Ore i mexü̃ ga Luca ümatüxü̃ 23:9 - Tupanaarü Ore

⁹ Rü muẽ̱xpü̱xcüna Ngechuchuna naca ga Eróde. Natürü Ngechuchu rü tama nanangãxü̃.

Ore i mexü̃ ga Luca ümatüxü̃ 23:9 Referans Kwoze

Ore i mexü̃ ga Matéu ümatüxü̃ 27:14

Natürü ga Ngechuchu rü taxuxü̃maama nanangãxü̃. Rü yemaca̱x poraãcü naba̱i̱xãchiãxẽ ga ãẽ̱xgacü ga Pirátu.

Nüxíraxü̃xü̃ ga popera ga Pedru ümatüxü̃ 2:23

Rü yexguma duü̃xü̃gü chixexü̃ namaxã ixugüegu, rü nüma rü taxuxü̃ma ga chixexü̃maxã nanangãxü̃. Rü yexguma ngúxü̃ nüxü̃ yangexẽẽgügu, rü nüma rü tama ta̱xacürü chixexü̃maxã nanaxãũxü̃ne. Natürü nüma ga Cristu rü nügü inaxã nüxna ya Tupana ya mea nangugücü i guxü̃ma i duü̃xü̃güarü maxü̃.

Ngechuchuarü ngúexü̃gü ga yamugüxü̃arü puracüchiga 8:32

Rü yema nawa yanguchigüxü̃ ga Tupanaarü ore ga ümatüxü̃, rü ñanagürü: “Ñoma wüxi i carnéru i norü ma̱xwa nagagüxü̃rüü̃ãcü nayagagü. Rü wüxi i carnéruxacü i ngẽma yayoxta̱xagüxü̃pe̱xewa tama aita üxü̃rüxü̃ nachianemare, rü taxu ñanagürü.

Ore i mexü̃ ga Luca ümatüxü̃ 13:32

Natürü nüma ga Ngechuchu nanangãxü̃ rü ñanagürü: —¡Naxü̃tawa pexĩ i ngẽma yatü i nüxü̃ cua̱xüchixü̃ nax duü̃xü̃güxü̃ nawomüxẽẽxü̃, rü namaxã nüxü̃ pixu rü ñu̱xma rü moxü̃ rü tá íchanawoxü̃ i ngo̱xogü, rü tá chanameexẽxẽ i ngẽma duü̃xü̃gü i ida̱xaweexü̃, rü pa̱xmaacü tá chanagu̱xẽxẽ!

Ore i mexü̃ ga Matéu ümatüxü̃ 7:6

Rü tama name i Tupanaarü ore i üünexü̃maxã penachixewe i ngẽma duü̃xü̃gü i tama yaxõgüchaü̃xü̃, erü ngürüãchi ngẽmaca̱x tá pexü̃ nadai. Rü tama name i Tupanaarü oremaxã penachixewe i ngẽma duü̃xü̃gü i tama nüxü̃ cua̱xgüchaü̃xü̃, erü tá ínanata̱xgü.

Ichaía 53:7

Rü nanacua̱i̱xgü, natürü nüma rü nügü inaxã rü tama nügüétüwa nidexa. Rü ñoma carnéru i ma̱xwa nagagüxü̃rüxü̃ namaxã nixĩgü. Natürü nüma rü nachianemare. Rü ñoma wüxi i carnéru i yoü̃ta̱xawa nagagüxü̃rüxü̃ nixĩ.

Wiyaegü 39:9

Pa Corix, cupe̱xewa rü changea̱x rü taxu ñachagürü, erü cuma nixĩ i namaxã cucuáxü̃ i chorü maxü̃.

Ore i mexü̃ ga Matéu ümatüxü̃ 27:12

Rü Ngechuchuxü̃ ínaxuaxü̃gü ga chacherdótegüarü ãẽ̱xgacügü rü Yudíugüarü ãẽ̱xgacügü. Natürü ga Ngechuchu rü taxuxü̃maama nanangãxü̃.

Ore i mexü̃ ga Márcu ümatüxü̃ 15:5

Natürü ga Ngechuchu rü taxuxü̃maama nanangãxü̃. Rü yemaca̱x ga Pirátu rü poraãcü naba̱i̱xãchiãxẽ.

Ore i mexü̃ ga Luca ümatüxü̃ 23:10

Rü yéma nayexmagü ta ga chacherdótegüarü ãẽ̱xgacügü rü yema ngúexẽẽruü̃gü ga Moichéarü mugüwa ngu̱xẽẽtaegüxü̃. Rü nümagü rü poraãcü Ngechuchuxü̃ ínaxuaxü̃gü.

Ore i mexü̃ ga Cuáü̃ ümatüxü̃ 19:9

Rü wena Ngechuchumaxã napatagu naxücu. Rü yéma Ngechuchuna nayaca, rü ñanagürü: —¿Nge̱xtácüã̱x quixĩ i cumax? —ñanagürü. Natürü ga Ngechuchu rü tama nanangãxü̃.