Ore i mexü̃ ga Luca ümatüxü̃ 23:44 - Tupanaarü Ore

⁴⁴ Rü yexguma tocuchiwa nanguxgu rü guxü̃wama naxẽane ñu̱xmata tomaepü̱xarü orawa nangu ga yáuanecü.

Ore i mexü̃ ga Luca ümatüxü̃ 23:44 Referans Kwoze

Ore i mexü̃ ga Matéu ümatüxü̃ 27:45

Rü tocuchigu inaxügü rü ñu̱xmata tomaepü̱xarü orawa nangu nax naxẽanexü̃ ga guxü̃ ga naanewa.

Amúx 8:9

Rü choma i Cori ya Tupana rü pemaxã nüxü̃ chixu rü ñachagürü: “Rü ngẽma ngunexü̃gu rü tá tocuchigu chayaxoxẽxẽ ya üa̱xcü. Rü woo ngunecü rü tá chanawaanexẽxẽ i ñoma i naane.

Ngechuchuarü ngúexü̃gü ga yamugüxü̃arü puracüchiga 2:20

Rü üa̱xcü rü tá nixoema rü tauemacü rü tá nagürüxü̃ naduema naxü̃pa nax wenaxarü núma naxũxü̃ ya Cori. Rü ngẽma ngunexü̃ i nagu núma naxũxü̃, rü wüxi i ngunexü̃ i poraãcü ãũcümaxü̃ tá nixĩ.

Ore i mexü̃ ga Matéu ümatüxü̃ 27:52

Rü yuetamaü̃gü rü ningẽnagü. Rü wena namaxẽ ga muxü̃ma ga duü̃xü̃gü ga yuechiréxü̃ ga Tupanaaxü̃́ yaxõgüxü̃.

Ore i mexü̃ ga Cuáü̃ ümatüxü̃ 19:14

Rü wüxi ga ngunexü̃ nataxu nax Üpetüchigaarü petawa nanguxü̃, rü marü tocuchiwa nangu. Rü Pirátu rü Yudíugüxü̃ ñanagürü: —¡Daa nixĩ ya yimá perü ãẽ̱xgacü! —ñanagürü.

Ore i mexü̃ ga Márcu ümatüxü̃ 15:39

Rü gumá churaragüarü capitáü̃ ga Rómacüã̱x ga Ngechuchupe̱xewa yexmacü, rü yexguma nüxü̃ nada̱u̱xgu nax nayuxü̃, rü ñanagürü: —Aixcüma nixĩ ya daa yatü ya Tupana Nane nax yixĩxü̃ —ñanagürü.

Amúx 5:18

¡Rü pegümaxã pengechaxü̃ i pema i penaxwa̱xexü̃ nax paxa petanüwa changuxü̃! Natürü tama nüxü̃ pecua̱x nax ta̱xacü tá pexü̃ ngupetüxü̃ i ngẽma ngunexü̃gu. Rü ngẽma ngunexü̃gu rü tá nawaane rü taxũtáma nangóone.

Joel 2:31

Rü yimá üa̱xcü rü tá nixo rü yimá tauemacü rü ñoma nagürüxü̃ tá naduema naxü̃pa i ngẽma ngunexü̃ i nagu tá chanapoxcuxü̃ i ñoma i naane. Rü ngẽma ngunexü̃ rü tá poraãcü naxãũcüma —ñanagürü.

Wiyaegü 105:28

Rü nüma ga Tupana rü guxü̃wama ga Equítuanewa ínananguxẽxẽ ga ẽanexü̃. Natürü yema Equítuanecüã̱xgü rü tama naga naxĩnüe.