Ore i mexü̃ ga Luca ümatüxü̃ 5:21 - Tupanaarü Ore

²¹ Natürü yema ngúexẽẽruü̃gü ga Moichéarü mugümaxã ngu̱xẽẽtaegüxü̃ rü yema Parichéugü, rü nagu narüxĩnüe, rü nügüãẽwa ñanagürügü: —¿Ta̱xacü nixĩ i ñaa yatü rü ngẽmaca̱x Tupanape̱xewa chixexü̃ yaxugüxü̃? Erü taxúema pora tüxü̃́ nangẽxma nax duü̃xü̃güaxü̃́ pecaduxü̃ tangechaü̃xü̃. Rü Tupanaxicatama nixĩ ya nüxü̃́ nangẽxmacü i ngẽma pora —ñanagürügü naãxẽwa.

Ore i mexü̃ ga Luca ümatüxü̃ 5:21 Referans Kwoze

Ichaía 43:25

Natürü i choma nax perü Tupana chixĩxü̃ rü tá íchanapigü rü nüxü̃ ichayarüngü̃ma i guxü̃ma i perü pecadugü rü chixexü̃gü i chope̱xewa pexüxü̃.

Ore i mexü̃ ga Cuáü̃ ümatüxü̃ 10:33

Rü yema Yudíugü rü Ngechuchuxü̃ nangãxü̃gü, rü ñanagürügü: —Tama wüxi i puracü i mexü̃ca̱x cuxü̃ ítamuxũchigüchaü̃. Natürü cuxü̃ ítamuxũchigüchaü̃ erü ngẽma nüxü̃ quixuxü̃ rü Tupanaaxü̃́ nangu̱x. Cuma rü wüxi i duü̃xü̃mare quixĩ natürü cugü ícurü Tupana —ñanagürügü.

Ore i mexü̃ ga Luca ümatüxü̃ 7:49

Rü yema togü ga yéma mechawa rütogüxü̃, rü inanaxügü ga nügümaxã nax yadexagüxü̃. Rü ñanagürügü: —¿Ta̱xacü nixĩ i ñaa yatü, rü ngẽmaca̱x duü̃xü̃güaxü̃́ pecaduxü̃ iyanangümaxü̃? —ñanagürügü.

Ore i mexü̃ ga Matéu ümatüxü̃ 26:65

Rü yexguma ga nüma ga chacherdótegüarü ãẽ̱xgacü rü norü numaxã nügüchirugu nagáugü. Rü ñanagürü: —Ñaa yatü rü chixexü̃ Tupanamaxã nixugü. Rü taxuca̱xma marü tanaxwa̱xe i to i duü̃xü̃güarü ore. Rü pematama marü nüxü̃ pexĩnüe nax ñuxãcü chixexü̃maxã nax yadexaxü̃.

Wiyaegü 32:5

Rü yexguma nagu charüxĩnügu ga chorü maxü̃ nax naturaxü̃ rü cumaxã nüxü̃ chixu ga guxü̃ma ga chorü pecadugü rü taxuxü̃ma chicu̱x. Rü chaugümaxã ñacharügü: —Cori ya Tupanamaxã tá nüxü̃ chixu i chorü chixexü̃gü —ñachagürü. Rü cumax, Pa Corix, rü choxü̃́ nüxü̃ icurüngüma ga guxü̃ma.

Romanos 8:33

¿Rü ñu̱xma rü texé tá Tupanape̱xewa tüxü̃ tixugü nax ichixexü̃? Erü Tupanatama nixĩ ya nügüpe̱xewa tüxü̃ imexẽẽcü.

Danié 9:19

Pa Corix, Pa Corix ¡toxü̃ naxĩnü rü toxü̃́ nüxü̃ irüngüma i torü chixexü̃ rü toxü̃ rüngü̃xẽxẽ! ¡Rü paxa toxü̃ nangãxü̃, Pa Corix! Rü cugüégagutama, rü yima curü ĩaneégagu rü curü duü̃xü̃gü i cuégagu yumü̃xẽgüxü̃égagu cuxna chaca nax paxa toxü̃ curüngü̃xẽẽxü̃ —ñachagürü.

Danié 9:9

Natürü i cumax, Pa Torü Tupanax, rü woetama cucüma nixĩ nax cumecümaxü̃ rü toxü̃́ nüxü̃ curüngü̃maxü̃ i torü chixexü̃. Rü ngẽmaca̱x cupe̱xewa tangugü erü toma rü poraãcü chixexü̃ taxü.

Ichaía 44:22

Rü choma nixĩ i pexü̃́ ichayanaxoxẽẽxü̃ i perü guxchaxü̃gü rü perü chixexü̃gü ñoma caixanexü̃ iyarüxoxgurüxü̃. ¡Rü ẽcü cha̱u̱xca̱x pewoegu! Erü choma nixĩ i pexü̃ íchanguxü̃xẽẽxü̃ nawa i perü chixexü̃” —ñanagürü.

Ichaía 1:18

¡Ẽcü nua pexĩ rü ngĩxã perü chixexü̃chiga tidexagü! Rü ngẽxguma chi perü maxü̃ rü woo nadauxuchigu namaxã i perü chixexü̃, natürü i choma rü ñoma gáuxü̃chara i cómüxü̃chixü̃rüxü̃ tá chayaxĩxẽxẽ. Rü ngẽxguma chi woo wüxi i naxchiru i waxüchixü̃rüxü̃ yixĩxgu i perü pecadugü, natürü i choma rü ñoma wüxi i carnéruta̱xa i cómüxü̃chixü̃rüxü̃ tá chanacómüxẽxẽ.

Wiyaegü 130:4

Natürü i cumax rü toxü̃́ nüxü̃ icurüngüma i ngẽma torü chixexü̃gü i cupe̱xewa taxüxü̃ nax ngẽmaãcü cuxü̃ ticua̱xüü̃güxü̃ca̱x.

Wiyaegü 103:3

Rü nüma rü choxü̃́ nüxü̃ inayarüngüma i guxü̃ma i chixexü̃ i chaxüxü̃ rü cha̱u̱xca̱x nayataanexẽxẽ nawa i chorü da̱xawegü.

Ore i mexü̃ ga Luca ümatüxü̃ 5:17

Rü wüxi ga ngunexü̃ Ngechuchu íngu̱xẽẽtaeyane, rü yéma narütogü ga ñuxre ga Parichéugü rü ñuxre ga ngúexẽẽruü̃gü ga Moichéarü mugümaxã ngu̱xẽẽtaegüxü̃ ga guxü̃ ga Gariréaanearü ĩanexacügüwa ne ĩxü̃, rü Yudéaanewa ne ĩxü̃, rü Yerucharéü̃wa ne ĩxü̃. Rü Tupana rü poraãcü Ngechuchuwa inanawe̱x ga norü pora rü muxü̃ma ga ida̱xaweexü̃ narümeexẽxẽ.

Ore i mexü̃ ga Matéu ümatüxü̃ 9:3

Rü yéma nayexma ga ñuxre ga ngúexẽẽruü̃gü ga mugüwa ngu̱xẽẽtaegüxü̃. Rü nümagü rü naãẽgüwa ñanagürügü: —¿Ñaa yatü rü chixexü̃ Tupanamaxã nixugü? —ñanagürügü.

Miquéa 7:19

¡Ẽcü wena cuxü̃́ tangechaü̃tümüü̃gü rü toxü̃́ iyanaxoxẽxẽ i ngẽma torü chixexü̃gü! ¡Ẽcü mártamawa yatáe i ngẽma torü pecadugü!

Wiyaegü 35:5

¡Rü namu i curü orearü ngeruxü̃ i daxũcüã̱x nax ínawoxü̃ãxü̃ca̱x ñoma buanecü maxẽ ya pacü ngĩãnexẽẽxü̃rüxü̃!

Ore i mexü̃ ga Luca ümatüxü̃ 3:8

¡Rü mea pemaxẽ nax ngẽmaãcü guxü̃ma i duü̃xü̃gü nüxü̃ daugüxü̃ca̱x nax aixcüma marü nüxü̃ perüxoexü̃ i pecüma i chixexü̃! Rü tama name i ñaperügügü: “Taxũtáma Tupana toxü̃ napoxcue, erü Abraáü̃tanüxü̃ tixĩgü”, ñaperügügü. Erü tama ngẽmaca̱x nixĩ ya Tupana i duü̃xü̃güxü̃ namaxẽẽxü̃. Rü pemaxã nüxü̃ chixu rü ngẽxguma Tupana naxwa̱xegu rü tama nüxü̃́ naguxcha nax daa nutawa Abraáü̃tanüxü̃ nanguxü̃xẽẽxü̃.

Ore i mexü̃ ga Luca ümatüxü̃ 5:22

Natürü ga Ngechuchu rü nüxü̃ nacua̱xama ga ta̱xacügu nax naxĩnüexü̃. Rü yemaca̱x ñanagürü nüxü̃: —¿Tü̱xcüü̃ ngẽmagu perüxĩnüe i pemax?