Ore i mexü̃ ga Luca ümatüxü̃ 3:1 - Tupanaarü Ore

¹ Rü yexguma Tibériu 15 ga taunecü Rómaarü ãẽ̱xgacü yixĩxgu, rü Pónchiu Pirátu rü Yudéaanearü ãẽ̱xgacü nixĩ, rü Eróde rü Gariréaanearü ãẽ̱xgacü nixĩ, rü naenexẽ ga Ferípe rü Itúreaane rü Traconíteanearü ãẽ̱xgacü nixĩ, rü Lichánia rü Abiríniaanearü ãẽ̱xgacü nixĩ.

Ore i mexü̃ ga Luca ümatüxü̃ 3:1 Referans Kwoze

Ore i mexü̃ ga Luca ümatüxü̃ 2:1

Rü yexguma Augútu ãẽ̱xgacü ixĩxgu ga Rómawa, rü nanaxunagü nax yaxugüãxü̃ ga guxü̃ma ga duü̃xü̃gü ga norü naanewa yexmagüxü̃.

Ore i mexü̃ ga Matéu ümatüxü̃ 27:2

Rü nayana̱i̱xgüchacüügü rü yemaacü ãẽ̱xgacü ga Pirátuxü̃tawa nanagagü. Pirátu nixĩ ga Rómacüã̱x ga ãẽ̱xgacü ga Yudéaanemaxã icuácü.

Ngechuchuarü ngúexü̃gü ga yamugüxü̃arü puracüchiga 26:30

Rü yexguma inachigü ga Agrípa, rü Féstu, rü Bereníche, rü guxü̃ma ga yema namaxã yéma rütogüxü̃.

Ngechuchuarü ngúexü̃gü ga yamugüxü̃arü puracüchiga 24:27

Rü taxre ga taunecü yemaacü nixĩ. Rü ínanguxuchi ga Férix nax ãẽ̱xgacü yixĩxü̃, rü nachicüü ningucuchi ga Pórchiu ga Féstu. Natürü nüma ga Férix, rü Yudíugümaxã nügü namecümaxẽẽchaü̃, rü yemaca̱x tama Pauruxü̃ ínanguxuchixẽẽ.

Ngechuchuarü ngúexü̃gü ga yamugüxü̃arü puracüchiga 23:26

“Choma i Cláudiu Líchiu, rü cuxü̃ charümoxẽ Pa Ãẽ̱xgacü ya Mecüxüchi Pa Férix.

Ngechuchuarü ngúexü̃gü ga yamugüxü̃arü puracüchiga 4:27

Rü aixcüma nixĩ, Pa Tupanax, ga daa ĩanewa ga ãẽ̱xgacügü ga Eróde rü Pirátu nax nügümaxã nangutaque̱xegüxü̃ namaxã ga to ga nachixü̃anegücüã̱x rü totanüxü̃ ga Iraétanüxü̃, nax yama̱xgüãxü̃ca̱x ya curü ngü̃xẽẽruxü̃ ya üünecü ya Ngechuchu ya cuma nüxü̃ cuxunetacü nax Cristu yixĩxü̃ca̱x.

Ore i mexü̃ ga Luca ümatüxü̃ 23:24

Rü nüma ga Pirátu rü norü churaragüxü̃ namu nax naxügüã̱xü̃ca̱x ga yema duü̃xü̃gü naxwa̱xegüxü̃.

Ore i mexü̃ ga Luca ümatüxü̃ 9:7

Rü Gariréaanearü ãẽ̱xgacü ga Eróde, rü nüxü̃ nacuáchiga ga guxü̃ma ga yema Ngechuchu üxü̃. Rü poraãcü naxoegaãẽ ga Eróde, yerü nümaxü̃ ga duü̃xü̃gü rü ñanagürügü: —Cuáü̃ ya báiü̃xẽẽruxü̃ nixĩ ya yimá rü marü wena namaxü̃ —ñanagürügü.

Ore i mexü̃ ga Luca ümatüxü̃ 3:19

Rü Cuáü̃ rü ãẽ̱xgacü ga Eródexü̃ naxoregü, yerü ngĩmaxã naxãxma̱x ga Erodía ga naenexẽ ga Ferípe naxma̱x. Rü yexgumarüxü̃ ta nüxü̃ naxoregü naxca̱x ga yema togü ga chixexü̃ ga naxüxü̃.

Ore i mexü̃ ga Márcu ümatüxü̃ 6:17

Rü yema ñanagürü ga Eróde yerü ü̃pa Cuáü̃xü̃ niyaxu rü poxcupataü̃gu cadénamaxã nayachota. Rü yemaacü nanaxü ngĩgagu ga Erodía ga naenexẽ ga Ferípema̱xchire̱x ixĩcü. Natürü ga Eróde rü ngĩmaxã naxãxma̱x.

Ore i mexü̃ ga Matéu ümatüxü̃ 14:3

Rü yema ñanagürü, yerü nümatama ga Eróde rü ü̃paacü norü churaragüxü̃ namu nax Cuáü̃xü̃ yayauxgüxü̃ca̱x rü cadénamaxã yana̱ĩ̱xgüãcüma poxcupataü̃wa nagagüãxü̃ca̱x. Rü yemaacü nanaxü ga Eróde, yerü yemaacü naxca̱x íica ga naxma̱x ga Erodía ga naenexẽ ga Ferípe naxma̱xchire̱x ixĩcü.

Ore i mexü̃ ga Matéu ümatüxü̃ 14:1

Rü yexgumaxü̃cüü ga Eróde ga Gariréaanearü ãẽ̱xgacü rü nüxü̃ naxĩnü ga yema duü̃xü̃gü nüxü̃ ixuxü̃ ga Ngechuchuchiga.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Ore i mexü̃ ga Matéu ümatüxü̃ 14:6

Natürü yexguma norü taunecüarü ngunexü̃wa nanguxgu ga Eróde rü wüxi ga peta naxü. Rü yema petawa rü Erodíaxacü rü íyayüxparachigüxü̃ nape̱xewa ga yema petatanüxü̃. Rü nüma ga ãẽ̱xgacü ga Eróde rü poraãcü norü me nixĩ ga yema naxüxü̃ ga naxacürücü.

Ore i mexü̃ ga Matéu ümatüxü̃ 22:17

¡Rü tomaxã nüxü̃ ixu! Rü ngẽma diẽru ya ãẽ̱xgacü ya Rómacüã̱x totanüwa ngĩxü̃ yaxucü, ¿rü namexü̃ yixĩxü̃ nax nüxna ngĩxü̃ taxãxü̃ rü ẽ̱xna tama? —ñanagürügü.

Ore i mexü̃ ga Márcu ümatüxü̃ 6:21

Natürü wüxi ga ngunexü̃ nawa nangu nax ngĩxü̃́ natauxchaxü̃ nax yamáaxü̃ca̱x ga Cuáü̃, ga yexguma Eródearü taunecüarü ngunexü̃wa nanguxgu rü wüxi ga peta ga taxü̃ naxü̱xgu naxca̱x ga norü ñatügumaegüxü̃ ga ãẽ̱xgacügü, rü norü churaragüarü ãẽ̱xgacügü rü yema Gariréaanecüã̱x ga tachigagüxü̃.

Ore i mexü̃ ga Luca ümatüxü̃ 13:31

Rü yematama ngunexü̃gu rü Ngechuchuxü̃tawa nangugü ga ñuxre ga Parichéugü. Rü ñanagürügü Ngechuchuxü̃: —¡Íixũ i nua! Erü ãẽ̱xgacü ya Eróde rü cuxü̃ nimáchaü̃ —ñanagürügü.