Ore i mexü̃ ga Luca ümatüxü̃ 5:24 - Tupanaarü Ore

²⁴ Natürü ñu̱xma rü tá pexü̃ nüxü̃ chacua̱xẽxẽ nax Tupana Nane ya duü̃xü̃xü̃ ixĩcü rü ñoma i naanewa nüxü̃́ nangẽxma i pora nax duü̃xü̃güaxü̃́ nüxü̃ narüngü̃maxü̃ca̱x i norü pecadugü —ñanagürü. Rü yexguma yema ñaxguwena rü gumá nawãĩxãchicüxü̃ ñanagürü: —Cumaxã nüxü̃ chixu rü ¡inachi, rü nayaxu i curü caruxü̃, rü cupatawa naxũ! —ñanagürü.

Ore i mexü̃ ga Luca ümatüxü̃ 5:24 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 1:13

Rü yema 7 ga omüarü üruü̃güarü ngãxü̃tanüwa nüxü̃ chadau ga wüxi ga duü̃xü̃ ga cha̱u̱xca̱x nax Ngechuchu ga duü̃xü̃xü̃ ixĩcüraü̃xü̃. Nüma rü wüxi ga naxchiru ga mámüxü̃gu nicu̱x rü wüxi ga goyexü̃ ga úirunaxca̱xmaxã nigoyeremü.

Ichaía 53:11

Natürü nawena nax ngúxü̃ yangexü̃, rü tá nataãxẽ erü nüxü̃ nacua̱x nax norü yugagu muxü̃ma i duü̃xü̃gü tá nanayauxgü i maxü̃ i taguma gúxü̃. Rü nüma ya Cori ya Tupanaarü duü̃ ya mecü rü tá Tupanape̱xewa nayamexẽxẽ i muxü̃ma i duü̃xü̃gü rü tá nayange i norü pecadugü.

Ngechuchuarü ngúexü̃gü ga yamugüxü̃arü puracüchiga 14:10

Rü yexguma ga Pauru rü tagaãcü ñanagürü nüxü̃: —¡Inachi, rü meama ínangacutü! —ñanagürü. Rü yexguma inayuxnagü ga gumá yatü, rü inanaxügü nax iyaxũxü̃.

Ngechuchuarü ngúexü̃gü ga yamugüxü̃arü puracüchiga 9:40

Rü Pedru rü düxétüwa nanamugü ga guxü̃ma ga yema duü̃xü̃gü. Rü inacaxã́pü̱xü, rü nayumüxẽ. Rü ñu̱xũchi ngĩxca̱x nadauegu ga yema yuxcü, rü ñanagürü: —Pa Tabitáx, ¡Írüda! —ñanagürü. Rü yexguma ga ngĩma rü iyadauuchixetü. Rü yexguma Pedruxü̃ nada̱u̱xgu, rü íirüto.

Ngechuchuarü ngúexü̃gü ga yamugüxü̃arü puracüchiga 9:34

Rü Pedru ñanagürü nüxü̃: —Pa Eneãx, Ngechuchu ya Cristu cuxü̃ narümexẽxẽ. ¡Inachi rü namexẽxẽ i cuxchapenüxü̃! —ñanagürü. Rü yexgumatama inachi.

Ngechuchuarü ngúexü̃gü ga yamugüxü̃arü puracüchiga 5:31

Natürü Tupana rü nüxü̃ nicua̱xüxü̃, rü nügüarü tügünecüwawa nanatoxẽxẽ. Rü duü̃xü̃güarü Ãẽ̱xgacü rü Maxẽxẽxẽruxü̃ nayangucuchixẽxẽ nax Iraétanüxü̃xü̃ nangü̃xẽxẽxü̃ca̱x nax nüxü̃ naxoexü̃ca̱x i norü chixexü̃gü, rü Tupana nüxü̃́ nüxü̃ rüngü̃maxü̃ca̱x i norü pecadugü.

Ore i mexü̃ ga Cuáü̃ ümatüxü̃ 17:2

Erü marü choxna cuxãga nax guxü̃ma i duü̃xü̃gümaxã ichacuáxü̃ca̱x rü nax chanamaxẽxẽẽxü̃ca̱x i guxü̃ma i duü̃xü̃gü i choxna cumugüxü̃.

Ore i mexü̃ ga Cuáü̃ ümatüxü̃ 11:43

Rü yexguma yema ñaxguwena, rü tagaãcü ñanagürü: —Pa Lácharox, ¡ínaxũxũ i ngéma! —ñanagürü.

Ore i mexü̃ ga Cuáü̃ ümatüxü̃ 5:27

Rü nüma ya Tupana rü Nanena naxãga nax duü̃xü̃güna naca̱xaxü̃ca̱x i norü maxü̃chiga, erü nüma rü Nane ya duü̃xü̃xü̃ ixĩcü nixĩ.

Ore i mexü̃ ga Cuáü̃ ümatüxü̃ 3:13

Taguma texé daxũguxü̃ i naanewa taxũ. Natürü Tupana Nane nax duü̃xü̃xü̃ ixĩcüxicatama nixĩ ya ngéma ne ũcü rü ngéma tá ũcü.

Ore i mexü̃ ga Luca ümatüxü̃ 8:54

Rü yexguma ga Ngechuchu rü ngĩxme̱xgu nayayauxãchi, rü tagaãcü ñanagürü: —Pa Bucüx, ¡írüda! —ñanagürü.

Ore i mexü̃ ga Luca ümatüxü̃ 7:14

Rü yexguma ga Ngechuchu rü yuetaca̱x nixũ, rü nüxü̃ ningõgü ga tümachiü̃. Rü yema tüxü̃ ingetaü̃güxü̃ rü tümamaxã inayachiãchitanü. Rü ñanagürü ga Ngechuchu tüxü̃ ga guxema yueta: —Pa Ngextü̱xücüx, ¡írüda! —ñanagürü.

Ore i mexü̃ ga Luca ümatüxü̃ 5:13

Rü yexguma ga Ngechuchu rü nüxü̃ ningõgü, rü ñanagürü nüxü̃: —Ngü̃, chanaxwa̱xe. ¡Rüme! —ñanagürü. Rü yexguma yema ñaxgu ga Ngechuchu, rü naxca̱x nitaane ga yema yatü ga chaxüneã́xü̃.

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Ore i mexü̃ ga Matéu ümatüxü̃ 26:64

Rü Ngechuchu nanangãxü̃ rü ñanagürü: —Ngẽma nüxü̃ quixuxü̃ chixĩ. Rü pemaxã nüxü̃ chixu rü tá nüxü̃ pedaugü ya Tupana Nane ya duü̃xü̃xü̃ ixĩcü i ngẽxguma Nanatü ya Guxü̃étüwa Ngẽxmacüarü tügünecüwawa rütocü rü ngẽxguma caixanexü̃gu wenaxarü núma naxũxgu —ñanagürü.

Ore i mexü̃ ga Matéu ümatüxü̃ 25:31

Rü ñanagürü ga Ngechuchu: —Ngẽxguma wenaxarü núma naxũxgu ya Tupana Nane ya duü̃xü̃xü̃ ixĩcü, rü norü tochica i mexẽchixü̃wa tá narüto. Rü norü orearü ngeruü̃gü i daxũcüã̱x rü tá nanaxümücügü.

Ore i mexü̃ ga Matéu ümatüxü̃ 16:13

Rü yexguma Checharéa ga Pirípuanewa nanguxgu ga Ngechuchu, rü norü ngúexü̃güna naca, rü ñanagürü: —¿Ñuxũ ñaxü̃ i duü̃xü̃gü i nachiga nax texé yixĩxü̃ ya Tupana Nane ya duü̃xü̃xü̃ ixĩcü? —ñanagürü.

Ore i mexü̃ ga Matéu ümatüxü̃ 9:6

Natürü i ñu̱xma rü tá pexü̃ nüxü̃ nadauxẽxẽ ya yimá Tupana Nane ya duü̃xü̃xü̃ ixĩcü nax ñoma i naanewa nüxü̃́ nangẽxma i pora nax duü̃xü̃güaxü̃́ nüxü̃ yanangümaxü̃ca̱x i norü pecadugü —ñanagürü. Rü yexguma rü ñanagürü nüxü̃ ga gumá nawãĩxãchicü: —¡Inachi, rü nayaxu i curü caruxü̃, rü cupatawa naxũ! —ñanagürü.

Danié 7:13

Choma rü yexguma chütacü chingo̱xetüchigü rü nüxü̃ chadau ga wüxi ga naduü̃xü̃raxü̃xü̃ ga caixanexü̃wa ne ũxü̃ rü Ãẽ̱xgacü ya Guxü̃guma Maxü̃cü íyexmaxü̃waama ũxü̃. Rü ñu̱xũchi guma Ãẽ̱xgacüxü̃tawa nanagagü.

Ore i mexü̃ ga Matéu ümatüxü̃ 4:24

Rü duü̃xü̃gü rü Ngechuchuchigaxü̃ nixugügü ga guxü̃ma ga Chíriaanewa. Rü naxü̃tawa nanagagü ga naguxü̃raü̃xü̃ ga da̱xaweanemaxã idaaweexü̃. Rü nayexma ga duü̃xü̃gü ga ngúanemaxã idaaweexü̃, rü duü̃xü̃gü ga poraãcü naxü̃newa nangúexü̃, rü duü̃xü̃gü ga ngo̱xo nawa yexmaxü̃, rü duü̃xü̃gü ga óxwaa̱xgüxü̃, rü duü̃xü̃gü ga nawãĩxãchigüxü̃. Rü Ngechuchu nanameexẽxẽ ga guxü̃ma ga yema.

Ore i mexü̃ ga Luca ümatüxü̃ 5:18

Rü Ngechuchuxü̃tawa nangugü ga ñuxre ga yatügü, rü naxca̱x yéma nanangetaü̃gü ga wüxi ga yatü ga nawãĩxãchicü. Rü ĩpatagu nanangecuchitaxü̃güchaü̃ nax Ngechuchupe̱xegu yaxütaü̃güãxü̃ca̱x.

Ore i mexü̃ ga Luca ümatüxü̃ 5:23

¿Ta̱xacü nixĩ irütauxchamaexü̃ nax namaxã nüxü̃ ixuxü̃ ya daa yatü ya nawãĩxãchicü: “Curü pecadugü rü marü cuxü̃́ nüxü̃ charüngüma”, rü ẽ̱xna: “¡Inachi rü íixũ!” ñagüxü̃ nüxü̃?