Ore i mexü̃ ga Luca ümatüxü̃ 24:11 - Tupanaarü Ore

¹¹ Natürü yema ngúexü̃güca̱x rü wüxi i ngeãẽmare nixĩ ga yema ore, rü tama ngĩxü̃́ nayaxõgüchaü̃.

Ore i mexü̃ ga Luca ümatüxü̃ 24:11 Referans Kwoze

Ore i mexü̃ ga Márcu ümatüxü̃ 16:11

Natürü ga nümagü rü tama nayaxõgüchaü̃ ga yexguma nüxü̃ naxĩnüegu nax namaxü̃xü̃ ga Ngechuchu rü nax nüxü̃ nadauxü̃ ga ngĩmax.

Ore i mexü̃ ga Luca ümatüxü̃ 24:25

Rü yexguma ga Ngechuchu rü ñanagürü nüxü̃: —Pema rü petaieru nax nüxü̃ pecuáxü̃ rü peyaxõgüxü̃ i ngẽma ore ga nũxcümaü̃güxü̃ ga Tupanaarü orearü uruü̃gü nüxü̃ ixugüexü̃.

Wiyaegü 126:1

Rü yexguma Tupana Chióü̃ca̱x tüxü̃ woeguxẽẽgu rü taxca̱x rü ixanegüexü̃rüü̃mare nixĩ.

Yox 9:16

Rü ngẽxguma chi nüxna naxca̱x chacaxgu nax choxü̃́ namexẽẽãxü̃ca̱x i chorü guxchaxü̃ rü woo chi choxü̃ nayaxu̱xgu, natürü taxũchima choxü̃́ irüxĩnü ega ngẽxguma chidexagu.

Naanearü ügüchiga 19:14

Rü yexguma ga Lox rü naxü̃tawa naxũ ga yema naxã̱xtegüchaü̃ ixĩgüxü̃ rü ñanagürü nüxü̃: —¡Ipechigü rü ípechoxü̃ i nua! Erü Cori ya Tupana rü tá nayagu ya daa ĩane —ñanagürü. Natürü ga yema naxã̱xtegüchaü̃ ixĩgüxü̃ rü tama aixcüma nayaxõgü ga yema namaxã nüxü̃ yaxuxü̃.

Ngechuchuarü ngúexü̃gü ga yamugüxü̃arü puracüchiga 12:9

Rü nawe narüxũ ga Pedru. Rü tama nüxü̃ nacua̱x ga aixcüma nax yixĩxü̃ ga yema orearü ngeruxü̃ namaxã üxü̃. Rü naxca̱x rü nango̱xetümare.

Norü taxre ga popera ga ãẽ̱xgacügüchiga 7:2

Rü nüma ga ãẽ̱xgacüarü ngü̃xẽẽruxü̃ rü Erichéuxü̃ nangãxü̃ rü ñanagürü: —Rü woo chi Cori ya Tupana yawãxnagu i dauxü̃guxü̃ i naanewa rü taxũchima nangupetü i ngẽma nüxü̃ quixuxü̃ —ñanagürü. Natürü nüma ga Erichéu rü nanangãxü̃ rü ñanagürü: —Cuma rü tá cuxetümaxãxü̃chi nüxü̃ cudau natürü taxũtáma cunangõ̱x i ngẽma nüxü̃ cudauxü̃ —ñanagürü.

Ore i mexü̃ ga Márcu ümatüxü̃ 16:13

Rü nümagü rü nawoegu, rü yema togü ga ngúexü̃gümaxã nüxü̃ nayarüxugü. Natürü yemagüaxü̃́ rü ta tama nayaxõgü.

Ore i mexü̃ ga Márcu ümatüxü̃ 16:14

Rü yemawena ga Ngechuchu rü naxca̱x nango̱x ga yema 11 ga norü ngúexü̃gü ga yexguma mechawa ínachibüeyane. Rü nayangagü naxca̱x nax tama aixcüma yaxõgüãxü̃ rü tama nüxü̃́ inaxĩnüexü̃ ga yema marü nüxü̃ daugüxü̃. Yerü nümagü ga yema ngúexü̃gü rü tama nüxü̃́ nayaxõgüchaü̃ ga yema nüxü̃ daugüxü̃ ga marü wena nax namaxü̃xü̃.

Ore i mexü̃ ga Luca ümatüxü̃ 24:41

Natürü ga yema duü̃xü̃gü rü yexguma rü ta tama nüxü̃́ nayaxõgü, yerü naba̱i̱xãchiãẽgü rü nataãẽgü. Rü yemaca̱x ga Ngechuchu rü nüxna naca rü ñanagürü nüxü̃: —¿Pexü̃́ nangẽxmaxü̃ i õna i nua? —ñanagürü.