Ore i mexü̃ ga Luca ümatüxü̃ 5:15 - Tupanaarü Ore

¹⁵ Natürü ga Ngechuchuchiga rü guxü̃wama ninguchigüama. Rü muxü̃ma ga duü̃xü̃gü rü naxca̱x naxĩtaque̱xegü nax norü orexü̃ naxĩnüexü̃ca̱x, rü naxca̱x nax yataanexẽẽãxü̃ca̱x ga norü da̱xawegüwa.

Ore i mexü̃ ga Luca ümatüxü̃ 5:15 Referans Kwoze

Ore i mexü̃ ga Luca ümatüxü̃ 12:1

Rü yoxni yexma nangutaque̱xegü ga muxũchixü̃ ga duü̃xü̃gü. Rü yema nax namuxũchixü̃ca̱x rü düxwa nügü nicuxnetaetanü. Rü Ngechuchu inanaxügü ga norü ngúexü̃gümaxãxíra nax yadexaxü̃, rü ñanagürü: —¡Pexũãxẽgü naxca̱x i ngẽma Parichéugücüma! Erü duü̃xü̃güpe̱xewa mea namaxẽneta, natürü naãxẽwa rü chixexü̃gu narüxĩnüe.

Ore i mexü̃ ga Márcu ümatüxü̃ 1:45

Natürü nüma ga gumá yatü rü ínixũ rü inanaxügü nax guxãmaama nüxü̃ yaxuxü̃ ga yema nüxü̃ ngupetüxü̃. Rü yemaca̱x ga Ngechuchu rü marü taxucürüwa ngóxü̃wama duü̃xü̃güpe̱xewa ĩanegügu naxücu. Natürü chianexü̃gu i duü̃xü̃gü ítaxuxü̃gu narüxã̱ũ̱x. Rü woo chianexü̃gu nax naxã́ũxü̃ natürü yéma naxca̱x naxĩĩxü̃ãma ga duü̃xü̃gü ga guxü̃anewa ne ĩxü̃.

Ore i mexü̃ ga Matéu ümatüxü̃ 9:26

Rü guxü̃wama ga yema naanewa, rü duü̃xü̃gü nüxü̃ nixuchigagü ga yema Ngechuchu üxü̃.

Ore i mexü̃ ga Márcu ümatüxü̃ 1:28

Rü yemaacü paxa guxü̃ma ga Gariréaanewa nangu ga Ngechuchuchiga.

Ore i mexü̃ ga Cuáü̃ ümatüxü̃ 6:2

Rü muxü̃ma ga duü̃xü̃gü rü Ngechuchuwe narüxĩ. Yerü marü nüxü̃ nadaugü ga yema cua̱xruü̃gü ga Tupanaarü poramaxã naxüxü̃ ga yexguma duü̃xü̃gü ga ida̱xaweegüxü̃ca̱x yataanexẽẽgüãgu.

Ore i mexü̃ ga Luca ümatüxü̃ 14:25

Rü muxũchixü̃ma ga duü̃xü̃gü Ngechuchuwe narüxĩ. Rü Ngechuchu rü nadauegu rü ñanagürü nüxü̃:

Ore i mexü̃ ga Márcu ümatüxü̃ 3:7

Rü Ngechuchu rü norü ngúexü̃gümaxã naxtaxacutüwa naxũ. Rü muxü̃ma ga duü̃xü̃gü ga Gariréaanecüã̱x rü nawe narüxĩ.

Ucu̱xẽgüchiga 15:33

Ngẽma nax Cori ya Tupanaga ixĩnüexü̃, rü cua̱x tüxna naxã. Rü ngẽxguma cunaxwa̱xegu nax duü̃xü̃gü cuxü̃ icua̱xüü̃güxü̃, name nixĩ i cugüna cudau nax tama cugütama quicua̱xüü̃xü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:25

Rü ngẽxgumarüxü̃ ta i ngẽma mexü̃ i duü̃xü̃gü ügüxü̃ rü meama nango̱x rü nüxü̃ tadaugü. Rü ngẽma chixexü̃ i duü̃xü̃gü ügüxü̃ rü tá nango̱xoma rü taxucürüwama guxü̃gu nicúecha.

Ore i mexü̃ ga Matéu ümatüxü̃ 9:31

Natürü yema taxre rü yexguma yéma ínachoxü̃gu rü guxü̃wama ga yema naanewa rü nüxü̃ nixugüeama ga yema Ngechuchu üxü̃.