Ore i mexü̃ ga Luca ümatüxü̃ 3:22 - Tupanaarü Ore

²² Rü Tupanaãxẽ ya Üünecü rü wüxi ga muxtucurüxü̃ inanago rü Ngechuchuna nangu. Rü daxũwa inanaxũ ga wüxi ga naga ga ñaxü̃: —Cuma nixĩ, Pa Chaunex, i cuxü̃ changechaü̃xü̃chixü̃ rü cumaxã chataãẽxü̃ —ñaxü̃.

Ore i mexü̃ ga Luca ümatüxü̃ 3:22 Referans Kwoze

Wiyaegü 2:7

Rü choma rü tá chanaxunagü i ngẽma Cori ya Tupana nagu rüxĩnüxü̃, rü chomaxã nüxü̃ yaxuxü̃ i ñaxü̃: —Cuma rü chaune quixĩ, rü choma rü Cunatü chixĩ i ñu̱xma.

Ore i mexü̃ ga Cuáü̃ ümatüxü̃ 1:32

Rü ñanagürü ta ga Cuáü̃: —Chomatama nüxü̃ chadau ga Tupanaãxẽ ya Üünecü ga yexguma wüxi ga muxtucurüxü̃ daxũwa ínaxĩ̱xgu rü Ngechuchuétügu yanawa̱xgu.

Ore i mexü̃ ga Matéu ümatüxü̃ 17:5

Rü yexguma íyadexayane ga Pedru rü wüxi ga caixanexü̃ ga nangóonexẽẽxü̃ rü natanügu nayanga̱i̱xema. Rü yema caixanexü̃wa inanaxũ ga wüxi ga naga ga ñaxü̃: —Daa nixĩ ya Chaune ya nüxü̃ changechaü̃xü̃chicü rü namaxã chataãẽxü̃chicü. ¡Rü naga pexĩnüe! —ñanagürü.

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:38

Rü pema nüxü̃ pecua̱x nax Tupana naporaxẽẽxü̃ ga Ngechuchu ya Nacharétucüã̱x rü nüxna namuaxü̃ ga Naãxẽ ya Üünecü. Rü nüma ga Ngechuchu rü mexü̃ naxü ga yema íyaxũgüxü̃wa, rü nanameexẽxẽ ga guxü̃ma ga yema ngo̱xome̱xẽwa yexmagüxü̃, yerü Tupana nüxü̃ narüngü̃xẽxẽ.

Ore i mexü̃ ga Matéu ümatüxü̃ 3:17

Rü daxũwa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü, rü poraãcü namaxã chataãẽxü̃chicü”, ñaxü̃.

Nüxíraxü̃xü̃ ga popera ga Pedru ümatüxü̃ 2:4

Rü ñu̱xma rü name nixĩ i nüxna pengaicamagü ya Cristu ya nuta ya maxü̃cü. Rü duü̃xü̃gü nüxü̃ oecü, natürü Tupanaca̱x rü namexẽchi rü natatanü. Rü yimá nixĩ ya Tupana nayaxucü nax namaxã inaxügüãxü̃ca̱x ya napata.

Ore i mexü̃ ga Matéu ümatüxü̃ 12:18

“Daa nixĩ ya chorü duü̃ ya chomatama nüxü̃ chaxunetacü rü nüxü̃ changechaü̃cü rü namaxã chataãẽxü̃chicü. Rü nüxna tá chanamu i Chauãxẽ i Üünexü̃. Rü nüma rü ngẽma duü̃xü̃gü i tama Yudíugü ixĩgüxü̃maxã tá nüxü̃ nixu i ore i mexü̃ i aixcüma ixĩxü̃.

Colosenses 1:13

Yerü nüma ga Tupana rü marü Chatanáme̱xẽwa tüxü̃ ínanguxü̃xẽxẽ rü Nane ya nüxü̃ nangechaü̃cüme̱xẽwa tüxü̃ nangẽxmagüxẽxẽ.

Ore i mexü̃ ga Luca ümatüxü̃ 4:21

Rü yexguma ga Ngechuchu rü inanaxügü nax yadexaxü̃, rü ñanagürü: “Ñu̱xmatama nixĩ i pepe̱xewa Tupana yanguxẽxẽxü̃ i ñaa ore ga Ichaía ümatüxü̃”, ñanagürü.

Ore i mexü̃ ga Matéu ümatüxü̃ 27:43

Rü nüma ya Ngechuchu nagu naxĩnügu rü Tupana tá nüxü̃ narüngü̃xẽxẽ. Ẽcü, ñu̱xma rü Tupana nüxü̃ rüngü̃xẽxẽ ega aixcüma nüxü̃ nangü̃xẽẽchaü̃gu. ¿Tama ẽ̱xna nümatama tamaxã nüxü̃ yaxuxü̃ nax Tupana Nane yixĩxü̃? —ñanagürügü.

Ore i mexü̃ ga Matéu ümatüxü̃ 3:13

Rü nüma ga Ngechuchu rü Gariréaanewa inaxũãchi, rü natü ga Yudáü̃wa naxũ nax Cuáü̃ ínabaiexẽẽxü̃ca̱x.

Ore i mexü̃ ga Matéu ümatüxü̃ 3:16

Rü yexguma marü Cuáü̃ Ngechuchuxü̃ íbaiexẽẽguwena, rü dexáwa ínaxü̃ãchigu ga Ngechuchu. Rü yexgumatama niwãxna ga daxũguxü̃ ga naane, rü Ngechuchu nüxü̃ nadau ga Tupanaãxẽ ya Üünecü ga wüxi ga muxtucurüxü̃ nax inagoxü̃ rü nüxna nax nanguxü̃.

Ore i mexü̃ ga Márcu ümatüxü̃ 1:9

Rü yema ngunexü̃gügu, rü Ngechuchu rü ínaxũxũ nawa ga guma ĩane ga Nacharétu ga Gariréaanewa yexmane. Rü Cuáü̃ rü natü ga Yudáü̃wa ínanabaiexẽxẽ.

Ore i mexü̃ ga Márcu ümatüxü̃ 1:11

Rü daxũwa inanaxũ ga wüxi ga naga ga ñaxü̃: —Cuma nixĩ i Chaune i cuxü̃ changechaü̃xü̃chixü̃ rü cumaxã chataãẽxü̃ —ñaxü̃.

Ore i mexü̃ ga Márcu ümatüxü̃ 9:7

Rü yexgumatama wüxi ga caixanexü̃ ínarüxĩ, rü natanügu nayanga̱i̱xema. Rü yema caixanexü̃wa inanaxũ ga wüxi ga naga ga ñaxü̃: —Daa nixĩ ya Chaune ya nüxü̃ changechaü̃xü̃chicü. ¡Rü naga pexĩnüe! —ñaxü̃.

Ore i mexü̃ ga Luca ümatüxü̃ 2:14

—¡Tupanaxü̃ picua̱xüxü̃gü i pemax i daxũguxü̃ i naanewa pengẽxmagüxü̃! ¡Rü pegümaxã iperüngüxmüe i pemax i ñoma i naanecüã̱x ya Tupana pemaxã taãxẽgüxe! —ñanagürügü.

Ore i mexü̃ ga Cuáü̃ ümatüxü̃ 5:37

Rü ngẽxgumarüxü̃ ta ya Chaunatü ga gumá núma choxü̃ mucü, rü marü chauétüwa nachogü, woo taguma nüxü̃ pexĩnüe ga naga rü taguma nüxü̃ pedau.

Ore i mexü̃ ga Cuáü̃ ümatüxü̃ 12:28

Rü ñanagürü: —Pa Chaunatüx, ¡Duü̃xü̃güpe̱xewa inawe̱x i curü pora! —ñanagürü. Rü yexguma nüxü̃ naxĩnüe ga wüxi ga naga ga daxũwa inaxũxü̃ ga ñaxü̃: —Marü ichanawe̱x i chorü pora, rü wena táxarü ichanawe̱x i chorü pora —ñanagürü ga yema naga.