Ore i mexü̃ ga Luca ümatüxü̃ 23:36 - Tupanaarü Ore

³⁶ Rü yema churaragü rü ta Ngechuchuxü̃ nacugüe. Rü naxü̃tawa naxĩ, rü nüxna nanaxã ga bínu ga üxchíücü.

Ore i mexü̃ ga Luca ümatüxü̃ 23:36 Referans Kwoze

Wiyaegü 69:21

Rü ngẽma chauxchi aiexü̃ rü chowemügu nanaxǘgü i chaxü̃ruxü̃. Rü yexguma chita̱xawagu rü bínu ya ngúchia̱xüchicü choxna naxãgü.

Ore i mexü̃ ga Matéu ümatüxü̃ 27:48

Rü yexgumatama rü wüxi ga yema duü̃xü̃gü ga yéma yexmagüxü̃ rü inañaãchi rü Ngechuchuxü̃tawa nanange ga wüxi ga tüaxmü ga bínu ga marü ngúchia̱xüchicümaxã yawaixẽẽxü̃. Rü wüxi ga dexnewa nayana̱i̱x. Rü ñu̱xũchi Ngechuchua̱xgu nanawe̱x nax nüxü̃ natuxuxü̃ca̱x.

Ore i mexü̃ ga Márcu ümatüxü̃ 15:36

Rü yexguma rü wüxi ga yema duü̃xü̃gü ga yéma yexmagüxü̃, rü inañaãchi rü wüxi ga tüaxmü niwaixẽxẽ namaxã ga bínu ga marü ngúchia̱xüchicü. Rü wüxi ga dexnewa nayana̱i̱x, rü ñu̱xũchi Ngechuchua̱xgu nanawe̱x nax nüxü̃ natuxuxü̃ca̱x. Rü yema togüxü̃ ñanagürügü: —¡Yixrüma! ¡Ngĩxã rü itarüdaunü rü aixcüma tá Ería nua ũ nax curuchawa ínaxüexẽẽãxü̃ca̱x! —ñanagürügü.

Ore i mexü̃ ga Matéu ümatüxü̃ 27:34

Rü nüxna nanaxãgü ga bínu ga tuxchanamaxã ãéxü̃cü nax yaxaxãxü̃ca̱x. Rü Ngechuchu nüxü̃ naxaxneta, natürü tama nayaxaxü.

Ore i mexü̃ ga Luca ümatüxü̃ 23:11

Rü yexguma ga Eróde rü norü churaragü rü poraãcü chixri Ngechuchumaxã nachopetü, rü nagu nidauxcüraxü̃gü. Rü wüxi ga naxchiru ga mexẽchixü̃gu nayacu̱xẽẽgü nax nüxü̃ nacugüexü̃ca̱x. Rü yemawena ga Eróde rü wenaxarü Pirátuxü̃ta Ngechuchuxü̃ namu.