Ore i mexü̃ ga Luca ümatüxü̃ 23:25 - Tupanaarü Ore

²⁵ Rü Barabáxü̃ ninge̱x, yerü yema nixĩ ga nümagü naxca̱x ícagüxü̃. Rü yema Barabá nixĩ ga poxcuxü̃ naxca̱x nax duü̃xü̃güxü̃ ãẽ̱xgacümaxã nanuẽxẽẽxü̃ rü namáetaxü̃. Rü yexguma ga Pirátu rü nüxna Ngechuchuxü̃ namu nax namaxã naxügüã̱xü̃ca̱x ga yema nümagü nanaxwa̱xegüxü̃.

Ore i mexü̃ ga Luca ümatüxü̃ 23:25 Referans Kwoze

Ngechuchuarü ngúexü̃gü ga yamugüxü̃arü puracüchiga 3:14

Pema rü tama penaxwa̱xe nax ínanguxuchixü̃ ga gumá Üünecü ga aixcüma mecü ga Ngechuchu, natürü naxca̱x ípeca nax pexca̱x ínanguxuchixẽẽãxü̃ca̱x ga wüxi ga máẽtaxü̃.

Ore i mexü̃ ga Márcu ümatüxü̃ 15:15

Rü yexguma ga Pirátu rü Barabáxü̃ ínanguxuchixẽxẽ, yerü duü̃xü̃güxü̃ nataãẽxẽẽchaü̃. Rü ñu̱xũchi norü churaragüxü̃ namu nax Ngechuchuxü̃ nacua̱i̱xgüxü̃ca̱x rü ñu̱xũchi curuchawa yanapotagüãxü̃ca̱x.

Ore i mexü̃ ga Cuáü̃ ümatüxü̃ 18:40

Rü yexguma ga guxü̃ma ga yema duü̃xü̃gü, rü tagaãcü aita naxüe, rü ñanagürügü: —Tama tanaxwa̱xe nax cuyangéxü̃ i ngẽma yatü. Rü Barabá waxi nixĩ i tanaxwa̱xexü̃ nax cuyangéxü̃ —ñanagürügü. Rü yema Barabá rü wüxi ga máẽtaxü̃ nixĩ.

Ore i mexü̃ ga Luca ümatüxü̃ 23:5

Natürü nümagü rü yexeraãcü Ngechuchuxü̃ nixugüeama, rü ñanagürügü: —Nüma rü guxü̃ma i Yudéaanewa rü norü ngu̱xẽẽtaemaxã nananuexẽxẽ i duü̃xü̃gü. Rü Gariréaanewa inanaxügü ga yemaacü nax duü̃xü̃güxü̃ nangúexẽẽxü̃, rü ngẽmaãcü nanaxü ñu̱xmata núma Yudéaanewa nangu —ñanagürügü.

Ore i mexü̃ ga Luca ümatüxü̃ 23:2

Rü yéma Pirátupe̱xewa inanaxügüe nax Ngechuchuxü̃ yaxugüexü̃. Rü ñanagürügü: —Ñaa yatü rü nüxü̃ itayangaugü nax nanuexẽẽãxü̃ i torü duü̃xü̃gü. Rü nüxü̃ nixu nax tama namexü̃ nax ãẽ̱xgacü ya Rómawa ngẽxmacüaxü̃́ tanaxütanüxü̃ i diẽru. Rü nügü nixu nax nüma yixĩxü̃ i torü ãẽ̱xgacü i Cristu —ñanagürügü.

Ore i mexü̃ ga Matéu ümatüxü̃ 27:26

Rü yexguma ga Pirátu rü Barabáxü̃ ínanguxuchixẽxẽ. Rü ñu̱xũchi norü churaragüxü̃ namu nax Ngechuchuxü̃ nacua̱i̱xgüxü̃ca̱x, rü yemawena curuchawa nax yanapotagüãxü̃ca̱x.

1 Chamué 12:13

Rü daa nixĩ ya yimá ãẽ̱xgacü ya pematama naxca̱x ípecacü. Rü nüma ya Cori ya Tupana rü marü pexna nanamu ya yimá ãẽ̱xgacü ya naxca̱x ípecacü.

Ore i mexü̃ ga Luca ümatüxü̃ 23:24

Rü nüma ga Pirátu rü norü churaragüxü̃ namu nax naxügüã̱xü̃ca̱x ga yema duü̃xü̃gü naxwa̱xegüxü̃.

Ore i mexü̃ ga Luca ümatüxü̃ 23:26

Rü Ngechuchuxü̃ nigagü nax curuchawa yanapotagüãxü̃ca̱x. Rü yexguma yagagüãyane, rü yexma namagu nüxü̃ nangaugü ga wüxi ga yatü ga Chirénecüã̱x ga naanewa ne ũcü. Rü Chimóü̃ nixĩ ga naéga. Rü Chimóü̃xü̃ niyauxgü, rü naatügu ngĩxü̃ naxǘnagügü ga curucha nax Ngechuchuwe ngĩxü̃ nangexü̃ca̱x.

Ore i mexü̃ ga Cuáü̃ ümatüxü̃ 19:16

Rü yexguma ga Pirátu rü yema Yudíugüna Ngechuchuxü̃ namu nax curuchawa yapotagüãxü̃ca̱x. Rü nümagü rü nayagagü.