Rü ngẽma Dabítaagütanüwa rü Yerucharéü̃cüã̱xgütanüwa tá chanamu i Chauãxẽ i Üünexü̃ nax yamecümaxü̃ca̱x rü nayumüxẽgüwa̱xegüxü̃ca̱x i ngẽma Dabítanüxü̃ rü ngẽma Yerucharéü̃cüã̱xgü. Rü ngẽxguma tá nüxü̃ nadaugügu ya yima nacanapacütüxü̃güãcü rü tá nangechaü̃gü. Rü naxca̱x tá naxauxe ñoma wüxi i nane i nügümaxã wüxicacüca̱x naxauxexü̃rüxü̃. Rü ñoma nüxíraü̃cü ya nane yu̱xguca̱x naxauxegurüxü̃ tá naxca̱x naxauxe.
Ore i mexü̃ ga Luca ümatüxü̃ 24:44 - Tupanaarü Ore44 Rü ñu̱xũchi ñanagürü nüxü̃: —Rü yema choxü̃ ngupetüxü̃ rü yema nixĩ ga pemaxã nüxü̃ chixuxü̃ ga yexguma tauta chayu̱xgu rü petanüwa chayexmagu. Yerü yexguma rü pemaxã nüxü̃ chixu rü ñacharügü: “Aixcüma tá ningu i guxü̃ma i Tupanaarü ore i chauchiga ümatüxü̃ i wiyaegüarü poperawa, rü Moiché ümatüxü̃ i mugüwa, rü ore i nũxcümaü̃güxü̃ ga Tupanaarü orearü uruü̃gü ümatüxü̃wa” —ñacharügüchire̱x pexü̃. Gade chapit la |
Ore i mexü̃ ga Luca ümatüxü̃ 24:44
88 Referans Kwoze
Rü ñanagürü nüxü̃ ga norü ngúexü̃gü: —Tupana Nane ya duü̃xü̃xü̃ ixĩcü rü poraãcü ngúxü̃ tá ninge. Rü tá nüxü̃ naxõõ̱xgü i Yudíugüarü ãẽ̱xgacügü, rü chacherdótegüarü ãẽ̱xgacügü, rü ngẽma ngúexẽẽruü̃gü i Moichéarü mugüwa ngu̱xẽẽtaegüxü̃. Rü tá nayama̱xgü, natürü tomaepü̱x i ngunexü̃gu rü wena táxarü namaxü̃ —ñanagürü.
Rü choma rü yema orearü ngeruü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x. Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i mea Ngechuchuarü ore ixõgüxü̃rüxü̃ chixĩ. Rü ngẽma Ngechuchuarü ore rü yematama ore nixĩ ga Tupanaarü orearü uruü̃gü nüxü̃ ixugüexü̃ ga yexguma Tupanaãxẽ ya Üünecü nawa idexaxgu. Rü name nixĩ i Tupanaxü̃ quicua̱xüxü̃”, ñanagürü.
Rü ngẽma mugü ga Moiché ümatüxü̃ rü naxchipetamare nixĩ i ngẽma mexü̃gü i yixcüra tá íngugüxü̃, natürü tama ngẽma mexü̃güxüchi nixĩ. Rü ngẽmaca̱x woo duü̃xü̃gü gucü ya taunecügügu Tupanaca̱x nanadaíxü̃ i naxü̃nagü nax ngẽmaãcü Tupanana nangaicamagüxü̃ca̱x, natürü ngẽma mugü rü tama napora nax Tupanape̱xewa yamexẽẽãxü̃ca̱x i ngẽma duü̃xü̃güarü maxü̃.
Rü Yochuémaxã nüxü̃ ixu rü ñacurügü nüxü̃: “Tupana ya Guxãétüwa Ngẽxmacü rü ñanagürü cuxü̃: ‘Choma rü tá nua nüxü̃ chaxuneta i wüxi i yatü nax wena naxüaxü̃ca̱x ya chopata ya taxü̃ne. Rü naéga i ngẽma yatü rü Wena Namexẽẽcü, tá nixĩ. Rü nüma rü tá ãẽ̱xgacü nixĩ rü nagu tá nicu̱x i ãẽ̱xgacüchiru. Rü norü tochicaxü̃wa tá narüto rü ngéma tá duü̃xü̃gümaxã inacua̱x. Rü nacüwawa tá narüto i wüxi i chacherdóte. Rü ngẽma taxre rü tá nügüga naxĩnüe rü tá nügümaxã nataãẽgü’ ” —ñacurügü nüxü̃.
Erü tatanügu nabu i wüxi i õxchana. Rü nüma ya Tupana rü tüxna nanamu ya yimá nane. Rü yimána nixĩ i naxããxü̃ i pora nax tamaxã inacuáxü̃ca̱x. Rü ñaagü tá nixĩ i naégagü i namaxã naxugüãxü̃: “Mexẽchicü ya Ucu̱xẽruxü̃”, rü “Tupana ya Poraxüchicü”, rü “Tanatü ya Taguma Yucü, rü Tupana Nane ya Ngüxmüxẽẽruxü̃ ixĩcü”. Rü ngẽma tá nixĩ i naégagü.
Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.
Pema meama nawa pengúe i Tupanaarü ore i ümatüxü̃, erü nagu perüxĩnüe rü ngẽmawa tá nüxü̃ ipeyangau i perü maxü̃ i taguma gúxü̃. Natürü woo ngẽmatama Tupanaarü ore i ümatüxü̃wa rü chauchiga mea nax yadexaxü̃, natürü i pemax, rü tama choxü̃́ peyaxõgüchaü̃ nax ngẽmaãcü penayauxgüxü̃ca̱x i ngẽma maxü̃.
Rü ngẽma ngunexü̃gu rü nüma ya Cori ya Tupana rü nagu tá nachi ya yima Oribuarü Ma̱xpǘne ya Yerucharéü̃arü to̱xma̱xtawa ngẽxmane i norü éstecüwawa. Rü tá narüngüte ya yima ma̱xpǘne. Rü wüxi i norü ngãxü̃ rü tá nórtewaama naxũgachi rü ngẽma to i norü ngãxü̃ rü tá súrwaama naxũgachi. Rü ngẽmaãcü tá nango̱x i wüxi i taxü̃ i ngate i éstewaama ne daxü̃ rü oéstewaama daxü̃.
Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.
Rü nüma ya Cori ya Tupana rü ñanagürü: —Wüxi i ngunexü̃ rü wüxi ya Dabítaxaxüchi tá Iraétanüxü̃arü ãẽ̱xgacü nixĩ. Rü nüma rü tá mea chorü duü̃xü̃gümaxã inacua̱x, erü aixcüma tá cua̱x nüxü̃́ nangẽxma. Rü nüma rü aixcüma tá nüxü̃ narüngü̃xẽxẽ i chorü duü̃xü̃gü nax ngẽmaãcü yanawe̱xãchixẽẽãxü̃ca̱x i norü guxchaxü̃gü i ñoma i naanewa.
Rü ngẽmaãcü i ngẽma duü̃xü̃gü rü tá naétüwa nachogü i ngẽma máetacüraxü̃xü̃ nape̱xewa i ngẽma yuxü̃tanüxü̃ i yamáxchaü̃xü̃. Rü nüma i duü̃xü̃gü rü tá nanamugü nax yima ĩane ya nagu yanacúxü̃neca̱x nataeguxü̃. Rü nüma i ngẽma máetacüraxü̃xü̃ rü nanaxwa̱xe nax ngéma nangẽxmaechaxü̃ ñu̱xmatáta nayu̱x ya yimá chacherdótegüarü ãẽ̱xgacü ya chíxü̃maxã nabaerucü.
Rü nüma ga Cori ya Tupana rü Moichéxü̃ nangãxü̃ rü ñanagürü nüxü̃: —¡Ẽcü wüxi i ãxtapechicüna̱xã naxü rü ñu̱xũchi wüxi i naimaxã napuxpaweru, rü ngẽxma nachonagünüta! Rü ngẽxguma texéxü̃ nangõ̱xgux i wüxi i ãxtape, rü nüxü̃ tadawenü i ngẽma ãxtapechicüna̱xã i ngẽxma chonagüxü̃, rü ngẽmaãcü taxũtáma tayu —ñanagürü.
Rü gumá Melquichedéx rü ĩane ga Charéü̃arü ãẽ̱xgacü nixĩ. Rü naétü Tupana ya Guxü̃étüwa Ngẽxmacüpe̱xewa duü̃xü̃güarü chacherdóte nixĩ. Rü yexguma Abraáü̃ napataca̱x taeguxgu nawena nax to ga nachixü̃anearü ãẽ̱xgacügümaxã nügü nada̱i̱xü̃ rü nüxü̃ naporamaexü̃, rü Melquichedéx rü namawa Abraáü̃pe̱xegu nayangu. Rü nüma ga Melquichedéx rü Tupanaégagu Abraáü̃maxã mexü̃ naxuegu.
Rü yemawena inanaxügü nax norü ngúexü̃gümaxã nüxü̃ yaxuxü̃ ga yema tá nüxü̃ üpetüxü̃. Rü ñanagürü: —Choma rü Yerucharéü̃wa tá chaxũ. Rü ngéma poraãcü ngúxü̃ tá choxü̃ ningexẽẽgü i Yudíugüarü ãẽ̱xgacügü rü chacherdótegüarü ãẽ̱xgacügü rü ngẽma ngúexẽẽruü̃gü i mugüwa ngu̱xẽẽtaegüxü̃, rü tá choxü̃ nima̱xgü. Natürü ngẽma tomaepü̱x i ngunexü̃gu rü wena táxarü ícharüda —ñanagürü.
Rü Cori ya Tupana rü ñanagürü: —Pa Iraétanüxü̃x, yexguma ãẽ̱xgacü ga Dabí pechixü̃anemaxã icua̱xgu, rü naporaxüchi. Natürü i ñu̱xma rü pechixü̃ane rü ñoma wüxi ya ĩpata ya rüngutaxü̃nerüxü̃ nixĩ. Natürü tá nawa nangu i ngunexü̃ nax wena íchanadaxẽẽxü̃ i pechixü̃ane nax noxrirüxü̃ wena naporaxü̃ca̱x.
Rü nümagü ga yema orearü uruü̃gü rü Tupanaarü poperawa nangúe nax nüxü̃ nacua̱xgüxü̃ca̱x nax ñuxãcü tá nax yixĩxü̃ rü ñuxguacü tá nax nangóxü̃ ga gumá maxẽxẽẽruxü̃ ga Cristu. Rü Cristuãxẽ i Üünexü̃ ga yema orearü uruü̃güwa yexmaxü̃, rü nüxü̃ nüxü̃ nacua̱xẽxẽ nax Cristu rü tá ngúxü̃ yangexü̃ rü tá nayuxü̃ rü yemawena rü wena tá namaxü̃xü̃ rü daxũguxü̃ i naanewa tá nax naxũxü̃.
Piblisite