Ore i mexü̃ ga Luca ümatüxü̃ 4:36 - Tupanaarü Ore

³⁶ Rü guxü̃ma ga duü̃xü̃gü rü naba̱i̱xãchiãẽgü. Rü nügümücügümaxãchigü nachiga nidexagü, rü ñanagürügü: —¿Ta̱xacürü ore nixĩ i ngẽma? Erü ñaa yatü rü aixcüma ngẽma ngo̱xogümaxã inacua̱x rü poraãcü nanamu. Rü nümagü rü naga naxĩnüe, rü ínachoxü̃ —ñanagürügü.

Ore i mexü̃ ga Luca ümatüxü̃ 4:36 Referans Kwoze

Ore i mexü̃ ga Luca ümatüxü̃ 4:32

Rü duü̃xü̃gü rü naba̱i̱xãchiãẽgü namaxã ga norü ngu̱xẽẽtae, yerü Tupanaarü poramaxã nidexa.

Nüxíraxü̃xü̃ ga popera ga Pedru ümatüxü̃ 3:22

Rü nüma ga Ngechuchu ya Cristu, rü daxũguxü̃ i naanewa naxũ, rü ñu̱xma rü Tupanaarü tügünecüwawa nangẽxma. Rü ñu̱xma rü naxme̱xwa nangẽxmagü i guxü̃ma i Tupanaarü orearü ngeruü̃gü i daxũcüã̱x, rü guxü̃ma i ngẽma naãxẽgü i ãẽ̱xgacügü ixĩgüxü̃, rü guxü̃ma i ngẽma naãxẽgü i poraexü̃.

Ore i mexü̃ ga Márcu ümatüxü̃ 7:37

Rü poraãcü naba̱i̱xãchiãẽgü ga duü̃xü̃gü, rü ñanagürügü: —Guxü̃ma i ngẽma naxüxü̃ rü namexẽchi. Rü woo ngauxchi̱xẽgüxü̃ rü nayango̱xnamachi̱xẽxẽẽgü, rü ngea̱xgüxü̃ rü nayadexagüxẽxẽ —ñanagürügü.

Ore i mexü̃ ga Márcu ümatüxü̃ 1:27

Rü guxü̃ma ga duü̃xü̃gü rü naba̱i̱xãchiãẽgü, rü nügüna nicachigü rü ñanagürügü: —¿Ta̱xacü nixĩ i ñaa? Maneca wüxi i ngexwaca̱xü̃xü̃ i ngu̱xẽẽtae nixĩ. Nüma rü aixcüma Tupanaarü poramaxã mea nangu̱xẽẽtae. Rü woo i ngo̱xogü rü naga naxĩnüe i ngẽxguma namuãgu —ñanagürügü.

Ore i mexü̃ ga Matéu ümatüxü̃ 9:33

Rü Ngechuchu ínanata̱xüchi ga yema ngo̱xo. Rü yexgumatama inanaxügü ga nax yadexaxü̃ ga gumá yatü. Rü nümagü ga duü̃xü̃gü rü nabaixãchiãẽgü. Rü ñanagürügü: —Taguma nüxü̃ tadau i nua tachiü̃anewa i ta̱xacü i ñaarüxü̃ ixĩxü̃ —ñanagürügü.

Ore i mexü̃ ga Luca ümatüxü̃ 2:18

Rü guxü̃ma ga duü̃xü̃gü ga nüxü̃ ĩnüexü̃ ga yema carnérugüarü dauruü̃güarü ore rü namaxã naba̱i̱xãchiãẽgü.