33 Rü ñanagürü ga Pedru: —Pa Corix, choma rü marü íchamemare nax wüxigu cumaxã nax chapoxcuxü̃ rü ẽ̱xna wüxigu cumaxã nax chayuxü̃ —ñanagürü.
Natürü nüma ga Pedru rü ñanagürüama: —Woo wüxigu cumaxã chayu̱xgu, rü taxũtáma chaugü chixã nax curü duü̃xü̃ chixĩxü̃ —ñanagürü. Rü guxü̃ma ga togü ga norü ngúexü̃gü rü ta yema ñanagürügü.
Rü yexguma ga Pedru rü ñanagürü nüxü̃: —Woo guxü̃ma i togü cuxü̃ íta̱xgu, rü choma rü taxũtáma cuxü̃ íchata̱x —ñanagürü.
Natürü Ngechuchu ngĩxü̃ nangãxü̃ rü ñanagürü: —Pema rü tama nüxü̃ pecua̱x nax ta̱xacüca̱x ípecaxü̃. ¿Namaxã chi peporaexü̃ i ngẽma ngúxü̃ i tá chingexü̃? —ñanagürü. Rü nümagü nanangãxü̃gü rü ñanagürügü: —Ngẽmáacü namaxã tá taporae —ñanagürügü.
Natürü nüma ga Pauru rü toxü̃ nangãxü̃ rü ñanagürü: —¿Tü̱xcüü̃ pexauxe rü choxü̃ pengechaü̃xẽxẽ? Choma rü íchamemare nax chinaíxü̃. Rü íchamemare ta nax Yerucharéü̃gu chayuxü̃ naxca̱x ya Cori ya Ngechuchu —ñanagürü.
Ngẽma naechitamare maxü̃xü̃ rü norü ĩnünatama narüyoe. Natürü yíxema aixcüma tümaãẽxü̃ cuáxe, rü tama chixexü̃gu tangu.
Rü nataxuma i ta̱xacü i duü̃xü̃ãẽrüxü̃ idorata̱xáxü̃ rü chixexü̃gu rüxĩnüxü̃. ¿Rü texé tá nüxü̃ cuáxü̃ i ngẽma nagu naxĩnüxü̃?
Pa Corix, choma nüxü̃ chacua̱x nax wüxichigü i duü̃xü̃ rü tama norü maxü̃arü yora nax yixĩxü̃, rü tama nüxü̃ nacua̱x nax ta̱xacü tá nüxü̃ ngupetüxü̃.
Natürü Ngechuchu rü ñanagürü nüxü̃: —Pa Pedrux, cumaxã nüxü̃ chixu rü ñomatama i chütaxü̃gu naxü̃pa nax ota ica̱xaxü̃, rü cuma rü tomaepü̱xcüna tá nüxü̃ quixu nax tama choxü̃ cucuáxü̃ —ñanagürü.
Rü Ngechuchu nanangãxü̃, rü ñanagürü: —¿Rü aixcüma yixĩxü̃ i marü ícumemarexü̃ nax cha̱u̱xca̱x cuyuxü̃? Aixcüma cumaxã nüxü̃ chixu rü taxũta yacaxgu ya ota, rü tomaepü̱xcüna tá nüxü̃ quixu nax tama choxü̃ cucuáxü̃ —ñanagürü ga Ngechuchu.
Natürü ga Pedru rü nügü nixã, rü ñanagürü: —Pa Ngecüx, choma rü tama nüxü̃ chacua̱x ya yimá Ngechuchu —ñanagürü.