Ore i mexü̃ ga Luca ümatüxü̃ 22:57 - Tupanaarü Ore

⁵⁷ Natürü ga Pedru rü nügü nixã, rü ñanagürü: —Pa Ngecüx, choma rü tama nüxü̃ chacua̱x ya yimá Ngechuchu —ñanagürü.

Ore i mexü̃ ga Luca ümatüxü̃ 22:57 Referans Kwoze

Nüxíraxü̃xü̃ ga popera ga Cuáü̃ ümatüxü̃ 1:9

Natürü ngẽxguma chi Tupanamaxã nüxü̃ ixuxgu i tórü pecadugü, rü nüma ya Tupana ya ixaixcümacü rü tá tüxü̃́ nüxü̃ inarüngüma i tórü pecadugü rü tá inayanaxoxẽxẽ i guxü̃ma i tórü chixexü̃gü.

Ngechuchuarü ngúexü̃gü ga yamugüxü̃arü puracüchiga 3:19

Rü ngẽmaca̱x, Pa Chauenexẽgüx, rü name nixĩ i nüxü̃ perüxoe i pecüma i chixexü̃, rü Tupanaca̱x pexĩ, rü peyaxõgü nax nüma pexü̃́ ínapiãxü̃ca̱x i perü pecadugü.

Ore i mexü̃ ga Cuáü̃ ümatüxü̃ 18:27

Rü Pedru rü wena tama nügü nixu. Rü yexgumatama nica ga ota.

Ore i mexü̃ ga Cuáü̃ ümatüxü̃ 18:25

Rü yoxni ga Pedru rü üxüarü ngaicamagu nachiecha, rü yéma nügü nanaixü̃ãma. Rü yema yéma yexmagüxü̃ rü nüxna nacagüe, rü ñanagürügü: —¿Tama ẽ̱xna cuma rü ta norü ngúexü̃ quixĩxü̃ i ngẽma yatü i yayauxgüxü̃? —ñanagürügü. Natürü ga Pedru rü tama nügü nixu, rü ñanagürü: —Tama nixĩ —ñanagürü.

Ore i mexü̃ ga Luca ümatüxü̃ 12:9

Natürü texé ya ñoma i naanewa duü̃xü̃güpe̱xewa tügü ixuxe nax tama chorü duü̃xü̃ tixĩxü̃, rü choma rü Tupanaarü orearü ngeruü̃gü i daxũcüã̱xpe̱xewa rü tá tüxü̃ chixu nax tama chorü duü̃xü̃ tixĩxü̃ i tümax.

Ore i mexü̃ ga Matéu ümatüxü̃ 26:70

Natürü ga Pedru rü guxü̃ ga yema duü̃xü̃güpe̱xewa rü nügü nixã nax Ngechuchuarü duü̃xü̃ yixĩxü̃, rü ñanagürü: —Choma rü tama nüxü̃ chacua̱x i ta̱xacüchiga nixĩ i ngẽma nüxü̃ quixuxü̃ —ñanagürü.

Ore i mexü̃ ga Matéu ümatüxü̃ 10:33

Natürü texé ya duü̃xü̃güpe̱xewa tügü ixuxe nax tama chorü duü̃xü̃ tixĩxü̃, rü choma rü tá ta Chaunatü ya daxũgucüpe̱xewa tüxü̃ chixu nax tama chorü duü̃xü̃ tixĩxü̃ i tümax.

Ore i mexü̃ ga Luca ümatüxü̃ 22:56

Rü yexguma yéma üxücutüwa nato̱xgu ga Pedru, rü wüxi ga ngecü ga ãẽ̱xgacüarü duü̃xü̃ nüxü̃ idau. Rü meama nüxü̃ idawenü, rü ngĩgürügü: —Ñaa yatü rü Ngechuchutanüxü̃ nixĩ —ngĩgürügü.

Ore i mexü̃ ga Luca ümatüxü̃ 22:58

Natürü yixcamaxü̃ra rü to ga duü̃xü̃ Pedruxü̃ nadau, rü ñanagürü nüxü̃: —Cuma rü ta Ngechuchutanüxü̃ quixĩ —ñanagürü. Natürü ga Pedru rü ñanagürü: —Tama nixĩ, Pa Yatüx. Tama nixĩ i natanüxü̃ chixĩxü̃ —ñanagürü.