Ore i mexü̃ ga Luca ümatüxü̃ 22:42 - Tupanaarü Ore

⁴² Rü ñanagürü: —Pa Chaunatüx, ngẽxguma cuma cunaxwa̱xegu, ¡rü nawa choxü̃ ínanguxuchixẽxẽ i ñaa ngúxü̃ i tá chingexü̃! Natürü chanaxwa̱xe i curü ngúchaü̃ cuxü rü tama i choxrü —ñanagürü.

Ore i mexü̃ ga Luca ümatüxü̃ 22:42 Referans Kwoze

Ore i mexü̃ ga Matéu ümatüxü̃ 26:39

Rü yexguma ga Ngechuchu rü yéaxüra naxũ. Rü waixü̃müanegu nanangücuchi. Rü nayumüxẽ rü ñanagürü: —Pa Chaunatüx, ngẽxguma cuma cunaxwa̱xegu, ¡rü nüxna choxü̃ ínanguxuchixẽxẽ i ñaa ngúxü̃ i tá chingexü̃! Natürü chanaxwa̱xe i curütama ngúchaü̃ cuxü rü tama i choxrü —ñanagürü.

Ore i mexü̃ ga Matéu ümatüxü̃ 26:42

Rü yexguma rü wenaxarü noxri ínayumüxẽxü̃wa naxũ ga Ngechuchu. Rü ñaãcü nayumüxẽ, rü ñanagürü: —Pa Chaunatüx, ngẽxguma tama cunaxwa̱xegu nax nawa choxü̃ ícunguxuchixẽẽxü̃ i ñaa ngúxü̃ i tá chingexü̃, rü marü name i ngẽma cuma cunaxwa̱xexü̃ãcüma chomaxã cunaxü —ñanagürü.

Ore i mexü̃ ga Márcu ümatüxü̃ 14:36

Rü norü yumüxẽwa rü ñanagürü: —Pa Chaunatüx, cuxca̱x rü guxü̃ma natauxcha. ¡Rü nüxna choxü̃ ínanguxuchixẽxẽ i ñaa ngúxü̃ i tá cha̱u̱xca̱x ínguxü̃! Natürü chanaxwa̱xe i curü ngúchaü̃ cuxü rü tama i choxrü —ñanagürü.

Wiyaegü 40:8

Rü chomax, Pa Chorü Tupanax, rü namaxã chataãxẽ nax curü ngúchaü̃ chaxüxü̃. Rü chauãẽgu namaxã changuxü̃ i ngẽma curü ngu̱xẽẽtae.

Ore i mexü̃ ga Cuáü̃ ümatüxü̃ 18:11

Natürü ga Ngechuchu rü Pedruxü̃ ñanagürü: —¡Ngĩxchixü̃gu ngĩxü̃ ixücuchi i curü tara! ¿Tama ẽ̱xna nüxü̃ cucua̱x nax choma rü tá ngúxü̃ chingexü̃ ngẽma Chaunatü chomaxã naxueguxü̃rüxü̃? —ñanagürü.

Ore i mexü̃ ga Matéu ümatüxü̃ 20:22

Natürü Ngechuchu ngĩxü̃ nangãxü̃ rü ñanagürü: —Pema rü tama nüxü̃ pecua̱x nax ta̱xacüca̱x ípecaxü̃. ¿Namaxã chi peporaexü̃ i ngẽma ngúxü̃ i tá chingexü̃? —ñanagürü. Rü nümagü nanangãxü̃gü rü ñanagürügü: —Ngẽmáacü namaxã tá taporae —ñanagürügü.

Ore i mexü̃ ga Cuáü̃ ümatüxü̃ 5:30

Choma rü taxucürüwa ta̱xacü chaxü chauechamatama ega tama choxü̃ naxüxẽẽãgu ya Chaunatü. Rü Chaunatü chomaxã nüxü̃ ixuxü̃ãcüma nixĩ i nüxna chacaxü̃ i duü̃xü̃gü i norü maxü̃chiga. Rü ngẽxguma nüxna chacaxgu rü aixcüma meama chanangugü i duü̃xü̃gü. Erü tama choxrütama ngúchaü̃ nixĩ i ngẽma chaxüxü̃, natürü Chaunatü ya nua choxü̃ mucüarü ngúchaü̃ nixĩ i ngẽma chaxüxü̃.

Ore i mexü̃ ga Cuáü̃ ümatüxü̃ 6:38

Yerü tama choxrütama ngúchaü̃ nax chaxüxü̃ca̱x nixĩ nax daxũguxü̃ ga naanewa ne chaxũxü̃. Natürü núma chaxũ nax chanaxüxü̃ca̱x i norü ngúchaü̃ ya Chaunatü ya núma choxü̃ mucü.

Ore i mexü̃ ga Cuáü̃ ümatüxü̃ 4:34

Natürü ga Ngechuchu rü ñanagürü nüxü̃: —Chorü õna nixĩ nax chanaxüxü̃ i norü ngúchaü̃ ya yimá nua choxü̃ mucü, rü nax chayanguxẽẽxü̃ i norü puracü.

Ichaía 51:22

Rü yimá perü Cori ya Tupana ya norü duü̃xü̃güxü̃ ípoxü̃cü rü ñanagürü: —Yexguma pemaxã chanuxgu rü poraãcü pexü̃ chapoxcue rü yemaacü pexü̃ chanaxĩ̱xãchitanüãẽxẽxẽ ñoma bínumaxã pengaxegurüxü̃. Natürü tá íchayanaxoxẽxẽ i ngẽma poxcu rü marü taxũtáma wena ngẽma poxcumaxã pexü̃ chapoxcue.

Ore i mexü̃ ga Matéu ümatüxü̃ 26:44

Rü yéma nüxna nixũ, rü norü tomaepü̱xcüna wenaxarü noxriãcütama nayayumüxẽ.

Yeremía 25:15

Rü Cori ya Iraétanüxü̃arü Tupana rü choxü̃ ñanagürü: —Pa Yeremíax, dücax i ñaa copu i changexü̃ i bínumaxã ããcuxü̃. Rü yima bínu rü chorü nuchiga nixĩ. ¡Rü choxna nayaxu i ñaa copu i bínumaxã ããcuxü̃ rü yimá bínuwa yaxaxegüxẽxẽ i guxü̃ma i ngẽma nachixü̃anegü i natanüwa cuxü̃ chamuxü̃!

Ichaía 51:17

¡Peba̱i̱xãchie Pa Yerucharéü̃cüã̱xgüx! ¡Peba̱i̱xãchie rü íperüdagü i pema nax Tupana pemaxã nuxü̃! Rü poraãcü ngúxü̃ pingexü̃ rü ñu̱xma rü pengearü poraã̱x.

Ore i mexü̃ ga Matéu ümatüxü̃ 6:10

¡Rü núma naxũ nax torü ãẽ̱xgacü quixĩxü̃ca̱x! Rü tanaxwa̱xe i curü ngúchaü̃ nax cuxüxü̃ i ñoma i naanewa ngẽxgumarüxü̃ i daxũguxü̃ i naanewa nax curü ngúchaü̃ cuxüxü̃rüxü̃.

Ore i mexü̃ ga Matéu ümatüxü̃ 11:25

Rü yexguma rü ñaãcü nayumüxẽ ga Ngechuchu, rü ñanagürü: “Pa Chaunatü ya Daxũguxü̃ i Naane rü Ñoma i Naanearü Yorax, cuxü̃ chicua̱xüxü̃, erü ñaa chorü ngúexü̃güxü̃ nüxü̃ cucua̱xẽxẽ i ñaa ore i naxcha̱xwa iquicúxü̃ i duü̃xü̃gü i ñoma i naanewa nüxü̃ cua̱xüchigüxü̃.

Ore i mexü̃ ga Matéu ümatüxü̃ 11:26

Rü moxẽ cuxna chaxã, Pa Chaunatüx, erü cuma cunaxwa̱xe nax ngẽmaãcü cunaxüxü̃”, ñanagürü.

Ore i mexü̃ ga Luca ümatüxü̃ 23:34

Rü yexguma Ngechuchuxü̃ curuchawa íyapotagüyane, rü ñanagürü ga Ngechuchu: —Pa Chaunatüx, ¡nüxü̃ nangechaü̃ i ñaa duü̃xü̃gü, erü tama nüxü̃ nacua̱xgü nax ta̱xacürü chixexü̃ naxüexü̃! —ñanagürü. Rü yema churaragü rü nanade ga Ngechuchuchiru. Rü ñu̱xũchi wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x nax texéarü tá yixĩxü̃ ga yema Ngechuchuchiru.

Ngechuchuarü ngúexü̃gü ga yamugüxü̃arü puracüchiga 21:14

Rü yexguma marü taxuacüma tanachu̱xugu, rü tachianemare, rü ñatarügü: —¡Ẽcü yangu i Cori ya Tupanaarü ngúchaü̃! —ñatarügügü.