Ore i mexü̃ ga Luca ümatüxü̃ 23:34 - Tupanaarü Ore

³⁴ Rü yexguma Ngechuchuxü̃ curuchawa íyapotagüyane, rü ñanagürü ga Ngechuchu: —Pa Chaunatüx, ¡nüxü̃ nangechaü̃ i ñaa duü̃xü̃gü, erü tama nüxü̃ nacua̱xgü nax ta̱xacürü chixexü̃ naxüexü̃! —ñanagürü. Rü yema churaragü rü nanade ga Ngechuchuchiru. Rü ñu̱xũchi wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x nax texéarü tá yixĩxü̃ ga yema Ngechuchuchiru.

Ore i mexü̃ ga Luca ümatüxü̃ 23:34 Referans Kwoze

Ore i mexü̃ ga Matéu ümatüxü̃ 5:44

Natürü i choma rü pemaxã nüxü̃ chixu rü: ¡Nüxü̃ pengechaü̃ i perü uanügü! ¡Rü naxca̱x peyumüxẽ i ngẽma duü̃xü̃gü i chixexü̃maxã pewe ingẽxü̃tanüxü̃!

Ngechuchuarü ngúexü̃gü ga yamugüxü̃arü puracüchiga 7:60

Rü yemawena rü inacaxã́pü̱xü, rü tagaãcü aixta naxü, rü ñanagürü: —Pa Cori Pa Tupanax, ¡Taxṹ i ñaa pecaduca̱x cunapoxcuexü̃ i ñaa duü̃xü̃gü! —ñanagürü. Rü yexguma yema ñaxguwena rü nayu.

Nüxíraxü̃xü̃ ga popera ga Pedru ümatüxü̃ 3:9

Rü ngẽxguma texé chixexü̃ pexca̱x üxgu, rü tama name i pema rü ta chixexü̃ tümaca̱x pexü. Rü ngẽxguma texé pemaxã guxchigagu, rü tama name i pema rü ta tümamaxã peguxchiga. Natürü name nax mexü̃ tümamaxã pexueguxü̃, erü Tupana pexü̃ nade nax mexü̃ pemaxã naxueguxü̃ca̱x.

Romanos 12:14

Rü ngẽxguma chi texé chixexü̃ pexca̱x ínguxẽẽgu, rü name nixĩ i tümaca̱x peyumüxẽgü. Rü name nixĩ i Tupanana tümaca̱x peca nax tüxü̃ nangü̃xẽẽxü̃ca̱x rü tama tüxü̃ napoxcuxü̃ca̱x.

1 Corintios 2:8

Natürü yema Tupana nagu rüxĩnüxü̃, rü taxuxü̃ma ga ñoma ga naanecüã̱x ga ãẽ̱xgacügü nüxü̃ nacua̱x. Yerü yexguma chi aixcüma nüxü̃ nacua̱xgügu ga yema Tupana nagu rüxĩnüxü̃ rü taxũchima curuchawa nayapotagü ga tórü Cori ya Cristu.

Wiyaegü 22:18

Rü nügüna nanaxãgü ga chauxchiru rü sortéuãcü nügüna nanaxãgü ga chauxchiru ga mámüxü̃.

Ichaía 53:12

Rü ngẽmaca̱x i nüma ya Tupana rü tá ñoma i naanearü ãẽ̱xgacügü i iporaexüchixü̃tanüwa nanangexmaxẽxẽ, rü tá nanatachigaxẽxẽ, yerü nügü inaxã nax pecaduca̱x nayuxü̃ca̱x. Rü nüma ga duü̃xü̃gü rü ñoma wüxi ga máetaxü̃ãcü nüxü̃ narüdaunü, natürü ga nüma rü guxü̃ma ga duü̃xü̃güarü pecadu ninge nax ngẽmaãcü naétüwa nachogüxü̃ca̱x i pecaduã̱xgüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:13

Rü woo ga ü̃pa ga choma rü chixri nachiga chidexa ga Cristu, rü nawe chingẽchigü ga yema nüxü̃́ yaxõgüxü̃ rü chixexü̃ Cristumaxã chixugü, natürü ga Tupana rü nüxü̃́ changechaü̃tümüxü̃, yerü tauta Cristuaxü̃́ chayaxõ rü tama nüxü̃ chacua̱x nax tama namexü̃ ga yema chaxüxü̃.

Ngechuchuarü ngúexü̃gü ga yamugüxü̃arü puracüchiga 3:17

Rü dücax i ñu̱xma Pa Chauenexẽgüx, rü yexguma pema rü wüxigu perü ãẽ̱xgacügümaxã peyama̱xgügu ga Ngechuchu, rü tama nüxü̃ pecua̱xgü ga ta̱xacü nax pexüexü̃.

1 Corintios 4:12

Rü tipae nax yeü̃cürü toxme̱xmaxã tapuracüexü̃. Rü duü̃xü̃gü rü chixexü̃ tomaxã nixugüe, natürü i toma rü mexü̃ i oremaxã tanangãxü̃gü. Rü towe ningẽxü̃tanü, natürü yáxna namaxã taxĩnüe.

Ore i mexü̃ ga Matéu ümatüxü̃ 11:25

Rü yexguma rü ñaãcü nayumüxẽ ga Ngechuchu, rü ñanagürü: “Pa Chaunatü ya Daxũguxü̃ i Naane rü Ñoma i Naanearü Yorax, cuxü̃ chicua̱xüxü̃, erü ñaa chorü ngúexü̃güxü̃ nüxü̃ cucua̱xẽxẽ i ñaa ore i naxcha̱xwa iquicúxü̃ i duü̃xü̃gü i ñoma i naanewa nüxü̃ cua̱xüchigüxü̃.

Ore i mexü̃ ga Cuáü̃ ümatüxü̃ 19:11

Rü Ngechuchu nanangãxü̃, rü ñanagürü: —Taxũchima cuxme̱xwa changexma ega tama Tupana naxwa̱xegu. Rü ngẽmaca̱x i ngẽma cuxna choxü̃ muxü̃ rü curü yexera poraãcü napecaduã̱x —ñanagürü.

Ore i mexü̃ ga Márcu ümatüxü̃ 15:24

Rü yemawena curuchawa nayapotagü. Rü nümagü ga churaragü rü wüxi ga diẽru ngĩxü̃ nañanagügü nax yemaacü nügümaxã yatoyeãxü̃ca̱x ga Ngechuchuchiru, rü nüxü̃ nacua̱xgüxü̃ca̱x nax ta̱xacü tá yangexü̃ ga wüxichigü.

Ore i mexü̃ ga Matéu ümatüxü̃ 11:26

Rü moxẽ cuxna chaxã, Pa Chaunatüx, erü cuma cunaxwa̱xe nax ngẽmaãcü cunaxüxü̃”, ñanagürü.

Ore i mexü̃ ga Luca ümatüxü̃ 22:42

Rü ñanagürü: —Pa Chaunatüx, ngẽxguma cuma cunaxwa̱xegu, ¡rü nawa choxü̃ ínanguxuchixẽxẽ i ñaa ngúxü̃ i tá chingexü̃! Natürü chanaxwa̱xe i curü ngúchaü̃ cuxü rü tama i choxrü —ñanagürü.

Ore i mexü̃ ga Cuáü̃ ümatüxü̃ 17:9

Rü ngẽmaca̱x cuxna chaca nax nüxü̃ curüngü̃xẽẽxü̃ca̱x. Rü tama cuxna chaca nax nüxü̃ curüngü̃xẽẽxü̃ca̱x i ñoma i naanecüã̱x i duü̃xü̃gü, natürü cuxna chaca nax nüxü̃ curüngü̃xẽẽxü̃ca̱x i ngẽma choxna cumugüxü̃, erü curü duü̃xü̃gü nixĩgü.

Ngechuchuarü ngúexü̃gü ga yamugüxü̃arü puracüchiga 16:28

Natürü tagaãcü aixta naxü ga Pauru, rü ñanagürü nüxü̃: —¡Taxṹ i cugü quimáxü̃! Rü guxãma i toma rü tanuxmagü —ñanagürü.