Ore i mexü̃ ga Luca ümatüxü̃ 24:34 - Tupanaarü Ore

³⁴ Rü yema duü̃xü̃gü ga íngutaque̱xegüxü̃ rü ñanagürügü nüxü̃: —Aixcüma nixĩ i marü wena namaxü̃xü̃ ya Cori ya Ngechuchu. Rü Chimóü̃ ga Pedru rü marü nüxü̃ nadau —ñanagürügü.

Ore i mexü̃ ga Luca ümatüxü̃ 24:34 Referans Kwoze

1 Corintios 15:5

Rü yexgumarüxü̃ ta pexü̃ changúexẽxẽ nax Pedruca̱x nangóxü̃ ga Cristu, rü yixcüra norü ngúexü̃gü ga yamugüxü̃ca̱x nangóxü̃.

Ore i mexü̃ ga Márcu ümatüxü̃ 16:7

¡Rü paxa ípixĩ rü Pedrumaxã rü ngẽma togü i ngúexü̃gümaxã nüxü̃ peyarüxugüe, rü ñapegügü nüxü̃: “Nüma ya Ngechuchu rü marü nüxíra pexü̃pa Gariréaanewa naxũ. Rü ngéma tá nüxü̃ peyadaugü ngẽma pemaxã nüxü̃ yaxuxü̃rüxü̃”, ñapegügü nüxü̃! —ñanagürü.

Ore i mexü̃ ga Luca ümatüxü̃ 7:13

Rü yexguma Cori ga Ngechuchu gumá yucüarü mamaxü̃ da̱u̱xgu, rü nüxü̃́ ingechaü̃tümüxü̃. Rü ñanagürü ngĩxü̃: —¡Taxṹ i cuxaxuxü̃! —ñanagürü.

Ore i mexü̃ ga Luca ümatüxü̃ 7:19

Rü Ngechuchuxü̃tawa nanamugü. Rü Cuáü̃ rü ñanagürü nüxü̃: —¡Ngéma pexĩ rü Ngechuchuna peca rü ñapegügü nüxü̃: “¿Cuma yixĩxü̃ i Cristu i cuxü̃ ítanangu̱xẽẽxü̃, rü ẽ̱xna to tá yixĩxü̃ i Cristu?” —ñapegügü nüxü̃!

Ore i mexü̃ ga Luca ümatüxü̃ 24:6

Nataxuma i nua ya Ngechuchu, erü marü wena namaxü̃. ¡Rü nüxna pecua̱xãchie ga yema ore ga pemaxã nüxü̃ yaxuxü̃ ga yexguma Gariréaanewa nayexmagu!

Ngechuchuarü ngúexü̃gü ga yamugüxü̃arü puracüchiga 1:3

Rü yexguma marü yuwa ínadaxguwena ga nüma ga Ngechuchu rü 40 ga ngunexü̃gu nügü nango̱xẽẽxü̃ naxca̱x ga norü ngúexü̃gü rü muxü̃ma ga togü ga nüxü̃́ yaxõgüxü̃ nax yemaacü nüxü̃ nacua̱xgüxü̃ca̱x nax aixcüma wena namaxü̃xü̃. Rü namaxã nüxü̃ nixu nachiga ya Tupana ãẽ̱xgacü íyixĩxü̃wa.