Ore i mexü̃ ga Luca ümatüxü̃ 22:61 - Tupanaarü Ore

⁶¹ Rü yexguma ga Cori ga Ngechuchu rü Pedruca̱x nügü ínidau. Rü nüma ga Pedru rü nüxna nacua̱xãchi ga yema ore ga Cori ga Ngechuchu namaxã nüxü̃ ixuxü̃ ga ñaxü̃: “Ñomatama i chütaxü̃gu naxü̃pa nax ota icaxaxü̃, rü tomaepü̱xcüna tá cugü quixã nax chorü duü̃xü̃ quixĩxü̃”, ñaxü̃.

Ore i mexü̃ ga Luca ümatüxü̃ 22:61 Referans Kwoze

Ore i mexü̃ ga Luca ümatüxü̃ 22:34

Natürü Ngechuchu rü ñanagürü nüxü̃: —Pa Pedrux, cumaxã nüxü̃ chixu rü ñomatama i chütaxü̃gu naxü̃pa nax ota ica̱xaxü̃, rü cuma rü tomaepü̱xcüna tá nüxü̃ quixu nax tama choxü̃ cucuáxü̃ —ñanagürü.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Yox 33:27

Rü ngẽxguma i nümax i ngẽma duü̃xü̃ rü duü̃xü̃güpe̱xewa tá ñanarügü: “Woo pecadu chaxü, natürü Tupana choxü̃́ nüxü̃ narüngüma rü tama ngẽma choxna üxü̃maxã choxü̃ napoxcu.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:5

¡Rü ngẽmaca̱x nüxna nacua̱xãchi i ngẽma chixexü̃ i cuxüxü̃ rü Tupanaca̱x nataegu rü wenaxarü noxrirüxü̃ nüxü̃ nangechaxü̃! Natürü ngẽxguma chi tama nüxü̃ curüxoxgu i curü chixexü̃, rü paxa tá cuxü̃ íchayadau, rü tá nachicawa cuxna chanayaxu i curü omüarü üruxü̃ ega tama Tupanaca̱x cutaegu̱xgu.

Efesios 2:11

Rü ngẽmaca̱x i pemax nax tama Yudíugü pixĩgüxü̃, rü name i nüxna pecua̱xãchie nax tama toma i Yudíugü i togü ítawíecha̱xmüü̃pe̱xechiraü̃güxü̃rüxü̃ pexĩgüxü̃ ga noxri. Rü toma nüxü̃ tixugüe nax tama Tupanape̱xewa pimexü̃ yerü tama pegü ípewíecha̱xmüxü̃pe̱xechiraü̃gü. Rü yexguma ga pema rü tama Cristuxü̃ pecua̱xgü, rü Iraétanüxü̃na peyáxü̃gugü. Rü tama pexca̱x nixĩ ga yema unetagü ga Tupana Yudíugüna ãxü̃. Rü ñoma ga naanewa pemaxẽmare, rü tama Tupanaxü̃ pecua̱x, rü taxuxü̃ma ípenangu̱xẽxẽ.

Ngechuchuarü ngúexü̃gü ga yamugüxü̃arü puracüchiga 5:31

Natürü Tupana rü nüxü̃ nicua̱xüxü̃, rü nügüarü tügünecüwawa nanatoxẽxẽ. Rü duü̃xü̃güarü Ãẽ̱xgacü rü Maxẽxẽxẽruxü̃ nayangucuchixẽxẽ nax Iraétanüxü̃xü̃ nangü̃xẽxẽxü̃ca̱x nax nüxü̃ naxoexü̃ca̱x i norü chixexü̃gü, rü Tupana nüxü̃́ nüxü̃ rüngü̃maxü̃ca̱x i norü pecadugü.

Ore i mexü̃ ga Cuáü̃ ümatüxü̃ 13:38

Rü Ngechuchu nanangãxü̃, rü ñanagürü: —¿Rü aixcüma yixĩxü̃ i marü ícumemarexü̃ nax cha̱u̱xca̱x cuyuxü̃? Aixcüma cumaxã nüxü̃ chixu rü taxũta yacaxgu ya ota, rü tomaepü̱xcüna tá nüxü̃ quixu nax tama choxü̃ cucuáxü̃ —ñanagürü ga Ngechuchu.

Ore i mexü̃ ga Luca ümatüxü̃ 10:41

Natürü Ngechuchu rü ngĩxü̃ nangãxü̃, rü ñanagürü ngĩxü̃: —Pa Mártax, Pa Mártax, cuma rü poraãcü curü puracügu curüxĩnü, rü naxca̱x cuxoegaãxẽ.

Ore i mexü̃ ga Luca ümatüxü̃ 7:13

Rü yexguma Cori ga Ngechuchu gumá yucüarü mamaxü̃ da̱u̱xgu, rü nüxü̃́ ingechaü̃tümüxü̃. Rü ñanagürü ngĩxü̃: —¡Taxṹ i cuxaxuxü̃! —ñanagürü.

Ore i mexü̃ ga Márcu ümatüxü̃ 5:30

Natürü ga Ngechuchu rü nüxü̃ nicua̱xãchi nax nawa ínaxũxũxü̃ ga pora. Rü naxca̱x nadauegu ga yema muxü̃ma ga duü̃xü̃gü, rü nüxna naca, rü ñanagürü: —¿Texé tixĩ ya chauxchirugu ingõgüxe? —ñanagürü.

Ore i mexü̃ ga Matéu ümatüxü̃ 26:75

Rü nüma ga Pedru rü yexguma nüxna nacua̱xãchi ga yema ore ga Ngechuchu namaxã nüxü̃ ixuxü̃ ga ñaxü̃: “Rü naxü̃pa nax ota ica̱xaxü̃, rü cuma rü tomaepü̱xcüna tá cugü quixã nax chorü duü̃xü̃ quixĩxü̃”, ñaxü̃. Rü ínaxũxũ ga Pedru rü poraãcüxüchima naxaxu.

Ore i mexü̃ ga Matéu ümatüxü̃ 26:34

Rü Ngechuchu ñanagürü nüxü̃: —Aixcüma cumaxã nüxü̃ chixu rü ñomatama i chütaxü̃gu rü naxü̃pa nax ota ica̱xaxü̃, rü tomaepü̱xcüna tá cugü quixã nax chorü duü̃xü̃ quixĩxü̃ —ñanagürü.

Ochéa 11:8

Natürü taxucürüwa pexna chixũgachi, Pa Efraíü̃tanüxü̃x. Rü taxucürüwa pexü̃ íchawogü, Pa Iraéanecüã̱xgüx. Rü taxucürüwa pexü̃ chadai yexgumarüxü̃ ga yema Axmácüã̱xgüxü̃ chadaixgurüxü̃. Rü taxucürüwama pexü̃ charüxoxẽxẽ guma ĩane ga Cheboíü̃xü̃ charüxoxẽẽxü̃rüxü̃. Erü daa chorü maxü̃newa rü pexü̃ changechaü̃ rü íchamemare nax choxü̃́ pengechaü̃tümüxü̃güxü̃.

Ore i mexü̃ ga Luca ümatüxü̃ 7:19

Rü Ngechuchuxü̃tawa nanamugü. Rü Cuáü̃ rü ñanagürü nüxü̃: —¡Ngéma pexĩ rü Ngechuchuna peca rü ñapegügü nüxü̃: “¿Cuma yixĩxü̃ i Cristu i cuxü̃ ítanangu̱xẽẽxü̃, rü ẽ̱xna to tá yixĩxü̃ i Cristu?” —ñapegügü nüxü̃!

Ore i mexü̃ ga Luca ümatüxü̃ 22:60

Rü yexguma ga Pedru rü ñanagürü: —Pa Yatüx, tama nüxü̃ chacua̱x nax ta̱xacüchigaxü̃ quixuxü̃ —ñanagürü. Rü yexgumatama Pedru idexayane rü nica ga ota.

Ore i mexü̃ ga Luca ümatüxü̃ 22:62

Rü yexguma ga Pedru rü ínaxũxũ ga yéma. Rü poraãcüxüchi naxaxu.