Ore i mexü̃ ga Luca ümatüxü̃ 5:13 - Tupanaarü Ore

¹³ Rü yexguma ga Ngechuchu rü nüxü̃ ningõgü, rü ñanagürü nüxü̃: —Ngü̃, chanaxwa̱xe. ¡Rüme! —ñanagürü. Rü yexguma yema ñaxgu ga Ngechuchu, rü naxca̱x nitaane ga yema yatü ga chaxüneã́xü̃.

Ore i mexü̃ ga Luca ümatüxü̃ 5:13 Referans Kwoze

Ochéa 14:4

Rü ñanagürü ya Cori ya Tupana: —Ngẽma duü̃xü̃gü i tama chauga ĩnüexü̃ rü tá chaugümaxã ichanangüxmüexẽxẽ. Rü tá nüxü̃ changechaü̃ama woo tamachire̱x ngẽma nixĩ i norü natanü. Erü marü choxü̃ nangupetü nax namaxã chanuxü̃.

Echequié 36:29

Rü pexna tá chayaxũgachixẽxẽ i guxü̃ma i ta̱xacü i chixexü̃ i nagu perüxĩnüexü̃ rü perü maxü̃ chixexẽẽxü̃. Rü tá chayamuxẽxẽ i perü trigu. Rü taxũtáma wena taiya pexca̱x íchanguxẽxẽ.

Norü taxre ga popera ga ãẽ̱xgacügüchiga 5:14

Rü yexguma ga nüma ga Naamáü̃ rü nawa naxũ ga yema natü ga Yudáü̃. Rü 7 e̱xpü̱xcüna nawa naxüe rü nügü nayaxune yema orearü uruxü̃ namaxã nüxü̃ ixuxü̃rüxü̃. Rü yexguma ga naxcha̱xmüxü̃ rü narüme rü wüxi ga buxecha̱xmüxü̃rüxü̃ nixĩ.

Ore i mexü̃ ga Luca ümatüxü̃ 4:39

Rü nüma rü ngĩxü̃tagu nayachi rü narüma̱xãchi rü nananga ga yema axüne. Rü yexgumatama iga̱u̱xãchi ga nax yaxaxünexü̃. Rü yexgumatama íirüda, rü naxca̱x inamexẽxẽ ga õna.

Wiyaegü 33:9

Yerü nüma rü norü dexamaxã guxü̃ma naxü. Rü nanamu rü guxü̃ma mea inanu.

Norü taxre ga popera ga ãẽ̱xgacügüchiga 5:10

Natürü nüma ga Erichéu rü Naamáü̃xü̃tawa nanamu ga wüxi ga norü ngü̃xẽẽruxü̃ nax namaxã nüxü̃ yanaxuxü̃ca̱x ga yema Erichéuarü ore. Rü nüma ga yema duü̃xü̃ rü ñanagürü Naamáü̃xü̃: —¡Ẽcü 7 e̱xpü̱xcüna natü i Yudáü̃wa ínabaie! Rü ngẽmaãcü tá cuxca̱x nitaane i curü chaxünewa —ñanagürü.

Naanearü ügüchiga 1:9

Rü yexguma ga Tupana rü ñanagürü: —¡Ñaa dexá i waixü̃müétüwa ngẽxmaxü̃ rü wüxiwa naxũ nax ngẽmaãcü nangóxü̃ca̱x i paanexü̃! —ñanagürü. Rü yemaacü nixĩ.

Naanearü ügüchiga 1:3

Rü yexguma ga Tupana rü ñanagürü: —¡Nangexma̱x i nangóonexü̃! —ñanagürü. Rü ningóone.

Ore i mexü̃ ga Matéu ümatüxü̃ 8:3

Rü yexguma ga Ngechuchu rü nüxü̃ ningõgü, rü ñanagürü nüxü̃: —Ngü̃, chanaxwa̱xe. ¡Rüme! —ñanagürü. Rü yexguma yema ñaxgu ga Ngechuchu, rü naxca̱x nitaane ga gumá yatü ga rüchaxünecü.

Ore i mexü̃ ga Luca ümatüxü̃ 5:12

Rü yexguma wüxi ga yéma yexmagüne ga ĩanewa nayexmagu ga Ngechuchu, rü yéma naxü̃tawa nangu ga wüxi ga yatü ga chaxünemaxã ida̱xawexü̃. Rü yexguma Ngechuchuxü̃ nada̱u̱xgu rü nape̱xegu nayacaxã́pü̱xü rü yexma nanangücuchi. Rü Ngechuchuxü̃ naca̱a̱xü̃, rü ñanagürü: —Pa Corix, ngẽxguma cuma cunaxwa̱xegu, rü cuxü̃́ natauxcha nax choxü̃ curümexẽẽxü̃ nawa i chorü da̱xawe —ñanagürü.

Ore i mexü̃ ga Luca ümatüxü̃ 5:14

Rü Ngechuchu nanaxucu̱xẽ rü ñanagürü nüxü̃: —¡Dücax, taxúematama nüxü̃ quixu, natürü chacherdótexü̃ cugü yadauxẽxẽ nax curümexü̃! ¡Rü yanguxẽxẽ i ngẽma Moiché nüxü̃ ixuxü̃ nax duü̃xü̃gü nüxü̃ cuáxü̃ca̱x nax marü curümexü̃ nawa i curü da̱xawe! —ñanagürü.