Ore i mexü̃ ga Luca ümatüxü̃ 22:37 - Tupanaarü Ore

³⁷ Erü pemaxã nüxü̃ chixu rü chowa tá ningu i ngẽma Tupanaarü ore i ümatüxü̃ i ñaxü̃: “Wüxi i máetaxü̃rüxü̃ tá namaxã inacua̱xgü”, ñaxü̃. Erü guxü̃ma i ngẽma chauchiga ümatüxü̃ i Tupanaarü ore i ümatüxü̃wa rü aixcüma tá ningu —ñanagürü.

Ore i mexü̃ ga Luca ümatüxü̃ 22:37 Referans Kwoze

Ichaía 53:12

Rü ngẽmaca̱x i nüma ya Tupana rü tá ñoma i naanearü ãẽ̱xgacügü i iporaexüchixü̃tanüwa nanangexmaxẽxẽ, rü tá nanatachigaxẽxẽ, yerü nügü inaxã nax pecaduca̱x nayuxü̃ca̱x. Rü nüma ga duü̃xü̃gü rü ñoma wüxi ga máetaxü̃ãcü nüxü̃ narüdaunü, natürü ga nüma rü guxü̃ma ga duü̃xü̃güarü pecadu ninge nax ngẽmaãcü naétüwa nachogüxü̃ca̱x i pecaduã̱xgüxü̃.

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

Ore i mexü̃ ga Luca ümatüxü̃ 23:32

Rü yéma nanagagü ta ga taxre ga ngĩ́ta̱xagüxü̃ ga máetagüxü̃ nax Ngechuchurüxü̃ curuchawa yanapotagüãxü̃ca̱x.

Gálatas 3:13

Natürü ga Cristu rü nawa tüxü̃ ínanguxü̃xẽxẽ ga yema mugü ga chixexü̃gu tüxü̃ yixẽẽxü̃. Rü nüma ga Cristu rü chixexü̃wa nügü nayexmaxẽxẽ ga yexguma curuchagu nayu̱xgu. Erü Tupanaarü ore i ümatüxü̃wa, rü ñanagürü: “Rü guxãma ya yíxema wüxi i naiwa tüxü̃ natuxẽẽgüãcüma yuxe, rü chixexü̃wa tangexma”, ñanagürü.

Ore i mexü̃ ga Cuáü̃ ümatüxü̃ 17:4

Choma rü ñoma i naanewa marü duü̃xü̃güxü̃ nüxü̃ chadauxẽxẽ nax cuma rü Tupana ya poraxüchicü quixĩxü̃, rü chayanguxẽxẽ i guxü̃ma i puracü ga nawa choxü̃ cumuxü̃.

Ore i mexü̃ ga Cuáü̃ ümatüxü̃ 10:35

Rü ngẽmaãcü Tupanaarü orewa rü nüxü̃ nixu nax tupanagü tixĩgüxü̃ ya guxãma ya yíxema nayauxgüxe i norü ore. Rü nüxü̃ tacua̱x rü taxucürüwama texé itayanaxoxẽxẽ i ngẽma Tupanaarü ore i ümatüxü̃wa nüxü̃ yaxuxü̃.

Ore i mexü̃ ga Luca ümatüxü̃ 18:31

Rü Ngechuchu rü noxrüwama naxca̱x naca ga norü ngúexü̃gü, rü ñanagürü nüxü̃: —Ñu̱xma rü Yerucharéü̃wa tá taxĩ nax ngéma yanguxü̃ca̱x i guxü̃ma ga yema ore ga nũxcümaü̃güxü̃ ga Tupanaarü orearü uruü̃gü ümatüxü̃ ga nachiga ya Tupana Nane ya duü̃xü̃xü̃ ixĩcü.

Ore i mexü̃ ga Luca ümatüxü̃ 22:22

Rü Tupana Nane ya duü̃xü̃xü̃ ixĩcü, rü Tupana ixunetaxü̃rüxü̃ tá nayu. Natürü wüxi i ngechaü̃xü̃chi tá nixĩ naxca̱x i ngẽma yatü i ãẽ̱xgacügüna namuxü̃ —ñanagürü.

Ore i mexü̃ ga Márcu ümatüxü̃ 15:27

Rü naxrüxü̃ curuchawa nayapotagü ga taxre ga máetagüxü̃ rü wüxi ga norü tügünecüwawa rü to ga norü to̱xwecüwawa.

Ore i mexü̃ ga Luca ümatüxü̃ 22:36

Rü yexguma ga Ngechuchu rü ñanagürü nüxü̃: —Natürü ñu̱xma rü texé ya petanüwa ya chocaã́xẽ rü tanaxwa̱xe nax ítayangexü̃, rü tümaarü diẽruchixü̃ rü ta. Rü ngẽxguma texé ngearü taraã̱xgu rü tanaxwa̱xe i namaxã tataxe i tümaarü gáuxü̃chiru nax tümaarü taraca̱x tataxexü̃ca̱x.

Ore i mexü̃ ga Luca ümatüxü̃ 22:52

Rü Ngechuchu rü ñanagürü nüxü̃ ga yema chacherdótegüarü ãẽ̱xgacügü, rü Tupanapata ga taxü̃nearü purichíagüarü ãẽ̱xgacügü, rü Yudíugüarü ãẽ̱xgacügü ga norü yauxwa yéma ĩxü̃: —¿Tü̱xcüü̃ taragümaxã rü naixmena̱xãgümaxã cha̱u̱xca̱x nua pexĩ ñoma wüxi i ngĩ́ta̱xaxü̃ chixĩxü̃rüxü̃?

Ore i mexü̃ ga Luca ümatüxü̃ 24:27

Rü yexguma inanaxügü ga namaxã nax nango̱xẽẽãxü̃ ga guxü̃ma ga Tupanaarü ore ga nachiga ümatüxü̃. Rü yema Tupanaarü ore ga Moiché ümatüxü̃maxã inanaxügü. Rü ñu̱xũchi namaxã nüxü̃ nixu ga guxü̃ma ga yema Tupanaarü ore ga nũxcümaü̃güxü̃ ga Tupanaarü orearü uruü̃gü ümatügüxü̃.

Ore i mexü̃ ga Márcu ümatüxü̃ 15:28

Rü yemaacü ningu ga Tupanaarü ore ga ümatüxü̃ ga ñaxü̃: “Ngẽma chixexü̃arü üruü̃gümaxã napoxcu”, ñaxü̃.