Ore i mexü̃ ga Luca ümatüxü̃ 23:29 - Tupanaarü Ore

²⁹ Erü nawa tá nangu i ngunexü̃gü i nagu ñagüxü̃ tá i duü̃xü̃gü: “Tataãẽgü ya yíxema ngexegü ya taxuacüma ãxacügüxe, rü taguma íxraxacügüxe, rü taguma mãĩxãcügüxe”, ñagüxü̃.

Ore i mexü̃ ga Luca ümatüxü̃ 23:29 Referans Kwoze

Ore i mexü̃ ga Matéu ümatüxü̃ 24:19

Rü ngẽma ngunexü̃gügu rü wüxi i ngechaü̃ tá nixĩ i tümaca̱x ya yíxema ngexegü ya itacharaü̃güxe rü yíxema imaixacügüxe.

Ochéa 13:16

Rü choma rü tá chanapoxcue i ngẽma Chamáriacüã̱xgü erü tama chauga naxĩnüe. Rü norü uanügü rü tá taramaxã nanadai. Rü yíxema buxegü rü tá waixü̃mügu tüxü̃ nichi̱xgü. Rü yíxema ngexegü ya itacharaü̃güxe rü tá tüxü̃ nachuxnagü —ñanagürü.

Ngu̱xẽẽtaeruü̃arü ore 4:3

Rü ngẽma yuexü̃ rü ngẽma maxẽxü̃arü yexera taãẽwa nangẽxmagü, rü ngẽma õxchanagü i tauta ñoma i naanegu buexü̃ rü taãẽwa nangẽxmagü erü tauta nüxü̃ nadaugü i ngẽma chixexü̃ i ñoma i naanewa naxügüxü̃ i duü̃xü̃gü.

Ore i mexü̃ ga Luca ümatüxü̃ 11:27

Rü yemaxü̃ íyaxuyane, rü wüxi ga ngecü rü duü̃xü̃gütanüwa tagaãcü ngĩgürügü: —Tataãxẽ ya yíxema tügüanüwa cuxü̃ yaxexẽ́xẽ rü tügü nixü̃wa cuxü̃ maixe —ngĩgürügü.

Ore i mexü̃ ga Luca ümatüxü̃ 23:28

Natürü ga Ngechuchu rü yema ngexü̃güxü̃ nadawenü, rü ñanagürü nüxü̃: —Pa Ngecügüx, Pa Yerucharéü̃cüã̱x ¡taxṹ i cha̱u̱xca̱x pexauxexü̃, natürü pegüca̱xtama pexauxe rü pexacügüca̱x!