃ —ñaxü̃gu charüxĩnü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:17

Rü yexguma nüxü̃ chada̱u̱xgu, rü nape̱xegu chayangu ñoma chayuxü̃rüxü̃. Natürü ga nüma rü norü tügüneme̱xẽmaxã choxü̃ ningõgü, rü ñanagürü choxü̃: “¡Taxṹ i cumuü̃xü̃! Choma nixĩ i chaxíra chayexmaxü̃ rü guxü̃gutáma changexmaechaxü̃.

Ãẽ̱xgacügü ga guxchaxü̃güarü mexẽxẽruü̃gü 13:22

Rü nüma ga Manóa rü naxma̱xü̃ ñanagürü: —Ñu̱xmawaxix rü aixcüma tá tayue erü Tupanaxü̃ tadaugü —ñanagürü.

Ínachoxü̃xü̃chiga 20:19

Rü yemaca̱x Moichéxü̃ ñanagürügü: —Tama tanaxwa̱xe ya Tupana tomaxã nidexa erü ngürüãchi tá tayue. Rü narümemae nixĩ nax cumatama tomaxã nüxü̃ quixuxü̃ i ngẽma Tupana cumaxã nüxü̃ ixuxü̃ rü toma rü tá naga taxĩnüe —ñanagürügü.

Yox 40:4

—Choma rü taxumaama cuxü̃ changãxü̃, Pa Tupanax, erü choma rü taxuwama chame i cupe̱xewa. Rü narümemae nixĩ i noxtacüma ichayarüngea̱x.

1 Chamué 6:20

Rü yemaca̱x ga nüma ga Bex-chemécüã̱xgü rü ñanagürügü: —¿Texé tame nax Cori ya Tupana ya üünecüpe̱xewa tangexmaxü̃? ¿Rü ngextá tá ínamuxü̃ i ngẽma baú i ñu̱xmax? —ñanagürügü.

Ore i mexü̃ ga Matéu ümatüxü̃ 17:6

Rü yexguma yemaxü̃ naxĩnüegu ga yema ngúexü̃gü, rü ñaxtüanegu nanangücuchitanü, yerü poraãcü namuü̃e.

Ore i mexü̃ ga Cuáü̃ ümatüxü̃ 11:32

Rü yexguma Ngechuchuxü̃tawa nanguxgu ga María, rü nape̱xegu iyacaxã́pü̱xü, rü ngĩgürügü: —Pa Corix, yexguma chi cuma cunuxmagu rü taxũchima nayu ga chauenexẽ ya Lácharo —ngĩgürügü.

Ore i mexü̃ ga Matéu ümatüxü̃ 8:8

Natürü nüma ga capitáü̃ nanangãxü̃, rü ñanagürü: —Pa Corix, choma rü taxuwama chame nax chopatagu nax cuxücuxü̃ca̱x. Rü chanaxwa̱xe nax curü orewaxicatama nüxü̃ quixuxü̃, rü tá naxca̱x nitaane i chorü duü̃xü̃.

Ore i mexü̃ ga Matéu ümatüxü̃ 2:11

Rü nagu nachocu ga gumá ĩ ga nawa nayexmane ga gumá bucü, rü yexma nüxü̃ nayangau ngĩmaxã ga naé ga María. Rü gumá bucüpe̱xegu nacaxã́pü̱xügü, rü nüxü̃ nicua̱xüü̃gü. Rü ñu̱xũchi nayawãxna ga norü ãmarechixü̃gü, rü gumá bucüna nanaxãmaregü ga úiru rü pumarate̱xe rü míra.

Nüxíraxü̃xü̃ ga popera ga ãẽ̱xgacügüchiga 17:18

Rü yexguma ga ngĩma ga yema yutecü rü Eríaxü̃ ngĩgürügü: —¿Ta̱xacü chomaxã cuxü, Pa Tupanaarü Orearü Ngeruxü̃x? ¿Rü nua cuxũ nax choxna nüxü̃ cucua̱xãchixẽẽxü̃ i chorü chixexü̃gü rü ngẽmagagu cunayuxẽẽxü̃ ya chaunex? —ngĩgürügü.

2 Chamué 6:9

Natürü yematama ngunexü̃gu ga Dabí rü poraãcüma Tupanaxü̃ namuü̃, rü tagaãcü ñanagürü: —Marü tama nagu charüxĩnü nax chopatawa chanangexü̃ i ngẽma baú i Tupanaarü mugüchixü̃ —ñanagürü ga Dabí.

1 Corintios 13:12

Rü ngẽma ñu̱xma nüxü̃ idauxü̃ i Tupanachiga, rü ñoma wüxi i worua ya üxachametüxewa yigü idauxü̃rüxü̃ nixĩ nax taxca̱x naxẽxü̃. Natürü yixcüra rü tá aixcüma mea nüxü̃xüchi tadau ya Tupana. Rü ñu̱xma rü írarüwatama nüxü̃ chacua̱x i Tupanachiga. Natürü wüxi i ngunexü̃gu rü tá mea nüxü̃ chacua̱x i guxü̃ma i nachiga, ngẽma nüma ya Tupana choxü̃ nacuáxü̃rüxü̃.

Ore i mexü̃ ga Luca ümatüxü̃ 5:7

Rü naxme̱xmaxã nai ga nguewa yexmagüxü̃ ga natanüxü̃ca̱x nacagü nax nüxü̃ yanangü̃xẽẽgüxü̃ca̱x. Rü yéma naxĩ ga yema natanüxü̃ ga naxca̱x nacagüxü̃. Rü nanaxüãcugü ga gumá taxre ga ngue rü wixgutaa̱x inangutaü̃gü yerü namuxũchi ga choxni.

Ore i mexü̃ ga Luca ümatüxü̃ 5:9

Rü yema ñanagürü ga Chimóü̃ yerü nüma rü guxü̃ma ga natanüxü̃ rü namaxã naba̱i̱xãchiãẽgü ga yema muxü̃ma ga choxni nax ínayauxü̃xü̃.