Ore i mexü̃ ga Luca ümatüxü̃ 4:28 - Tupanaarü Ore

²⁸ Rü yexguma yema orexü̃ naxĩnüegu, rü guxü̃ma ga yema duü̃xü̃gü ga guma ngutaque̱xepataü̃wa yexmagüxü̃ rü poraãcü naxca̱x nanue.

Ore i mexü̃ ga Luca ümatüxü̃ 4:28 Referans Kwoze

Ngechuchuarü ngúexü̃gü ga yamugüxü̃arü puracüchiga 7:54

Rü yexguma nüxü̃ naxĩnüegu ga yema ore, rü nanuexüchi ga yema ãẽ̱xgacügü. Rü norü numaxã Estébaü̃ca̱x nixü̃́xchapütagü.

Ngechuchuarü ngúexü̃gü ga yamugüxü̃arü puracüchiga 5:33

Rü yexguma yemaxü̃ naxĩnüegu ga yema ãẽ̱xgacügü, rü poraãcüxüchima nanue, rü nanadaixchaü̃.

Ore i mexü̃ ga Luca ümatüxü̃ 6:11

Natürü nümagü ga yema Parichéugü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü poraãcü nanue. Rü nügü nixucu̱xẽgü nax ñuxãcü tá Ngechuchuxü̃ ínaxuaxü̃güxü̃.

Yeremía 38:6

Rü yexguma ga nümagü ga norü ngü̃xẽẽruü̃gü rü Yeremíaxü̃ niyauxgü rü wüxi ga ãxmaxü̃ ga dauxü̃taepataã̱xtüwa yexmaxü̃gu nayata̱xcuchigü. Rü yema ãxmaxü̃ rü ãẽ̱xgacü nane ga Maquíaarü nixĩ. Rü wüxi ga napana̱xãmaxã ínanachü̱xüegü. Rü yema ãxmaxü̃ rü nangearü dexáã̱x natürü naxãcharama rü yemaca̱x yéma narüwa̱x ga Yeremía.

Norü taxre ga to ga popera ga ãẽ̱xgacügüchiga ümatüxü̃ 16:10

Rü yexguma yemaxü̃ naxĩnügu ga Achá rü poraãcü gumá orearü uruxü̃maxã nanu. Rü norü churaragüxü̃ namu nax napoxcugüãxü̃ca̱x. Rü ñu̱xũchi yema ngunexü̃gügu rü poraãcü tümamaxã nachixecüma ga ñuxre ga duü̃xẽgü ga yémacüã̱xgü.

Ore i mexü̃ ga Matéu ümatüxü̃ 2:16

Rü yexguma ãẽ̱xgacü ga Eróde nüxü̃ cua̱xgu ga to ga namagu nax nawoeguxü̃ ga yema yatügü ga nüxü̃ cua̱xüchigüxü̃ ga éstewa ne ĩxü̃, rü poraãcü nanu. Rü Beréü̃wa nanamugü ga norü churaragü nax guxü̃ ga yema naanewa tüxü̃ nada̱i̱xü̃ca̱x ga guxãma ga guxema buxegü ga iyatüxe ga yexwaca̱x buexe rü ñu̱xmata taxre ga taunecü tüxü̃́ yexmagüxewa nangu. Yerü yema yatügü ga éstewa ne ĩxü̃ rü marü nüxü̃ nixugügü rü taxre ga taunecü nixĩ ga noxri nax nangóxü̃ ga gumá woramacuri.

Ore i mexü̃ ga Luca ümatüxü̃ 4:27

Rü yexguma namaxü̃xgu ga Erichéu, rü Iraéanewa nayexmagü ta ga muxü̃ma ga duü̃xü̃gü ga chaxünemaxã ida̱xaweexü̃. Natürü taxuxü̃ma ga yema ida̱xaweexü̃ ga Iraéanewa yexmagüxü̃ rü naxca̱x nitaane. Rü Naamáü̃ ga Chíriaanecüã̱xicatama nixĩ ga gumá naxca̱x yataanecü —ñanagürü ga Ngechuchu.

Ore i mexü̃ ga Luca ümatüxü̃ 4:29

Rü inachigü ga duü̃xü̃gü rü Ngechuchuxü̃ ínata̱xüchigü ga guma ĩanewa. Rü guma ma̱xpǘne ga guma ĩane nawa yexmanechitaeruwa nanagagü nax yéma yanataegüãxü̃ca̱x.