Ore i mexü̃ ga Luca ümatüxü̃ 24:29 - Tupanaarü Ore

²⁹ Natürü ga yema ngúexü̃gü rü nüxü̃ naca̱a̱xü̃gü nax yexma naxã́ũxü̃ca̱x, rü ñanagürügü: —¡Nuxma toxü̃tagu nape, erü marü nayáuane, rü paxa tá nachüta! —ñanagürügü. Rü yexguma ga Ngechuchu rü nawe yexma narüxã̱ũ̱x.

Ore i mexü̃ ga Luca ümatüxü̃ 24:29 Referans Kwoze

Norü taxre ga popera ga ãẽ̱xgacügüchiga 4:8

Rü wüxi ga ngunexü̃gu rü ĩane ga Chunéü̃wa naxüpetü ga Erichéu. Rü yéma iyexma ga wüxi ga nge ga guma ĩanegu ãchiü̃cü rü mexü̃ ga ngĩchiga ngĩxü̃́ yexmacü. Rü Erichéuna ixu ga ngĩchiü̃wa nax nachibüxü̃ca̱x. Rü guxü̃guma ga yexguma yéma naxüpetüü̃xgu ga Erichéu, rü yexma ngĩxü̃tagu ínidauuxü̃ rü yéma inichibüü̃.

Naanearü ügüchiga 19:3

Natürü nüma ga Lox rü nüxü̃ nica̱a̱xü̃chigüama, rü yemaca̱x ga nümagü rü düxwa naga naxĩnüe nax napatawa naxĩxü̃ca̱x. Rü yexguma ĩpatawa nangugügu, rü Lox rü norü õna ga mexü̃ namexẽxẽ. Rü paũ ga ngearü pu̱xẽẽruü̃ã́xü̃ ta naxü. Rü nümagü ga yema naxü̃tawa ngugüxü̃ rü nachibüe.

Ore i mexü̃ ga Luca ümatüxü̃ 14:23

Rü yexguma ga norü cori rü ñanagürü nüxü̃: “¡Paxa ngéma nama i taxü̃güwa rü nama i íraxü̃güwa naxũ, rü nua nagagü i togü i duü̃xü̃gü nax nuxã chopatagu nachocuxü̃ca̱x, rü ngẽmaãcü nax naxããcuxü̃ca̱x ya daa chopata!

Ngechuchuarü ngúexü̃gü ga yamugüxü̃arü puracüchiga 16:14

Rü yéma iyexma ga wüxi ga ngecü ga Lídia ga ngĩéga ga Tupanaxü̃ icua̱xüxü̃cü. Rü Tiatíra ga ĩanecüã̱x iyixĩ. Rü dauxracharaxü̃ ga naxchirumaxã itaxe yerü yema nixĩ ga ngĩrü puracü. Rü ngĩma rü meama yéma irüxĩnü, yerü nüma ga Cori ya Tupana rü ngĩxü̃́ nanangúchaü̃xẽxẽ nax mea inaxĩnüxü̃ca̱x ga yema ore ga Pauru nüxü̃ ixuxü̃.

Ore i mexü̃ ga Luca ümatüxü̃ 24:28

Rü yexguma yema ĩane ga Emaúwa nangugügu, rü Ngechuchu rü nümaxü̃ tóxnamana nügü naxũxẽẽneta.

Ore i mexü̃ ga Luca ümatüxü̃ 24:30

Rü yexguma chibüca̱x wüxiwa mechawa natogügu, rü Ngechuchu nanayaxu ga paũ. Rü Tupanana moxẽ naxca̱x naxã. Rü ñu̱xũchi inanabücu, rü wüxichigüna nanaxã.