Ore i mexü̃ ga Luca ümatüxü̃ 22:53 - Tupanaarü Ore

⁵³ Rü guxü̃ ga ngunexü̃gu ga yexguma petanüwa chayexmagu ga Tupanapata ga taxü̃newa, rü tama choxü̃ piyauxgü. Natürü marü nawa nangu nax pexü̃́ natauxchaxü̃ nax choxü̃ piyauxgüxü̃, erü ñoma nixĩ i perü ora i nagu pemaxã naporaxü̃ i Chataná —ñanagürü.

Ore i mexü̃ ga Luca ümatüxü̃ 22:53 Referans Kwoze

Efesios 6:12

Erü tama duü̃xü̃gü i taxrüxü̃ ãmachixü̃ rü ãxchina̱xãxü̃maxã nixĩ i yigü ida̱i̱xü̃. Natürü ngẽma namaxã yigü ida̱i̱xü̃ nixĩ i Chatanáarü duü̃xü̃gü i ngo̱xogü i chixexü̃gü i poraexü̃. Rü nümagü rü namaxã inacua̱x i ñoma i naanearü chixexü̃gü rü guxü̃wama daxũwa nangẽxmagü rü tüxü̃ narüporamaegüchaü̃.

Ore i mexü̃ ga Cuáü̃ ümatüxü̃ 12:27

Rü Ngechuchu ñanagürü: —Rü ñu̱xma rü poraãcü changechaü̃ rü chanaxĩ̱xãchiãxẽ. ¿Rü ta̱xacüxü̃ tá Chaunatümaxã chixuxü̃? Taxucürüwa namaxã nüxü̃ chixu nax choxü̃ ínanguxuchixẽẽxü̃ca̱x nax tama chayuxü̃ca̱x, erü woetama ngẽmaca̱x núma chaxũ —ñanagürü.

Colosenses 1:13

Yerü nüma ga Tupana rü marü Chatanáme̱xẽwa tüxü̃ ínanguxü̃xẽxẽ rü Nane ya nüxü̃ nangechaü̃cüme̱xẽwa tüxü̃ nangẽxmagüxẽxẽ.

Ngechuchuarü ngúexü̃gü ga yamugüxü̃arü puracüchiga 26:18

Rü cuxü̃ chamu nax ngẽma duü̃xü̃güxü̃ choxü̃ cucua̱xẽẽxü̃ca̱x rü nüxü̃ naxoexü̃ca̱x i nacüma i chixexü̃gü rü chauga naxĩnüexü̃ca̱x. Rü cuxü̃ chamu nax Chatanáme̱xẽwa ícunanguxü̃xẽẽxü̃ca̱x i ngẽma duü̃xü̃gü nax chowe naxĩxü̃ca̱x rü choxü̃́ yaxõgüãxü̃ca̱x nax choma nüxü̃́ nüxü̃ icharüngümaxü̃ca̱x i norü pecadugü, rü nüxü̃́ nangẽxmaxü̃ca̱x i nachica natanüwa i guxü̃ma i chorü duü̃xü̃gü i üünegüxü̃”, ñanagürü choxü̃ ga Cori.

Ore i mexü̃ ga Cuáü̃ ümatüxü̃ 7:45

Rü yema Tupanapata ga taxü̃nearü purichíagü, rü Parichéugüca̱x rü chacherdótegüarü ãẽ̱xgacügüca̱x nawoegu. Rü yema ãẽ̱xgacügü rü nüxna nacagü, rü ñanagürügü: —¿Tü̱xcüü̃ tama nua penaga? —ñanagürügü.

Ore i mexü̃ ga Cuáü̃ ümatüxü̃ 14:30

Marü taxũtáma muxü̃ i orexü̃ pemaxã chixu, erü marü paxa tá ínangu i Chataná i ñoma i naanemaxã icuáxü̃. Natürü nüma rü taxuwama choxü̃ narüyexera.

Ore i mexü̃ ga Cuáü̃ ümatüxü̃ 7:30

Rü yexguma ga yema ãẽ̱xgacügü rü Ngechuchuxü̃ niyauxgüchaü̃. Natürü taxuxü̃ma nayayauxgü, yerü tauta nawa nangu ga ora nax yayauxgüãxü̃ rü yama̱xgüãxü̃ca̱x.

Ore i mexü̃ ga Matéu ümatüxü̃ 21:23

Rü yema ñaxguwena ga Ngechuchu rü Tupanapata ga taxü̃negu naxücu. Rü yexguma yéma ínangu̱ẽẽtaeyane rü naxca̱x naxĩ ga chacherdótegüarü ãẽ̱xgacügü rü Yudíugüarü ãẽ̱xgacügü. Rü Ngechuchuna nacagüe rü ñanagürügü: —¿Texégagu cunaxü i ngẽma nua cuxüxü̃? ¿Rü texé cuxna taxãga nax cunaxüxü̃ca̱x i ngẽma? —ñanagürügü.

Ore i mexü̃ ga Luca ümatüxü̃ 22:52

Rü Ngechuchu rü ñanagürü nüxü̃ ga yema chacherdótegüarü ãẽ̱xgacügü, rü Tupanapata ga taxü̃nearü purichíagüarü ãẽ̱xgacügü, rü Yudíugüarü ãẽ̱xgacügü ga norü yauxwa yéma ĩxü̃: —¿Tü̱xcüü̃ taragümaxã rü naixmena̱xãgümaxã cha̱u̱xca̱x nua pexĩ ñoma wüxi i ngĩ́ta̱xaxü̃ chixĩxü̃rüxü̃?

Ore i mexü̃ ga Luca ümatüxü̃ 22:54

Rü Ngechuchuxü̃ niyauxgü, rü chacherdótegüarü ãẽ̱xgacüpatawa nanagagü. Rü Pedru rü nawe narüxũ, natürü yáxü̃guma nüxü̃́ nixũchigü.

Ore i mexü̃ ga Cuáü̃ ümatüxü̃ 13:30

Rü yexguma Yúda nayaxugu ga yema paũ, rü ínaxũxũ ga yema ucapuwa. Rü marü nachüta ga yexguma.