Ore i mexü̃ ga Luca ümatüxü̃ 22:4 - Tupanaarü Ore

⁴ Rü nüma ga Yúda rü naxü̃tawa naxũ ga chacherdótegüarü ãẽ̱xgacügü rü Tupanapata ga taxü̃nearü purichíagüarü ãẽ̱xgacügü. Rü namaxã nüxü̃ nixu nax ñuxãcü tá Ngechuchuxü̃ inamuxü̃.

Ore i mexü̃ ga Luca ümatüxü̃ 22:4 Referans Kwoze

Ngechuchuarü ngúexü̃gü ga yamugüxü̃arü puracüchiga 5:24

Rü yexguma yema orexü̃ naxĩnüegu ga yema chacherdótegüaru ãẽ̱xgacü rü yema togü ga chacherdótegü ga ãẽ̱xgacügü ixĩgüxü̃ rü yema Tupanapata ga taxü̃nearü purichíagüarü ãẽ̱xgacü rü guxü̃ma naba̱i̱xãchie yerü tama nüxü̃ nacua̱xgü ga ngextá tá nax nanguxü̃ ga guxü̃ma ga yema rü ñuxãcü tá nax iyanaxoxẽxẽgüaxü̃.

Ngechuchuarü ngúexü̃gü ga yamugüxü̃arü puracüchiga 4:1

Rü yexguma duü̃xü̃gümaxã íyadexagüyane ga Pedru rü Cuáü̃, rü yéma nangugü ga chacherdótegü namaxã ga gumá Tupanapata ga taxü̃nearü purichíagüarü ãẽ̱xgacü, rü Chaduchéugü.

Ngechuchuarü ngúexü̃gü ga yamugüxü̃arü puracüchiga 5:26

Rü yéma naxĩ ga Tupanapataarü purichíagüarü ãẽ̱xgacü wüxigu namaxã ga norü purichíagü nax yagagüãxü̃ca̱x. Natürü meamare yema ngúexü̃güxü̃ nigagü yerü namuü̃e nax duü̃xü̃gü nutamaxã yamuxü̃tanüxü̃.

Ore i mexü̃ ga Luca ümatüxü̃ 22:52

Rü Ngechuchu rü ñanagürü nüxü̃ ga yema chacherdótegüarü ãẽ̱xgacügü, rü Tupanapata ga taxü̃nearü purichíagüarü ãẽ̱xgacügü, rü Yudíugüarü ãẽ̱xgacügü ga norü yauxwa yéma ĩxü̃: —¿Tü̱xcüü̃ taragümaxã rü naixmena̱xãgümaxã cha̱u̱xca̱x nua pexĩ ñoma wüxi i ngĩ́ta̱xaxü̃ chixĩxü̃rüxü̃?

Ore i mexü̃ ga Matéu ümatüxü̃ 26:14

Rü ñu̱xũchi wüxi ga Ngechuchuarü ngúexü̃ ga Yúda ga Ichariótegu ãégaxü̃ rü chacherdótegüarü ãẽ̱xgacügüxü̃tawa naxũ.

Neemía 11:11

Rü to nixĩ ga Cheraía. Rü Cheraía nanatü nixĩ ga Irichía, rü Irichía nanatü nixĩ ga Mechuráü̃, rü Mechuráü̃ nanatü nixĩ ga Chadóx, rü Chadóx nanatü nixĩ ga Meraióx, rü Meraióx nanatü nixĩ ga Aitúx. Rü nüma ga Cheraía nixĩ ga ãẽ̱xgacü ga Tupanapata ga taxü̃nemaxã inacuáxü̃.

Ore i mexü̃ ga Luca ümatüxü̃ 22:5

Rü nümagü ga yema ãẽ̱xgacügü rü nataãẽgü. Rü diẽru Yúdana ngĩxü̃ naxuaxü̃gü.