Ore i mexü̃ ga Luca ümatüxü̃ 4:23 - Tupanaarü Ore

²³ Rü Ngechuchu rü ñanagürü nüxü̃: —Choma nüxü̃ chacua̱x rü tá chomaxã penaxuxuchi i ngẽma ore i ñaxü̃: “Pa Dutúrux ¡Cugütama rümexẽxẽ!” ñaxü̃. Rüe̱xna tá choxü̃ ñaperügügü: “Yema mexü̃ ga taxü̃ ga nüxü̃ taxĩnüexü̃ ga Tupanaarü poramaxã cuxüxü̃ ga Capernáü̃wa, rü tanaxwa̱xe i nua curü ĩanewa rü ta nax cunaxüxü̃”, ñaperügügü tá —ñanagürü.

Ore i mexü̃ ga Luca ümatüxü̃ 4:23 Referans Kwoze

Ore i mexü̃ ga Márcu ümatüxü̃ 6:1

Rü yéma inaxũãchi ga Ngechuchu, rü norü ĩane ga Nacharétuwa naxũ. Rü norü ngúexü̃gü rü nawe narüxĩ.

Ore i mexü̃ ga Matéu ümatüxü̃ 4:13

Natürü tama ĩane ga Nacharétugu narüxã̱ũ̱x. Rü ĩane ga Capernáü̃wa naxũ nax yexma yaxãchiü̃xü̃ca̱x. Rü guma ĩane rü naxtaxa ga Gariréacutüwa nayexma ga Chaburóü̃anewa rü Netaríanewa.

2 Corintios 5:16

Rü ngẽmaca̱x i toma rü tama ñoma i naanecüã̱x i duü̃xü̃gü nagu rüxĩnüexü̃ãcü nixĩ i nagu tarüxĩnüexü̃. Rü woo ga ü̃pa rü duü̃xü̃gü nagu rüxĩnüexü̃ãcü chixri Cristumaxã nagu tarüxĩnüe, natürü i ñu̱xma rü tama ngẽmaãcü namaxã nagu tarüxĩnüe.

Ore i mexü̃ ga Cuáü̃ ümatüxü̃ 4:28

Rü yexguma ga yema ngecü rü yéma ngĩxü̃ ita̱x ga ngĩrü tü̃xü̃. Rü ĩanewa ixũ nax duü̃xü̃gümaxã nüxü̃ yanaxuxü̃ca̱x.

Ore i mexü̃ ga Luca ümatüxü̃ 6:42

Rü ngẽxguma tama nagu curüxĩnügu i ngẽma naixpüta i cuxetüwa ngẽxmaxü̃ ¿rü ñuxũcürüwa i cuenexẽxü̃ cuchixewexü̃, rü ñacuxü̃ nüxü̃: “Pa Chauenexẽx, cuxü̃ chanayauxchaü̃ i ngẽma curü üxaxetüxü̃”, ñacuxü̃? Pa Duü̃xü̃ i Mea Maxnetaxü̃x, name nixĩ i cunayauxíra i ngẽma naixpüta i cuxetüwatama ngẽxmaxü̃, rü ngẽmaãcü tá mea nüxü̃ cudau nax cunayaxuxü̃ca̱x i ngẽma cuenexẽarü üxaetüxü̃.

Ore i mexü̃ ga Luca ümatüxü̃ 4:16

Rü Nacharétuwa naxũ ga Ngechuchu. Rü gumá nixĩ ga ĩane ga nanatü rü naé nawa nayaxẽẽgüne. Rü ngü̃xchigaarü ngunexü̃gu rü ngutaque̱xepataü̃gu naxücu, yerü yema nixĩ ga nacüma ga guxü̃ ga ngü̃xchigaarü ngunexü̃gu. Rü yéma inachi rü duü̃xü̃güca̱x nüxü̃ nadaumatü ga Tupanaarü ore ga ümatüxü̃.

Ore i mexü̃ ga Matéu ümatüxü̃ 13:54

Rü guma ĩane ga nawa nayaxü̃ne ga Nacharétuwa naxũ. Rü guma ĩanearü ngutaque̱xepataü̃gu naxücu rü yéma nanangúexẽxẽ ga duü̃xü̃gü. Rü yema duü̃xü̃gü rü naba̱i̱xãchiãẽgü namaxã ga norü ore. Rü ñanagürügü: —¿Ngextá nüxü̃ nacua̱x i ngẽma ngu̱xẽẽtae? ¿Rü ñuxãcü nüxü̃ nacua̱x nax naxüaxü̃ i ngẽma mexü̃gü i taxü̃gü i Tupanaarü poramaxã naxüxü̃?

Ore i mexü̃ ga Matéu ümatüxü̃ 4:23

Rü guxü̃ ga Gariréaanegu nixũgüchigü ga Ngechuchu. Rü wüxichigü ga ĩanewa, rü duü̃xü̃güarü ngutaque̱xepataü̃wa ningu̱xẽẽtaechigü. Rü duü̃xü̃gümaxã nüxü̃ nixuchigü ga ore ga mexü̃ nax ãẽ̱xgacü yixĩxü̃ ya Tupana. Rü yema duü̃xü̃gü ga ida̱xaweexü̃ rü nanameexẽxẽ nawa ga guxü̃ma ga norü da̱xawegü rü norü ngu̱xunegü.

Ore i mexü̃ ga Luca ümatüxü̃ 2:39

Rü yexguma marü yanguxẽẽgüãgu ga guxü̃ma ga yema Tupanaarü mugü nüxü̃ ixuxü̃, rü Yúche rü María rü naxca̱x nawoegu ga norü ĩane ga Nacharétu ga Gariréaanewa yexmane.

Ore i mexü̃ ga Luca ümatüxü̃ 2:51

Rü yexguma ga Ngechuchu rü tümawe nataegu ga Nacharétuwa. Rü guxü̃guma mea tümaga naxĩnüecha. Rü naé ga María rü ngĩãẽwa nagu irüxĩnüecha ga guxü̃ma ga yema ngupetüxü̃.

Ore i mexü̃ ga Luca ümatüxü̃ 4:31

Rü yexguma ga Ngechuchu rü Gariréaanearü ĩane ga Capernáü̃wa naxũ. Rü ngü̃xchigaarü ngunexü̃gu yéma duü̃xü̃güxü̃ nangúexẽxẽ.

Ore i mexü̃ ga Luca ümatüxü̃ 4:35

Rü Ngechuchu nananga ga yema ngo̱xo rü ñanagürü: —¡Iyarüngea̱x rü ínaxũxũ nawa ya yimá yatü! —ñanagürü. Rü yexguma ga yema ngo̱xo rü duü̃xü̃güpe̱xegu nayanguxẽxẽ ga gumá yatü, rü nawa ínaxũxũ. Natürü tama nanapi̱xẽxẽ.